<div class="article-content">
<div class="msg Nth"><strong>ភ្នំពេញៈ</strong> រថយន្ត SAMU ខេត្តកំពង់ចាម បុកម៉ូតូ ស្លាប់ពីរនាក់ ឯម្នាក់ទៀតរបួសធ្ងន់ នៅមុខខេម<br />ហ្គាសខូអិលធីឌី ផ្លូវជាតិលេខ៥ សង្កាត់ស្វាយប៉ាក ខណ្ឌឬស្សីកែវ នៅម៉ោង២០ និង០៥ នាទី ថ្ងៃ<br />ទី១៥ ខែមេសា ឆ្នាំ២០១៣។</div>
<div class="msg Nth"><br />សាក្សីនៅកន្លែងកើតហេតុ បានឲ្យដឹងថា អ្នកបើកបរម៉ូតូ ត្រូវស្លាប់ភ្លាមៗនៅកន្លែង ក៏ព្រោះតែមិន</div>
<p>បានពាក់មួកសុវត្ថិភាព ឯអ្នករួមដំណើររងរបួសធ្ងន់។ សាក្សីបានឲ្យដឹងទៀតថា អ្នកបើកបរម៉ូតូ <br />Honda Cub ពណ៍ទឹកប៊ិច ពាក់ស្លាកលេខ ទ-៦០៤៣ ភព១ ឈ្មោះ សារិន ភេទប្រុស អាយុ២២ ឆ្នាំ<br /> ជាជាងអ៊ីណុក បានស្លាប់នៅនិងកន្លែង ឯអ្នករួមដំណើរឈ្មោះ សុខ លី ភេទប្រុស អាយុ២៦ ឆ្នាំ<br /> រងរបួសធ្ងន់។</p>
<p>មន្រ្តីនគរបាល ដែលចុះទៅដល់កន្លែងកើតហេតុ បានឲ្យដឹងថា រថយន្ត SAMU ម៉ាក Land Cruiser <br />ពណ៌ស ពាក់ស្លាកលេខ រដ្ឋ១២-២-០២៤៥ ដែលជួបគ្រោះថ្នាក់ជាមួយម៉ូតូនេះ ជាកម្មសិទ្ធិរបស់មន្ទីរ<br />ពេទ្យខេត្តកំពង់ចាម បើកបរដោយឈ្មោះ យន់ សុខា ភេទប្រុស អាយុ៥០ ឆ្នាំ ជាអ្នកបើកបររថយន្ត<br />របស់មន្ទីរពេទ្យ ស្នាក់នៅភូមិទី៦ សង្កាត់វាលវង់ ក្រុងកំពង់ចាម ខេត្តកំពង់ចាម ក្នុងហេតុការណ៍ <br />បានបណ្តាលឲ្យអ្នកជំងឺម្នាក់ នៅក្នុងរថយន្តស្លាប់ផងដែរ។</p>
<p>មន្រ្តីនគរបាលបានឲ្យដឹងទៀតថា ម៉ូតូបានធ្វើដំណើរតាមផ្លូវជាតិលេខ៥ ពីត្បូងទៅជើង ស្រាប់តែ<br />ដល់ខាងមុខ ខេមហ្គាសខូអិលធីឌី ផ្លូវជាតិលេខ៥ ក្នុងសង្កាត់ស្វាយប៉ាក ក៏បានបុកជាមួយរថយន្ត<br /> SAMU របស់មន្ទីរពេទ្យខេត្តកំពង់ចាម ដែលធ្វើដំណើរច្រាសទិសគ្នាពីជើងទៅត្បួង។</p>
<p>យោងតាមការបញ្ជាក់ របស់សមត្ថកិច្ចបានឲ្យដឹងថា ក្នុងករណីគ្រោះថ្នាក់នេះបណ្តាលឲ្យ អ្នកបើក<br />ម៉ូតូស្លាប់នៅកន្លែងកើតហេតុ និងអ្នករួមដំណើររបួសធ្ងន់ សម្រាកនៅមន្ទីរពេទ្យសែនសុខ ពួកគាត់<br />ពុំមានពាក់មួក ការពារសុវត្ថិភាពទេ។ រីឯរថយន្ត SAMU បានដឹកអ្នកជម្ងឺធ្ងន់ធ្ងរពីរនាក់ មកពីខេត្ត<br />កំពង់ចាម ខណ:ដែលបុកជាមួយម៉ូតូបណ្ដាលអោយ អ្នកជម្ងឺម្នាក់បាត់បង់ជីវិត នៅលើរថយន្ត<br />សង្រ្គោះ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-030/Kosal-0258.jpg" alt="DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-030/Kosal-0260.jpg" alt="DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-030/Kosal-0261.jpg" alt="DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-030/Kosal-0259.jpg" alt="DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>