<p><span style="color: #000000;"><strong>រុស្ស៊ី៖</strong> គ្រោះថ្នាក់មួយករណីទៀតបានកើតឡើងនៅប្រទេសរុស្ស៊ី ព្រោះតែការថតរូប Selfie បានបណ្តាលឲ្យនារីវ័យ ក្មេងម្នាក់ជានិស្សិតផ្នែកទេសចរណ៍ ទើបនឹងបញ្ចប់ការសិក្សានៅឯសាកលវិទ្យាល័យរដ្ឋមួយត្រូវបាត់បង់ជីវិតដោយសារ តែការធ្វេសប្រហែសរបស់ខ្លួន ខណៈពេលកំពុងថតរូបខ្លួនឯងលើស្ពាន ហើយក៏ធ្លាក់ចុះមកដីតែម្តង ។</span></p>
<p><span style="color: #000000;">ប៉ូលិសក្នុងទីក្រុងម៉ូស្គូបាននិយាយថា នារីរងគ្រោះមានអាយុ២១ឆ្នាំ ប៉ុន្តែមិនបានបញ្ជាក់ពីឈ្មោះឲ្យដឹងទេ ហើយហេតុ ការណ៍នេះ គឺបានកើតឡើងនៅពីមុខមជ្ឈមណ្ឌលពាណិជ្ជកម្មអន្តរជាតិមួយ នៅពេលដែលនារីរងគ្រោះថតរូប Selfie ក្បែរបង្កាន់ដៃស្ពានផ្តិតយកទិដ្ឋភាពដ៏ស្រស់ស្អាតនៅទីនោះស្រាប់តែជួបហេតុការណ៍អកុសលនេះឡើង ព្រោះតែបង្កាន់ ដៃស្ពានដាច់ទើបបណ្តាលឲ្យនារីរងគ្រោះធ្លាក់ចុះតែម្តងខណៈពេលនាងឈរផ្អែកមកបង្កាន់ដៃស្ពាននោះ។</span></p>
<p><span style="color: #000000;">ថ្មីៗនេះប៉ូលិសបានព្រមានយុវវ័យឲ្យពួកគេឲ្យចេះគិតពីសុវត្ថិភាពខ្លួនឯងផង ខណៈពេលចង់ថតរូប Selfie បែបនេះ ចៀសវាងគ្រោះថ្នាក់កើតឡើងដោយនឹកស្មានមិនដល់ទៀត ព្រោះហេតុការណ៍ដូចនេះកើតមានជាច្រើនករណីមក ហើយ សុទ្ធតែបណ្តាលឲ្យជនរងគ្រោះបាត់បង់ជីវិត ព្រោះតែការនិយមថតរូប Selfie បែបនេះ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/8/09-08-07-2015--13-54-36.jpg"><img src="/FileManager/Articles/mce/2015/7/8/09-08-07-2015--13-54-36.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>