<p><span style="color: #000000;"><strong>(ភ្នំពេញ)៖</strong> ក្រុមការងារសាងសង់ផ្ទះទេវតា បានទៅជួបលោកតា ពុត សឿន អាយុ៨៩ឆ្នាំ ដែលទើបក្លាយជាឪពុកធម៌ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា កាលពីម្សិលមិញ ហើយសម្រេចនឹងធ្វើការសាងសង់ផ្ទះទេវតាជូនគាត់១ខ្នងផងដែរ។</span></p>
<p><span style="color: #000000;">ផ្ទះទេវតានោះជាអំណោយរបស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ដែលត្រូវបានសាងសង់ឡើងនៅភូមិសង្កែ ឃុំឈើទាល ស្រុកស្វាយជ្រុំ ខេត្តស្វាយរៀងបន្ទាប់ពី សម្តេចតេជោ ហ៊ុន សែន បានជួបលោកតា ពុត សឿន នៅថ្ងៃទី០១ ខែកក្កដា ឆ្នាំ២០១៦ ហើយបានទទួលយក រូបគាត់ធ្វើជាឪពុកធម៌ និងធានាចិញ្ចឹមរូបគាត់ពេញមួយជីវិត។ ក្នុងការធានាចិញ្ចឹមនោះដែរ សម្តេចតេជោ ហ៊ុន សែន បានឧបត្ថម្ភថវិកាប្រចាំខែចំនួន៥០ម៉ឺនរៀល និងអង្ករ៥០គីឡូក្រាម រួមទាំងធានានូវការព្យាបាលជំងឺ ជូនជាប្រចាំនៅពេលដែល លោកតាមានបញ្ហាសុខភាព។ </span></p>
<p><span style="color: #000000;">លោកតាអាយុ៨៩ឆ្នាំខាងលើ រស់នៅភូមិសង្កែ ឃុំឈើទាល ស្រុកស្វាយជ្រុំ ខេត្តស្វាយរៀង មានកូនចំនួន៨នាក់ ដោយបានមកទីក្រុងភ្នំពេញ ជួលស៊ីក្លូគេរត់ក្នុងមួយថ្ងៃ៤ពាន់រៀល រកបានចំណូលបន្តិចបន្តួច។</span></p>
<p><span style="color: #000000;">សូមជម្រាបថា ការអនុញ្ញាតឲ្យលោកតា ដែលរកស៊ីធាក់ស៊ីក្លូ ចូលជួបសំណេះសំណាលនេះ ធ្វើឡើងបន្ទាប់ពីលោកតា បង្ហាញនូវទុក្ខលំបាករបស់ខ្លួន ហើយត្រូវបានគេបង្ហោះលើបណ្តាញសង្គម Facebook អំពីសេចក្តីប្រាថ្នារបស់គាត់ ចង់ជួបសម្តេចតេជោ ហ៊ុន សែន ដើម្បីស្នើសុំថវិកា សាងសង់ផ្ទះ នៅឯស្រុកកំណើត។ ព័ត៌មាននេះត្រូវបានដឹងដល់សម្តេចតេជោ ហ៊ុន សែន ហើយក៏មានការរៀបចំការជួបសំណេះសំណាល និងទទួលគ្នាជាឪពុកនិងកូនធម៌៕</span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-36-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-36-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-36-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-36-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-37-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-37-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-37-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-37-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/06-2016/fn-2016-07-02-07-38-37-9.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធដោយ ៖ ហ្រ្វេសញ៉ូវអាសុី</span></p>