<p><span style="color: #000000;"><strong>ភ្នំពេញ៖</strong> លោក ប៉ែន ចំរ៉ុង ជាតារាសម្តែងមានបទពិសោធន៍សិល្បៈពេញខ្លួន ដែលទស្សនិកជនភាគច្រើនបានស្គាល់ និងគាំទ្រ លោកតាមរយៈការ សម្តែងដើរជាតួឡប់ៗ ជាពិសេសគឺរឿង «នាយឡប់ជំពប់ស្នេហ៍» កាលពីពេលកន្លង ទៅហើយជារឿយៗ ទស្សនិកជនតែងតែទទូចចង់ឲ្យតារារូបនេះ បន្តថតរឿងដែលមានចរិកឡប់ៗ បែបនេះម្តងទៀត ។ ដើម្បីតម្រូវចិត្តទស្សនិកជន និងអ្នកគាំទ្រ នៅពេលថ្មីៗនេះ ប៉ែន ចំរ៉ុង បានស្រវាតំណែងតួឯកថ្មី ដែលដើរជាតួ ឡប់ៗដូចរឿងមុន មានចំណងជើងថា «អាមោកលក់ម៉ាំ» របស់ផលិតកម្មមហាហង្ស។</span></p>
<p><span style="color: #000000;">ជួបសម្ភាសន៍ជាមួយគេហទំព័រ LookingTODAY នៅក្នុងពិធីក្រុងពាលីរឿង «អាមោកលក់ម៉ាំ» តារាសម្តែង និងជាពិធីករ លោក ប៉ែន ចំរ៉ុង បានប្រាប់ឲ្យដឹងថា នៅក្នុងរឿងថ្មីនេះ គឺលោកត្រូវបានអ្នកដឹកនាំរឿងផ្តល់ ឱកាសឲ្យសម្តែង ជាតួឯកគូជាមួយតួឯកស្រី កញ្ញា ជីជី និង កញ្ញា ដួង ស្រីពេជ្រ ក្នុងរឿង «អាមោកលក់ម៉ាំ» របស់ផលិតកម្ម មហាហង្ស ដែលនៅក្នុងសាច់រឿងនេះ គឺលោកត្រូវដើរតួមានចរិកឡប់ៗ ដូចរឿងមុនដែល លោកធ្លាប់ថតអ៊ីចឹងដែរ ។</span></p>
<p><span style="color: #000000;">តារាប្រុសរូបសង្ហា សម្បូរវោហាររូបនេះ បានប្រាប់ឲ្យដឹងទៀតថា «ខ្ញុំរំពឹងថា រឿងថ្មីនេះអាចនឹងទទួលបានការ គាំទ្រមិនចាញ់រឿងមុន ដែលខ្ញុំធ្លាប់ថតទេ ព្រោះថា ទាំងអត្ថន័យសាច់រឿង និងតួសម្តែងសុទ្ធសឹងតែមានការ ជ្រើសរើសយ៉ាងពិសេសហេតុដូច្នេះ ក្រោយពីរឿងនេះថតចប់ដាក់បញ្ចាំង ពិតជាទទួលបានការគាំទ្រច្រើន..។ ជាពិសេសរឿងនេះ មានលក្ខណៈបែបកំប្លុកកំប្លែង ហើយខ្ញុំក្លាយជាអ្នកលក់ម៉ាំល្ហុង តែជាអ្នកលក់ក្នុងរឿងទេ កុំច្រឡំណា..! ចំណែកឯក្រៅសាច់រឿង ខ្ញុំមិនមែនអ្នកលក់ម៉ាំទេ..»។</span></p>
<p><span style="color: #000000;">លោក ប៉ែន ចំរ៉ុង បានប្រាប់ឲ្យដឹងទៀតថា លោកពិតជាមានអារម្មណ៍ សប្បាយរីករាយខ្លាំងណាស់ដែលបាន រួមការងារ ជាមួយអ្នកក្រុមការងារ និងផលិតកម្ម មហាហង្ស ហើយការសម្តែងរឿងនេះ លោកនឹងខំប្រឹងសម្តែង ឲ្យអស់ពីសមត្ថភាព ធ្វើយ៉ាងណា ឲ្យរឿងនេះកាន់តែល្អមើល ជាងលើកមុនទៅទៀត ហេតុដូច្នេះកុំភ្លេចរង់ចាំ ទស្សនានិងគាំទ្រកុំបីខាន ៕</span></p>
<p><a class="thickbox" title="" href="/FileManager/Commons/2015/6/30/10-30-06-2015--15-37-27.jpg"><img src="/FileManager/Articles/mce/2015/6/30/10-30-06-2015--15-37-27.jpg" alt="" /></a></p>
<p><a class="thickbox" title="" href="/FileManager/Commons/2015/6/30/11-30-06-2015--15-37-37.jpg"><img src="/FileManager/Articles/mce/2015/6/30/11-30-06-2015--15-37-37.jpg" alt="" /></a><a class="thickbox" title="" href="/FileManager/Commons/2015/6/30/10-30-06-2015--15-37-27.jpg"></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល<br /></span></p>