<p><strong>ភ្នំពេញ ៖</strong> កូនប្រុស ប្រធានពន្ធដារ ខេត្តកណ្តាល ឈ្មោះ វ៉ន ដាវិន អាយុ៣៥ឆ្នាំ ត្រូវបានជនរងគ្រោះ ចាប់ខ្លួនប្រគល់ទៅ ឲ្យនគរបាល ប៉ុស្តិ៍ទន្លេបាសាក់ ខណ្ឌចំការមន ពីបទឆបោក ។</p>
<p>ការចាប់ខ្លួន ជនសង្ស័យរូបនេះ បានធ្វើឡើង កាលពីវេលាម៉ោងជាង១រសៀល ថ្ងៃទី២៨ ខែកក្កដា ឆ្នាំ២០១៤ ស្ថិតនៅពន្ធនាគារ ព្រៃស ខណ្ឌដង្កោ ខណៈជនសង្ស័យរូបនេះ បានទៅមើលមិត្តភ័ក្រ ជាប់ពន្ធនាគារ នៅទីនោះ ។</p>
<p>សមត្ថកិច្ច ប៉ុស្តិ៍ ទន្លេបាសាក់ បានឲ្យដឹងថា ជនសង្ស័យរូបនេះ ធ្លាប់បានបោក យករថយន្ត មួយគ្រឿង ម៉ូតូ ២គ្រឿង និងលុយចំនួន១៥០០ដុល្លារ ពីជនរងគ្រោះ ។ បច្ចុប្បន្ន ជនសង្ស័យ ស្ថិតក្រោមការសួរនាំ និងចាត់ការបន្ត តាមផ្លូវច្បាប់ ។</p>
<p>សូមបញ្ជាក់ថា ជនសង្ស័យរូបនេះ ក៏ធ្លាប់ជាប់ពន្ធនាគារផងដែរ ពីបទឆបោក៕</p>
<p><img src="http://image.dap-news.com:81/dap-news/dap-images/2014/July/id-007/Pheak-0109.jpg" alt="" width="550" /></p>
<p><img src="http://image.dap-news.com:81/dap-news/dap-images/2014/July/id-007/Pheak-0110.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>