<p><span style="color: #000000;"><strong>(តៃវ៉ាន់)៖</strong> តារាចម្រៀងតៃវ៉ាន់ Nicky Wu ដែលពេលនេះ លោកមានវ័យ៤៥ឆ្នាំ ទៅហើយ ប៉ុន្តែលោកនៅតែទាក់ទាញ ប្រជាប្រិយភាពពីអ្នកគាំទ្រខ្លាំងដដែល ហើយថ្មីៗនេះ តារាចម្រៀងរូបនេះ បានប្រកាសថា លោកនឹងរៀបការជាផ្លូវការ ជាមួយតារាស្រីជនជាតិចិន គឺនាង Cecilia Liu លើកោះបាលី ទឹកដីឥណ្ឌូនេស៊ី នាខែក្រោយ ទោះបីជាកន្លងមក ពួកគេបានចុះសំបុត្រអាពាហ៍ពិពាហ៍ នឹងគ្នាក្នុងឆ្នាំ២០១៥ រួចហើយក្តី។</span></p>
<p><span style="color: #000000;">ភ្ញៀវប្រមាណ១០០នាក់ ដែលជិតស្និទ្ធប៉ុណ្ណោះ នឹងត្រូវបានអញ្ជើញឲ្យចូលរួម ពិធីដ៏វិសេសនេះ ដូចជាមិត្តភក្តិ អ្នករួមអាជីព និងសមាជិកគ្រួសារ។ ទោះបីយ៉ាងណា ក៏តារាប្រុសតៃវ៉ាន់ម្នាក់នេះ រងការរិះគន់តាមបណ្តាញសង្គម ពាក់ព័ន្ធនឹងការមិនបង្ហាញមុខ គូដណ្តឹងជាមួយនឹងចិញ្ចៀនភ្ជាប់ពាក្យ កំឡុងពេលសុំរៀបការឡើយ។ ប្រភពព័ត៌មានឲ្យដឹងថា គូស្នេហ៍ទាំងពីរ បានជួបគ្នា ខណៈពេលថតខ្សែភាពយន្តមួយ កាលពីឆ្នាំ២០១១ ប៉ុន្តែទំនាក់ទំនងស្នេហា របស់ពួកគេទើបតែកើតឡើង ជាងមួយឆ្នាំប៉ុណ្ណោះ រហូតដល់ថ្ងៃដែលអ្នកទាំងពីរ ព្រមចាប់ដៃសាងអនាគតជីវិត ជាមួយគ្នា៕</span></p>
<p style="text-align: center;"><span style="color: #000000;"><img src="http://images.lollipop.sg/files/article/images/featured/2016/02/nic-main.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/bkn-20160201142422703-0201_00862_001_02p.jpg" alt="" width="730" /></span></p>
<p style="text-align: center;"><span style="color: #000000;"><img src="http://images.lollipop.sg/files/article/images/gallery/2016/02/bkn-20160201142422703-0201_00862_001_03p.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>