<p><span style="color: #000000;">ក្រុមហ៊ុន Samsung បានមានគម្រោងទុកមកជាយូរមកហើយ ស្តីពីស្មាតហ្វូនមួយប្រភេទដែលអាច បត់អេក្រង់បាន។ វាគឺជាផលិតផលមួយដែលអាចបំលែងខ្លួនពីស្មាតហ្វូនទៅជា ថេប្ល៊ែតមួយបាន។</span></p>
<p><span style="color: #000000;">យោងតាមប្រភពព័ត៌មានពីអ្នកវិភាគមកពី HSBC បានឲ្យដឹងថា Samsung អាចនឹងបញ្ចេញឧបករណ៍ អេក្រង់ អាចបត់បានដំបូងគេនៅលើពិភពលោក នៅចុងឆ្នាំនេះ។ ស្មាតហ្វូននេះ នៅពេលបើកវាចេញ វានឹងបំលែងខ្លួន ទៅជាថេប្ល៊ែតមួយគ្រឿង។ តាមរយះបណ្តារូបភាពដែលថតចេញពីវីដេអូរបស់ Samsung បានបញ្ជាក់បន្ថែម ពីព័ត៌មាននេះ។</span></p>
<p><a class="thickbox" title="" href="/FileManager/Commons/2016/1/8/project-valley-08-01-2016--15-37-13.jpg"><img src="/FileManager/Articles/mce/2016/1/8/project-valley-08-01-2016--15-37-13.jpg" alt="" /></a></p>
<p> </p>
<p><span style="color: #000000;">គម្រោងផែនការផលិតស្មាតហ្វូនអេក្រង់អាចបត់បាន បានចចាមអារ៉ាមតាំងពីពីរបីឆ្នាំមុនមកម្ល៉េះ នៅ ក្នុងវីដេអូស្លាយនៃបទបង្ហាញ ស្តីពីការដាក់ចេញ នូវប្រភេទស្មាតហ្វូនដែលអាចប្រែក្លាយទៅជា ថេប្ល៊ែត។ នេះគឺជាផែនការ ជាក់លាក់មួយពី Samsung និងមានការរំពឹងទុកថា នឹងបង្ហាញណែនាំ ស្មាតហ្វូននេះ នៅក្នុងឆ្នាំ២០១៨។ ជាក់ស្តែង តាមព័ត៌មានថ្មីៗនេះ ក្រុមហ៊ុនអេឡិចត្រូនិចកូរ៉េមួយនេះ នឹងជុំរុញល្បឿននៃការអភិវឌ្ឍន៍ ដើម្បីឲ្យ ទាន់ធ្វើការបង្ហាញណែនាំនៅចុងឆ្នាំនេះ។</span></p>
<p><span style="color: #000000;">ស្មាតហ្វូនអេក្រង់បត់បើកបាន ដែលមានបំពាក់អេក្រង់ OLED នេះ នឹងជួយឲ្យ Samsung ដណ្តើម បានចំណែក ទីផ្សារដែលបានបាត់បង់មកវិញ កាលពីពេលកន្លងទៅនេះ។ ពួកគេនឹងអាចធ្វើការ ប្រកួតប្រជែង ទាំងក្នុងវិស័យស្មាតហ្វូន និងវិស័យថេប្ល៊ែត។ ជាមួយនឹងឧត្តមភាពរបស់ខ្លួន ស្មាតហ្វូន អេក្រង់បត់បែនបាន នឹងបង្កើតបាននូវ Feature ថ្មីៗច្រើនជាងមុន។ ទន្ទឹមនឹងនោះ ឧបករណ៍នឹងមាន ទំហំតូច ប៉ុន្តែមានអេក្រង់ធំជាងមុន។</span></p>
<p><span style="color: #000000;">គួរបញ្ជាក់ផងដែរថា បើតាមផែនការរបស់ Samsung ស្មាតហ្វូន Galaxy S7 នឹងធ្វើការបង្ហាញណែនាំ ខ្លួននៅក្នុងខែកុម្ភះ ឆ្នាំនេះ ហើយនៅចុងឆ្នាំ ស្មាតហ្វូនអេក្រង់បត់បែនបាន នឹងបង្ហាញខ្លួន នៅលើ ទីផ្សារ។ នេះអាចជា ផលិតផលដ៏អស្ចារ្យមួយដែល Samsung ធ្លាប់ធ្វើការបង្ហាញណែនាំពីមុនមក៕</span></p>
<p><a class="thickbox" title="" href="/FileManager/Commons/2016/1/8/samsung-001-08-01-2016--15-37-44.jpg"><img src="/FileManager/Articles/mce/2016/1/8/samsung-001-08-01-2016--15-37-44.jpg" alt="" /></a></p>
<p> </p>
<p style="text-align: center;"><span style="color: #000000;"><object width="500" height="400" data="http://www.youtube.com/v/MKG7XRsG9KQ&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/MKG7XRsG9KQ&rel=1" /></object><br /></span></p>
<p> </p>
<p style="text-align: right;">ប្រែសម្រួល៖ មង្គល<br /> ប្រភព៖ <em>PhoneArena, Zing</em></p>