<p><span style="color: #000000;"><strong>ភ្នំពេញ៖</strong> ក្រោយពីតារាសម្តែង និងអតីតពិធីការិនី អ្នកនាង ឈិន ច័ន្ទសុធារី បានសម្រេចចិត្តក្រាបសំពះផ្ទឹមរៀបការតាមប្រពៃណី ជាមួយបុរសសង្ហាសាច់ដុំធំ លោក សុវណ្ណ មករា រួចមក នាងបានទម្លាយឲ្យដឹងថា នាងបានជួបរឿងស៊យមួយ ដោយនាងត្រូវបានចោរលួចទូរស័ព្ទ iPhone ដោយនាងបានចាត់ទុកថា ជាការកាត់ស៊យ។</span></p>
<p><span style="color: #000000;">តារាស្រីដែលចូលរោងការ និងទទួលស្គាល់ថាខ្លួនមានផ្ទៃពោះ ប្រមាណជាង៥ខែ អ្នកនាង ឈិន ច័ន្ទសុធារី បានបង្ហោះសារ នៅលើបណ្តាញ ទំនាក់ទំនងសង្គម Facebook របស់ខ្លួន ដោយប្រកាសក្តែងៗថា ខ្លួនបានបាត់ទូរស័ព្ទមួយគ្រឿង ដែលមានតម្លៃរាប់រយដុល្លារ ដោយបានសរសេរថា «បាត់ទូរស័ព្ទហើយខ្ញុំអស់អាលីង ទាំងលេខទូរស័ព្ទ ការងារសំខាន់ៗ និងឯកសារនៅក្នុងនោះទាំងអស់ ទាំងរូបថតស្តាយណាស់ អត់បានធ្វើការអី ត្រូវចំណាយពេល រកលេខការងារតៗគ្នា សុំរំខានម្តងទៀត សង្ឃឹមថា មិនប្រកាន់. ឥឡូវចង់ប្តូរមកប្រើអ៊ិនចុចពិលវិញ បាត់មិនសូវស្តាយ» ។</span></p>
<p><span style="color: #000000;">នៅក្នុងសាររបស់នាង បានសុំអភ័យទោស ទៅដល់មិត្តភក្តិ និងក្រុមការងាររបស់នាង ដែលមិនអាចទាក់ទង មកនាងបានថា «សូមអភ័យទោសបើការ call មិនចូលទាក់ទងនិង កាងារ ឬក៏បងប្អូនមិត្តៗបានផ្ញើរសារមកមិនបានឆ្លើយតបទៅវិញ តាំងពីម្សិលមិញ រហូតមកដល់ថ្ងៃនេះ ខ្ញុំមិនបានទៅបើកលេខនៅឡើយទេ ដោយសារមានការងាររវល់ …សូមឲ្យលាងអស់ចង្រៃ ចាប់ពីម៉ោងនេះតទៅចុះ...សាធុ..សាធុ. សាធុ ។</span></p>
<p><span style="color: #000000;">ទោះបីជាយ៉ាងណា ឈិន ច័ន្ទសុធារី មិនបានបញ្ជាក់ថា ក្រៅពីទូរស័ព្ទ នៅក្នុងការបូបនោះ មានប្រាក់ប៉ុន្មានទៀតនោះទេ ហើយទីតាំងដែលធ្វើឲ្យនាងបាត់ទូរស័ព្ទនោះ ក៏មិនដឹងនៅទីណាដែរ ។ នេះជាសារមួយដាស់តឿនដល់អ្នកសិល្បៈដទៃ ក៏ដូចជាអ្នកគាំទ្រនាង ឲ្យមានការប្រុងប្រយ័ត្នខ្ពស់ ការពាររបស់ទ្រព្យមានតម្លៃខ្លួនឯង ឲ្យបានល្អ ជៀសវាងការធ្វេសប្រហែស បាត់បង់គួរឲ្យស្ដាយ ដូចជារូបនាង៕</span></p>
<p><span style="color: #000000;"><a class="thickbox" title="" href="/FileManager/Commons/2015/11/20/11-20-11-2015--09-09-34.jpg"><img src="/FileManager/Articles/mce/2015/11/20/11-20-11-2015--09-09-34.jpg" alt="" /></a></span></p>
<p><a class="thickbox" title="" href="/FileManager/Commons/2015/11/20/11a-20-11-2015--09-09-43.jpg"><img src="/FileManager/Articles/mce/2015/11/20/11a-20-11-2015--09-09-43.jpg" alt="" /></a></p>
<p><a class="thickbox" title="" href="/FileManager/Commons/2015/11/20/11b-20-11-2015--09-09-52.jpg"><img src="/FileManager/Articles/mce/2015/11/20/11b-20-11-2015--09-09-52.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>