<div class="article-content">
<p><strong>សៀមរាប ៖</strong> ក្រុងសៀមរាប និងតំបន់ផ្សេងៗទៀត នៅក្នុងខេត្ដសៀមរាបទាំងមូល នឹង ត្រូវកាត់<br />ផ្ដាច់ចរន្ដអគ្គិសនី តាំងពីព្រឹកព្រលឹម រហូតដល់ព្រលប់ថ្ងៃទី៣ ខែមេសា ឆ្នាំ២០១៣ ដោយសារ<br />ការជួសជុលឧបករណ៍អគ្គិសនី នៅប្រទេសថៃ។</p>
<p>អាជ្ញាធរអគ្គិសនីខេត្ដសៀមរាប បានចេញ សេចក្ដីជូនដំណឹង នៅថ្ងៃទី២៦ ខែមីនា ឆ្នាំ ២០១៣ថា <br />នៅថ្ងៃទី០៣ ខែមេសា ឆ្នាំ២០១៣ ខាងមុខនេះ ចរន្ដអគ្គិសនីនឹងត្រូវ កាត់ផ្ដាច់ចាប់ពីម៉ោង ៦ ព្រឹក<br /> រហូតដល់ម៉ោង៦ល្ងាច។ ការកាត់ផ្ដាច់ចរន្ដអគ្គិសនីនេះ ត្រូវបានបញ្ជាក់ឱ្យដឹងថា បណ្តាលមកពី<br />ការជួសជុល ឧបករណ៍អគ្គិសនីនៅ ក្នុងប្រទេសថៃ ទីដែលផ្គត់ផ្គង់ចរន្ដអគ្គិសនីដ៏ធំ មកកាន់ក្រុង<br />សៀមរាបអង្គរ ។</p>
<p>ក្នុងសេចក្ដីជូនដំណឹងខាងលើអាជ្ញាធរ អគ្គិសនី ប្រចាំខេត្ដសៀមរាបបានអំពាវនាវ ឱ្យប្រជាពលរដ្ឋ<br />ទាំងអស់ មានការយោគ យល់ និងអធ្យាស្រ័យខ្ពស់ ចំពោះការកាត់ ផ្ដាច់ចរន្ដអគ្គិសនីនេះ ។</p>
<p>សូមបញ្ជាក់ថា ទីក្រុងសៀមរាបអង្គរ ដែលជាតំបន់ ទាក់ទាញទេសចរណ៍ដ៏ល្បាញ ល្បីនៅកម្ពុជា <br />រាល់អគ្គិសនីដែលប្រើប្រាស់ តាមសណ្ឋាគារ ក៏ដូចជាតាមវិស័យផ្សេងៗ ទៀត គឺទទួលបានការ<br />ផ្គត់ផ្គង់ស្ទើរទាំង ស្រុងពីប្រទេសថៃ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0737.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>