<p>គ្រោះថ្នាក់យន្ដហោះ កើតឡើងបន្តបន្ទាប់ នាពាក់កណ្ដាលដើមឆ្នាំ ២០១៤ ហើយកាលពីថ្ងៃទី <br />២៦ កន្លងទៅ យន្ដហោះក្រិកមួយគ្រឿងក៏បានធ្លាក់ បណ្ដាលឱ្យករណីធ្លាក់យន្ដហោះ ទាំងយោធា<br /> ទាំងស៊ីវិល កើនឡើងថែមមួយកម្រិតទៀត។ ករណីគ្រោះថ្នាក់ធ្លាក់យន្ដហោះ ដែលបានកើតឡើង<br />ជាបន្តបន្ទាប់ ក្នុងរយៈពេលខ្លីនៃឆ្នាំនេះ ក៏នាំឱ្យមានការចោទសួរ អំពីកម្រិតនៃសុវត្ថិភាពក្នុងវិស័យ<br />អាកាសចរណ៍។ ប៉ុន្ដែ សមាគមអាកាសចរណ៍អន្តរជាតិ អះអាងថា យន្ដហោះ គឺជាមធ្យោបាយធ្វើ<br />ដំណើរដែលមានគ្រោះថ្នាក់តិចបំផុត។</p>
<p style="text-align: center;"><a class="thickbox" title="" href="/FileManager/Commons/2014/7/27/s2-reutersmedia-net-jpeg-4970-1406343742-27-07-2014--14-56-43.jpg"><img src="/FileManager/Articles/mce/2014/7/27/s2-reutersmedia-net-jpeg-4970-1406343742-27-07-2014--14-56-43.jpg" alt="" /></a></p>
<p>កាលពីម្សិលមិញ យន្ដហោះឯកជនតូចមួយ បានជួបគ្រោះថ្នាក់ នៅភាគខាងត្បូងប្រទេសក្រិក <br />បណ្ដាលឱ្យមនុស្ស២នាក់បាត់បង់ជីវិត។ ទំព័រ Xinhua ឱ្យដឹងថា យន្ដហោះនេះបានធ្លាក់ បន្ទាប់<br />ពី បានហោះចេញពីក្លឹបអាកាសចរណ៍ក្នុងស្រុកមួយ ក្នុងរដ្ឋ Sparta នៃតំបន់ Peloponnesus ។ <br />សាកសពរបស់ជនរងគ្រោះ ត្រូវបានគេរកឃើញ ប៉ុន្ដែមិនទាន់បានដឹងថា ពួកគេជាជនជាតិអ្វី<br />នោះទេ។ នេះគឺជាគ្រោះថ្នាក់យន្ដហោះទី ៥ ក្នុងរយៈពេលត្រឹមតែជាង ១សប្ដាហ៍។</p>
<p>ជាននេះ គ្រោះថ្នាក់យន្ដហោះ ចាប់តាំងពីដើមឆ្នាំ មកនេះ បណ្ដាលឱ្យសាធារណជនមានការ<br />ភ័យខ្លាច ជាពិសេស ចំពោះអ្នកដែលត្រូវធ្វើដំណើរតាមយន្ដហោះជាញឹកញាប់។</p>
<p>កាលពីថ្ងៃទី ២៤កក្កដាកន្លងទៅ យន្ដហោះ Boeing MD83 របស់ក្រុមហ៊ុន Air Algerie ដែល<br />ដឹកអ្នកដំណើរ ១១៦នាក់ បានបាត់ទំនាក់ទំនង ក្រោយពីហោះចេញពី Burkina Faso ប្រហែល<br /> ៥០នាទី។ មន្ដ្រីសមត្ថកិច្ចបានអះអាងថា យន្ដហោះនេះ បានធ្លាក់នៅក្នុងតំបន់ Tilemsi ភាគ<br />ឦសានប្រទេស Mali ដោយសារតែមានខ្យល់ខ្លាំង។ (Reuters)</p>
<p style="text-align: center;"><a class="thickbox" title="" href="/FileManager/Commons/2014/7/27/3-27-07-2014--14-59-15.jpg"><img src="/FileManager/Articles/mce/2014/7/27/3-27-07-2014--14-59-15.jpg" alt="" /></a></p>
<p>មុនគ្រោះថ្នាក់ខាងលើតែ ១ថ្ងៃ (២៣កក្កដា) យន្ដហោះ ATR72 របស់ក្រុមហ៊ុនអាកាសចរណ៍<br /> TransAsia Airways ក៏បានធ្លាក់ នៅពេលវាព្យាយាមចុះចត នៅព្រលានយន្ដហោះមួយនៅប្រជុំ<br />កោះ Penghu Islands (តៃវ៉ាន់)។ យន្ដហោះនេះ ធ្លាក់លើផ្ទះប្រជាជនមួយចំនួន និងផ្ទុះឆេះខ្ទេច<br /> បណ្ដាលឱ្យមនុស្ស ៤៨នាក់ស្លាប់ និង ១០នាក់រងរបួសធ្ងន់។</p>
<p>កាលពីថ្ងៃទី ១៧ កក្កដា Boeing 777 ដែលមានស្លាក់លេខ MH17 របស់ក្រុមហ៊ុន Malaysia<br /> Airlines ត្រូវបានបាញ់ទម្លាក់ នៅភាគខាងកើតអ៊ុយក្រែន អំឡុងពេលកំពុងហោះពី Amsterdam <br />ទៅកាន់ Kuala Lumpur ។ អ្នកដំណើរ ២៨៣នាក់ និងអាកាសយានិក ១៥នាក់ បានបាត់បង់<br />ជីវិត។ ករណីនេះ ធ្វើឱ្យបណ្ដាប្រទេសលោកខាងលិច និងក្រុមបំបែកខ្លួន Ukraine ដែលស្និទ្ធនឹង<br />រុស្ស៊ី ចោទគ្នាទៅវិញទៅមក។</p>
<p>នៅក្នុងរយៈពេល ១សប្ដាហ៍ មានគ្រោះថ្នាក់យន្ដហោះ ដល់ទៅ ៣គ្រឿង នៅលើទ្វីបចំនួន ៣ <br />គឺអាស៊ី អឺរ៉ុប និងអាហ្វ្រិក នាំឱ្យសាធារណជន មានការភ័យព្រួយ។</p>
<p>ក្នុងថ្ងៃទី ១៧ កក្កដា ឧទ្ធម្ភាគចក្រមួយគ្រឿងរបស់កូរ៉េខាងត្បូង ក៏បានធ្លាក់ចុះ លើទីប្រជុំជន<br />មួយ ក្នុងក្រុង Gwangju ភាគខាងកើតប្រទេស។ មនុស្ស ៥នាក់ នៅលើឧទ្ធម្ភាគចក្រនេះ សុទ្ធ<br />តែត្រូវបាត់បង់ជីវិត។ អ្វីដែលគួរឱ្យចាប់អារម្មណ៍គឺថា ឧទ្ធម្ភាគចក្រដែលបានជួបគ្រោះថ្នាក់នេះ<br /> កំពុងហោះហើរមកកាន់ Gwangju បន្ទាប់ពីចូលរួមស្វែងរកជនរងគ្រោះ ១១នាក់ ដែលបានបាត់<br />ខ្លួន ក្នុងគ្រោះថ្នានក់លិចសាឡាង Sewol ។</p>
<p style="text-align: center;"><a class="thickbox" title="" href="/FileManager/Commons/2014/7/27/1-27-07-2014--14-57-48.jpg"><img src="/FileManager/Articles/mce/2014/7/27/1-27-07-2014--14-57-48.jpg" alt="" /></a></p>
<p>ឧទ្ធម្ភាគចក្រយោធាកម្ពុជាមួយគ្រឿង ក៏បានរួមចំណែក ធ្វើឱ្យមានការកើនឡើងនៃគ្រោះថ្នាក់<br />យន្ដហោះ។ ឧទ្ធម្ភាគចក្រនេះ បានធ្លាក់ក្នុងខណ្ឌដង្កោ ជាងក្រុងភ្នំពេញ នៅពេលកំពុងធ្វើការ<br />ហ្វឹកហាត់ កាលពីថ្ងៃទី ១៤កក្កដា។ ករណីនេះ បណ្ដាលឱ្យមនុស្ស ៥នាក់បានស្លាប់ និងម្នាក់រង<br />របួសធ្ងន់ ក្នុងនោះ ក៏មានមន្ដ្រីយោធាជាន់ខ្ពស់ ២រូបផងដែរ។ នេះគឺជាឧទ្ធម្ភាគចក្រមួយ ក្នុង<br />ចំណោម ១២គ្រឿងដែលកម្ពុជា បានទិញពីប្រទេសចិន កាលពីឆ្នាំទៅ។</p>
<p>មុនករណីធ្លាក់ឧទ្ធម្ភាគចក្រកម្ពុជា ១សប្ដាហ៍ (៧កក្កដា) គ្រោះថ្នាក់មួយ ក៏បានកើតឡើង ចំពោះ<br />ឧទ្ធម្ភាគចក្រ Mi-171 របស់កងយោធាវៀតណាម។ ក្រោយពីបាត់ទំនាក់ទំនង ១៥នាទី បន្ទាប់<br />ពីហោះចេញពី ព្រលានយន្ដហោះយោធា Hoa Lac Mi-171 ក៏ធ្លាក់នៅលើទឹកដីនៃជាយក្រុង <br />ហាណូយ។ ករណីនេះ បណ្ដាលឱ្យទាហាន ១៩នាក់ស្លាប់ និង ២នាក់រងរបួសធ្ងន់។</p>
<p>កាលពីដើមខែមិនា ពិភពលោកទាំងមូល មានការភ្ញាក់ផ្អើល នៅពេលយន្ដហោះ Boeing 777 <br />(MH370) របស់ក្រុមហ៊ុន Malaysia Airlines បានបាត់ខ្លួនយ៉ាងអាថ៌កំបាំង នៅលើអាកាស <br />ខណៈវាកំពុងហោះពី Kuala Lumpur ទៅកាន់ក្រុង ប៉េកាំង។ យន្ដហោះដែលដឹកមនុស្ស ២៣៩<br />នាក់នេះ បានបាត់ខ្លួនពីរ៉ាដា នៅពេលហោះពីលើឈូងសមុទ្រថៃ។ យុទ្ធនាការស្វែងរក ត្រូវបាន<br />បណ្ដាប្រទេសមកពីជុំវិញពិភពលោក ធ្វើឡើង ដោយប្រើឧបករណ៍ និងបច្ចេកវិទ្យាកំពូលៗបំផុត<br /> ប៉ុន្ដែ មកទល់នឹងពេលនេះ MH370 នៅតែស្ថិតក្នុងភាពអាថ៌កំបាំង។</p>
<p style="text-align: center;"><a class="thickbox" title="" href="/FileManager/Commons/2014/7/27/0-27-07-2014--15-01-44.jpg"><img src="/FileManager/Articles/mce/2014/7/27/0-27-07-2014--15-01-44.jpg" alt="" /></a></p>
<p>ករណីធ្លាក់យន្ដហោះដំបូងគេបង្អស់ ក្នុងឆ្នាំ ២០១៤ (ថ្ងៃទី ១១ កុម្ភៈ) នោះគឺយន្ដហោះយោធា<br /> Lockheed C-130 Hercules របស់ Algeria ។ យន្ដហោះនេះ បានហោះទៅបុកកំពូលភ្នំមួយ នៅ<br />ក្នុងខែត្រ Oum El Bouaghi ។ យន្ដហោះនេះ មានផ្ទុកមនុស្ស ៧៨នាក់ ក្នុងនោះមាន ភ្ញៀវ ៧៤<br />នាក់ និងអាកាសយានិក ៤នាក់៕</p>
<p style="text-align: right;"><br />ប្រែម្រួលដោយ ៖ តារា<br />ប្រភព ៖ Reuters/AP/LA Times/Tribwtic/EPA<br /><br /></p>