<p><strong>ភ្នំពេញ៖</strong> រូបថតមួយសន្លឹក ត្រូវបានគេប្រទះឃើញ ក្នុងបណ្ដាញ ទំនាក់ទំនង សង្គម Facebook បង្ហាញពីចំណងជើង បទចម្រៀង របស់មហាសេដ្ឋី ស្រុកខ្មែរ លោកឧកញ៉ា ម៉េង ចូលចិត្តច្រៀងកម្សាន្ត ជាងគេ ដោយមានជាការរាយនាម ឈ្មោះបទចម្រៀង ទាំងបទសម័យ និងបទបុរាណ រៀបចំយ៉ាងស្អាតបាត ដាក់អក្សរធំៗថា "បទចម្រៀងរបស់ឧកញ៉ា ម៉េង"។</p>
<p>មហាជនទូទៅ ជាពិសេសអ្នកចូលចិត្ត លេងបណ្ដាញ សង្គម Facebook បានសម្ដែងអារម្មណ៍ ភ្ញាក់ផ្អើល នៅពេលពួកគេបានប្រទះ ឃើញតារាបទចម្រៀង ដែលលោកឧកញ៉ា ចូលចិត្តច្រៀងបំផុតនេះ ។ ជាការពិតមនុស្សគ្រប់ៗរូប ទោះបីជាមានឋានៈខ្ពស់កប់ពពក ត្រូវបានគេគោរព និងកោតសរសើរស្ញប់ស្ញែង ពីអំណាចយ៉ាងណាក្ដី ក៏ត្រូវការភាពសប្បាយរីករាយក្នុងជីវិត ជាចាំបាច់ ។ ក្នុងនោះការបង្ហើរសំនៀង ក្នុងហាងខារ៉ាអូខេ ពិតជាបានធូរស្បើយអារម្មណ៍ បាត់អស់នូវទុក្ខកង្វល់ទាំងឡាយ ជំនួសមកវិញនូវ អារម្មណ៍ស្រស់ថ្លា គិតការងារអ្វីចេញដោយរលូន។</p>
<p>ក្នុងប្រទេសកម្ពុជា មានឧកញ៉ា និងមហាសេដ្ឋីច្រើនណាស់ ចូលចិត្តបង្កើតកម្មវិធីសប្បាយរីករាយ ជាពិសេសការបកស្រាយបទចម្រៀង ដែលខ្លួនពេញចិត្ត មិនចាញ់មនុស្សសាមញ្ញធម្មតាឡើយ តែគេមិនបានដឹងទេថា លោកឧកញ៉ាទាំងនោះ ចូលចិត្តបទអ្វីខ្លះ ។ ប៉ុន្តែសម្រាប់ លោកឧកញ៉ា គិត ម៉េង គឺគេអាចដឹងថា លោកចូលចិត្តបកស្រាយបទចម្រៀងអ្វីខ្លះ ពោល គឺលោកចូលចិត្តបកស្រាយបទចម្រៀង ជាសំនៀងដើមរបស់ អធិរាជសំឡេងមាស ស៊ីន ស៊ីសាមុត លោក សាពូន មីដាដា លោក ព្រាប សុវត្ថិ និងលោក ហ្សូណូ ជាដើម។<br />ចង់ដឹងថា តើលោកឧកញ៉ា គិត ម៉េង ចូលចិត្តច្រៀងបទអ្វីខ្លះ ពេលលោកទៅកម្សាន្តក្នុងហាងខារ៉ាអូខេម្ដងៗ ? សូមទស្សនាតារាចំណងជើងបទចម្រៀង ទាំងអស់នេះ ដូចមាននៅខាងក្រោម៖</p>
<p><a class="thickbox" title="" href="/FileManager/Commons/2014/5/16/10-16-05-2014--09-28-20.jpg"><img src="/FileManager/Articles/mce/2014/5/16/10-16-05-2014--09-28-20.jpg" alt="" /></a></p>
<p><a class="thickbox" title="" href="/FileManager/Commons/2014/5/16/11-16-05-2014--09-28-28.jpg"><img src="/FileManager/Articles/mce/2014/5/16/11-16-05-2014--09-28-28.jpg" alt="" /></a></p>
<p><a class="thickbox" title="" href="/FileManager/Commons/2014/5/16/12-16-05-2014--09-28-36.jpg"><img src="/FileManager/Articles/mce/2014/5/16/12-16-05-2014--09-28-36.jpg" alt="" /></a></p>
<p><a class="thickbox" title="" href="/FileManager/Commons/2014/5/16/14-16-05-2014--09-28-45.jpg"><img src="/FileManager/Articles/mce/2014/5/16/14-16-05-2014--09-28-45.jpg" alt="" /></a></p>
<p><a class="thickbox" title="" href="/FileManager/Commons/2014/5/16/13-16-05-2014--09-28-53.jpg"><img src="/FileManager/Articles/mce/2014/5/16/13-16-05-2014--09-28-53.jpg" alt="" /></a></p>
<p><a class="thickbox" title="" href="/FileManager/Commons/2014/5/16/15-16-05-2014--09-29-01.jpg"><img src="/FileManager/Articles/mce/2014/5/16/15-16-05-2014--09-29-01.jpg" alt="" /></a></p>
<p style="text-align: right;"><a href="http://lookingtoday.com/index.php/entertainment-general-news/30383-2014-05-15-09-06-06.html" target="_blank">ផ្តល់សិទ្ធដោយ ៖ ដើមអម្ពិល</a></p>