<p><span style="color: #000000;"><strong>(ភ្នំពេញ)៖</strong> កវីនិពន្ធមានឈ្មោះល្បី លោក សោម ដូរ៉េ ថ្មីៗនេះ ត្រូវបានប្រភពព័ត៌មានទម្លាយថា លោកបានសម្រេចចិត្ត ចាកចេញពីផលិតកម្ម ថោន ចូលមកជ្រកក្នុងទ្រនំ ហង្សមាស វិញហើយ បន្ទាប់ពីផលិតកម្ម ថោន បានបង្កកបទចម្រៀងរបស់លោក មិនឲ្យចេញរហូតដល់រយៈពេល១ឆ្នាំ ដែលធ្វើឲ្យកវីរូបនេះ អាក់អន់ស្រពន់ចិត្ត វេចបង្វេចដើរចេញទាំងមិន សោកស្ដាយអ្វីឡើយ។</span></p>
<p><span style="color: #000000;">ប្រភពព័ត៌មានបានបន្តថា ដោយសារតែភាពកាច់កុងគ្នា បក្សពួកនិយម ក្នងក្រុមអ្នកនិពន្ធ របស់ផលិតកម្ម ថោន បានធ្វើឲ្យបទចម្រៀង របស់លោក សោម ដូរ៉េ ត្រូវបានគេផ្អឹបទុក មិនឲ្យចេញចរាចរ រហូតដល់ជិត១ឆ្នាំ ជាហេតុធ្វើឲ្យ កវីនិពន្ធ សោម ដូរ៉េ លែងអាឡោះអាល័យអ្វី អ្វីទាំងអស់ គឺមានតែជ្រើសរើស យកផ្លូវដើរចេញ ដើម្បីកុំឲ្យលោកក្លាយ ជាឆ្អឹងទទឹងក របស់គេបន្តទៀត។</span></p>
<p><span style="color: #000000;">កវីនិពន្ធ សោម ដូរ៉េ ហាក់ត្រូវបានគេមើលឃើញថា ដឹងខ្លួនយឺតពេលបន្តិច ព្រោះរយៈពេលជិត១ឆ្នាំ ដែលលោកជ្រកក្នុងផលិតកម្ម ថោន គឺគ្មានស្នាដៃបទចម្រៀងណាមួយ ឲ្យអ្នកគាំទ្រ បានដឹងទាល់តែសោះ ព្រោះតែមានគូបដិបក្ខ រាំរាំងមិនឲ្យចេញផ្សាយ ធ្វើឲ្យអ្នកគាំទ្រ ស្ទើរតែភ្លេចឈ្មោះ កវីនិពន្ធម្នាក់នេះទៅហើយ។</span></p>
<p><span style="color: #000000;">លោក សោម ដូរ៉េ បាននិយាយប្រាប់ Khmertalking ថា លោកបានត្រឡប់ចូលផលិតកម្ម ហង្សមាស វិញហើយ បន្ទាប់បីផលិតកម្ម ថោន មិនបានចេញបទចម្រៀងថ្មីឲ្យលោក ក្នុងរយៈពេលជិតមួយឆ្នាំមកហើយ។ លោកក៏សម្រេចចិត្តចាកចេញ ព្រោះនៅធ្វើអី បើមិនចេញឲ្យលោកដដែល ។ ម្យ៉ាងទៀត ផលិតកម្ម ហង្សមាស ក៏ទទួលលោកដៃពីរដែរ ព្រោះលោកជាធ្លាប់ជាបុគ្គលិក ក្នុងផលិតកម្មនេះ រួចមកហើយស្រាប់។</span></p>
<p><span style="color: #000000;">ថ្វីត្បិតលោក សោម ដូរ៉េ បាននិយាយត្រឹមពាក្យថា ផលិតកម្ម ថោន មិនចេញបទចម្រៀងឲ្យលោកក្ដី ប៉ុន្តែប្រភពពីក្នុងផលិតកម្ម ថោន បាននិយាយថា មកពីការកាច់កុងគ្នា ក្នុងផលិតកម្មទៅវិញទេ ព្រោះមានអ្នកនិពន្ធម្នាក់ មានតំណែងជាអ្នកគ្រប់គ្រង ការផលិត ដូចនេះគេមានសិទ្ធិក្នុងការសម្រេចចិត្ត ចេញបទចម្រៀងណាដែល ត្រូវចេញ និងបទណាមិនត្រូវចេញ។ ប៉ុន្តែបទលោក សោម ដូរ៉េ ជាច្រើន មិនបានចេញ ក៏កើតជារឿងក្ដៅក្រហាយ ហើយក៏ត្រឡប់មកទ្រនំចាស់វិញ។</span><br /><br /><span style="color: #000000;">សូមបញ្ជាក់ថា លោក សោម ដូរ៉េ មានស្នាដៃនិពន្ធ បទចម្រៀងល្បីៗ ជាច្រើន ដូចជា បទ «សង្សាលេង,លើលោកនេះខ្ញុំស្រឡាញ់ម៉ាក់ខ្ញុំជាងគេ,ស្រឡាញ់អូន៣៦៦ថ្ងៃ» និងបទចម្រៀងល្បីៗជាច្រើនទៀត ពិសេសស្នាដៃនិពន្ធរឿងខ្លី ដ៏ជក់ចិត្តគឺរឿង «ផ្កាទីងមោង»៕</span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtp1/v/t1.0-9/14716218_1617270414965929_4630837926901289163_n.jpg?oh=d0f78cd9c9172c94fc52544d8c33318f&oe=5887B14C&__gda__=1487092586_786e77fcd5ff153ce6ad62c2db6eb575" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xap1/v/t1.0-9/14725481_1617270421632595_7178519111987812999_n.jpg?oh=7c2c767eabfbaed2e7c971de88e5f163&oe=58A2A70F&__gda__=1487427894_9371e2978a88198a996bf13f27baf9f4" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpl1/v/t1.0-9/14724397_1617270478299256_8040039304715942134_n.jpg?oh=b131d2857b034fb980bcbd363a8d803a&oe=58A9AAD4&__gda__=1485254000_187caa86ad5935903c84a8939a76b4ac" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14731259_1617270484965922_6935829762906600852_n.jpg?oh=7b2580b8b7a53ce1736167e599f22836&oe=5891D970" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>