<p><span style="color: #000000;"><strong>(ភ្នំពេញ)៖</strong> មេក្លោងជួញដូរគ្រឿងញៀនជនជាតិឡាវម្នាក់ និងថ្នាំញៀនជាង៣គីឡូក្រាម ត្រូវបានកម្លាំងការិយាល័យ ក៩ នៃមន្ទីរប្រឆាំងគ្រឿងញៀន ក្រោមការសម្របសម្រួល ពីតំណាងអយ្យការអមសាលាដំបូងរាជធានីភ្នំពេញ តាមបង្ក្រាបដោយជោគជ័យ និងបញ្ជូនទៅកាន់តុលាការ នៅថ្ងៃទី១ ខែកក្កដា ឆ្នាំ២០១៦នេះ។</span></p>
<p><span style="color: #000000;">លោក យិន បញ្ញារិទ្ធ នាយការិយាល័យ ក៩ បានប្រាប់អង្គភាព Fresh News នៅព្រឹកនេះថា មេក្លោងជនជាតិឡាវរូបនេះ ត្រូវបានកម្លាំងរបស់តាមបង្ក្រាប និងចាប់ខ្លួន កាលពីរសៀលថ្ងៃទី២៩ ខែមិថុនា ឆ្នាំ២០១៦ ស្ថិតនៅមុខមន្ទីរពេទ្យយោធា ១៧៩ ឫពេទ្យព្រះកេតុមាលា តាមបណ្ដោយផ្លូវលេខ៤៧ សង្កាត់ស្រះចក ខណ្ឌដូនពេញ ក្រោមបញ្ជាផ្ទាល់ពីសំណាក់លោកឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ ទទួលផែនគ្រឿងញៀន និងលោកឧត្តមសេនីយ៍ ខៀវ សាម៉ន នាយកមន្ទីរប្រឆាំងគ្រឿងញៀន។</span></p>
<p><span style="color: #000000;">លោកបានឲ្យដឹងថា មេក្លោងជួញដូរគ្រឿងញៀនម្នាក់នេះ និងបក្ខពួក៣នាក់ដែលកំពុងគេចខ្លួន កម្លាំងជំនាញបានធ្វើការតាមដាន ស្រាវជ្រាវយូរណាស់មកហើយ រហូតឈានដល់ការចាប់ខ្លួននៅរសៀលនោះតែម្ដង ព្រមទាំងដកហូតបានថ្នាំញៀន ប្រភេទម៉ាទឹកកកជាង២គីឡូក្រាម និងថ្នាំ WY ជាង១គីឡូក្រាម។</span></p>
<p><span style="color: #000000;">ជនក្លោងគ្រឿងញៀនម្នាក់នេះ មានឈ្មោះ ខាំផុន ផំម៉ាឡាត អាយុ៣៣ឆ្នាំ។ ជាមួយគ្នានេះ នៅរសៀលថ្ងៃដដែល កម្លាំងនគរបាល ក៏បានធ្វើការឃាត់ខ្លួន អ្នកបើករថយន្តតាក់សីុ ម្នាក់ផងដែរដែលដឹកជនសង្ស័យ ប៉ុន្តែក្រោយការសួរនាំទៅ គឺមិនមានពាក់ព័ន្ធ នឹងបញ្ហាគ្រឿងញៀននេះទេ ហើយក៏ត្រូវកម្លាំងសម្រេចដោះលែងទៅវិញផងដែរ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/7/1/1-01-07-2016--10-34-17.png"><img src="/FileManager/Articles/mce/2016/7/1/1-01-07-2016--10-34-17.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-01-09-32-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-01-09-32-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-01-09-32-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-01-09-32-24-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>