<p><span style="color: #000000;"><strong>(ភ្នំពេញ)៖</strong> តារាសម្ដែងធ្លាប់ល្បីល្បាញ ក្នុងទស្សវត្សទី៨០ និងជាដៃគូដ៏ស័ក្តិសមជាមួយនឹង លោក ទេព រិន្ទដារ៉ូ អ្នកនាង អម្ពរ ទេវី នឹងធ្វើដំណើរមកកាន់ទឹកដីកំណើត របស់ខ្លួនក្នុងពេលឆាប់ៗខាងមុខនេះ ដែលជាដំណើរមកកាន់ប្រទេសកម្ពុជាដ៏កម្រ ពុំធ្លាប់មានរយៈពេលជាង២០មកនេះ ដើម្បីចូលរួមសម្ដែងក្នុងស្នាដៃនិពន្ធ និងដឹកនាំ សម្ដែងក្នុងរឿងថ្មីរបស់អ្នកស្រី ពាន់ ភួង បុប្ផា មានចំណងជើងថា «ទឹកចិត្តម្ដាយសម័យថ្មី» ដែលជាស្នាដៃដំបូងរបស់អ្នកស្រី បន្ទាប់ពីចុះកិច្ចសន្យាផលិតរឿងឲ្យផលិតកម្ម «ថោន»។</span></p>
<p><span style="color: #000000;">កវីនិពន្ធ និងដឹកនាំសម្ដែងឆ្នើម អ្នកស្រី ពាន់ ភួងបុប្ផា បានថ្លែងដោយបើកចំហរ ក្នុងសន្និសីទកាសែត ចូលមកកាន់ផលិតកម្ម «ថោន» កាលពីពេលថ្មីៗនេះថា ជាការពិតកំពូលតារាសម្ដែងឆ្នើម និងមានកេរ្តិ៍ឈ្មោះល្បីល្បាញ ក្នុងទស្សវត្ស៨០ និង៩០ អ្នកនាង អម្ពរ ទេវី នឹងមកកាន់ប្រទេសកម្ពុជា ក្នុងអំឡុងដើមខែសីហា ឆ្នាំ២០១៦នេះ ដើម្បីចូលរួមថតរឿងឲ្យអ្នកស្រី តាមការសន្យា ពេលដែលអ្នកស្រីទៅលេងនៅសហរដ្ឋអាមេរិក ហើយបានជួបនឹងអ្នកនាង អម្ពរ ទេវី ។</span></p>
<p><span style="color: #000000;">អ្នកស្រី ពាន់ ភួងបុប្ផា ថ្លែងថា « ចា៎..រឿង ទឹកចិត្តម្ដាយសម័យថ្មី នឹងមានការចូលរួមសម្ដែង ពីសំណាក់អ្នកនាង អម្ពរ ទេវី ហើយគាត់មកកម្ពុជាតែរយៈពេលតែ១២ថ្ងៃ ប៉ុណ្ណោះ ដូច្នេះខ្ញុំត្រូវរៀបចំឈុតឆាកឲ្យគាត់ជាមុន ព្រោះជាពេលវេលាមួយខ្លីបំផុត ហើយគាត់មកខ្មែរពេលនេះ មិនមែនមកកម្សាន្ត ឬក៏មកលេងបងប្អូនទេ គឺគាត់មកថតរឿងឲ្យខ្ញុំតែម្ដង ព្រោះគាត់បានជាប់មាត់ជាប់ក ជំពាក់ពាក្យសម្ដី ថានឹងសម្ដែងរឿងឲ្យខ្ញុំ ពេលខ្ញុំជួបគាត់នៅអាមេរិក..!»។</span></p>
<p><span style="color: #000000;">អ្នកស្រី ពាន់ ភួងបុប្ផា បានបញ្ជាក់ទៀតថា អ្នកនាង អម្ពរ ទេវី អាចនឹងសម្ដែងជាតួលោកជំទាវ ក្នុងសាច់រឿងរបស់អ្នកស្រី ហើយមិនមែនជារឿងងាយស្រួលទេ ដែលអ្នកស្រីអាចកងកាវតួសម្ដែងពីជំនាន់មុន ដែលកំពុងតែរស់នៅប្រទេសក្រៅ ឲ្យមកសម្ដែងក្នុងរឿងអ្នកស្រីបាន វាគឺជារឿងលំបាកមួយ ប៉ុន្តែដោយសារតែតារាសម្ដែង ទាំងអស់នោះ ធ្លាប់ស្គាល់ពីស្នាដៃ ពីបទពិសោធន៍របស់អ្នកស្រី នាពេលកន្លងមក ទើបពួកគាត់ទុកចិត្ត និងនៅតែរីករាយសម្ដែងឲ្យអ្នកស្រីដដែល។</span></p>
<p><span style="color: #000000;">សូមបញ្ជាក់ថា បើយោងតាមអ្នកស្រី ពាន់ ភួងបុប្ផា បានបន្ថែមថា រឿង«ទឹកចិត្តម្ដាយសម័យថ្មី» នឹងមានការចូលរួមសម្ដែង ដោយតារាជំនាន់មុន និងជំនាន់ក្រោយល្បីៗជាច្រើនដួង រួមមាន អ្នកនាង អម្ពរ ទេវី, អ្នកស្រី ឌី សាវ៉េត, លោក ទេព រិន្ទដារ៉ូ, អ្នកនាង ស៊ឹម សូលីកា ,អ្នកនាង សុខ សោម៉ាវត្តី ព្រមទាំងវត្តមានតារាសម្ដែងល្បីៗ ជាច្រើនទៀត៕</span></p>
<p><span style="color: #000000;"><img src="https://s3.kh1.co/51332eb8974b903f2cb851159d2ef7cbed619543.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13532862_1475142479178724_3123694796999926927_n.jpg?oh=fb8b1e777a26f05a8f2559c49f4136ab&oe=57EF059E" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13516741_1475142489178723_5938365260380383895_n.jpg?oh=52325602c9e36f82cbe0eba9a430b2a2&oe=57F675C8" alt="" width="730" /></span></p>
<p><span style="color: #000000;"><img src="https://i.everyday.com.kh/2016/2/60152b67-c9e0-426f-be76-2094b649600b.jpg" alt="" width="730" /></span></p>
<p><span style="color: #000000;"><img src="http://kbn-28c4.kxcdn.com/news/file/2016/04/Screen-Shot-2016-04-29-at-2.09.20-PM.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>