<div class="article-content">
<p><strong>ភ្នំពេញ៖</strong> បុរសម្នាក់ បានរងរបួសបាក់ជើង ខាងស្ដាំ និង២នាក់ទៀតរបួសស្រាល ខណៈ<br />ដែលពូកគេ កំពុងជិះម៉ូតូ ត្រូវរថយន្តក្រឡុកស៊ីម៉ងត៍ បុកពី ក្រោយហើយកិនអូសម៉ូតូជិត<br />១០០ម៉ែត្រ រហូតដល់មុខសម្រស់បុប្ផា ស្ពានដែក ទើបអស់ល្បឿនទៅមុខលែងរួច កាល<br />ពីវេលាម៉ោង២១និង២០នាទីថ្ងៃទី ១៣ ខែវិច្ឆិកា ឆ្នាំ២០១៣ ត្រង់ចំណុច សម្រស់បុប្ផាស្ពាន<br />ដែក តាមបណ្ដោយផ្លូវលេខ២១៧ ស្ថិតក្នុងភូមិម័រ សង្កាត់ដង្កោ ខណ្ឌដង្កោ ។</p>
<p>ជនរងគ្រោះត្រូវបានគេស្គាល់ឈ្មោះ ញឹម ធេត ភេទប្រុសអាយុ ២០ឆ្នាំ ទី២ ឈ្មោះញឹម <br />ភើន ភេទប្រុស អាយុ ៣៣ឆ្នាំ ទី៣ ឈ្មោះញឹម ខា ភេទស្រី អាយុ១៧ ឆ្នាំ មានស្រុកកំណើត<br />នៅភូមិព្រៃឈើទាល ឃុំប្រាំបីមុំ ស្រុកត្រាំង ខេត្តតាកែវ ។</p>
<p>តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញម៉ូតូមួយគ្រឿង<br /> ម៉ាកសេ១២៥ ពណ៌ ខ្មៅពាក់ស្លាកលេខតាកែវ 1H-1004 ជិះគ្នា៣នាក់ ធ្វើដំណើរតាមបណ្ដោយ<br />ផ្លូវលេខ២១៧ ក្នុងទិសដៅពី ជើងទៅត្បូងក្នុងល្បឿនល្មម ខណៈមកដល់ចំណុចកើតហេតុ<br />ស្រាប់តែ មានរថយន្តក្រឡុកស៊ីម៉ងត៍ មួយគ្រឿង ពណ៌ស ពាក់ស្លាកលេខព្រះសីហនុ 3A-0713<br /> ធ្វើដំណើរស្របទិសគ្នាក្នុងល្បឿនលឿន ជ្រុលបុកម៉ូតូពីក្រោយ ពេញទំហឹងបណ្ដាលឲ្យម៉ូតូចូល<br />ក្រោមរថយន្ត ហើយ អូសជិត១០០ម៉ែត្រ បណ្ដាលឲ្យមនុស្សចំនួន៣នាក់ រង របួសធ្ងន់ និងស្រាលត្រូវបានរថយន្តសង្គ្រោះដឹកទៅសង្គ្រោះភ្លាមៗ ចំណែកម៉ូតូរងការខូចខាតស្ទើរទាំង ស្រុង។</p>
<p>ក្រោយពេលកើតហេតុសមត្ថកិច្ចបានចុះធ្វើការវាស់វែង និងអូសរថយន្តទៅរក្សាទុកនៅការិយាល័យ ចរាចរណ៍ ជើងគោកដើម្បីរង់ចាំធ្វើការដោះស្រាយតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-90.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-91.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-92.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>