<div class="item-page">
<p><span style="color: #000000;"><strong>(ព្រះសីហនុ)៖</strong> សម្ភារបរិក្ខាពេទ្យប្រមា ណ១២៦កេះ ត្រូវបានឧកញ៉ាបណ្ឌិត ម៉ុង ឫទ្ធី អ្នកជំនួញជោគជ័យលើវិស័យកសិកម្មនៅកម្ពុជា នាំយកទៅផ្តល់ជូនមន្ទីរពេទ្យ បង្អែកខេត្តព្រះសីហនុ ស្ថិតក្នុងសង្កាត់លេខ៤ ក្រុងខេត្តព្រះសីហនុ សម្រាប់ប្រើប្រាស់ព្យាបាលអ្នកជំងឺ។</span></p>
<p><span style="color: #000000;">សម្ភារបរិក្ខាពេទ្យដែលផ្តល់ដោយឧកញ៉ាបណ្ឌិត ម៉ុង ឫទ្ធី នាថ្ងៃទី២៣ ខែមករា ឆ្នាំ២០១៧នេះ សុទ្ធសឹងមានគុណភាពល្អ និងនាំចូលពីប្រទេសអាមេរិក តាមរយៈការផ្តល់ ជូនពីមិត្តភក្តិបរទេសរបស់លោកផ្ទាល់តែម្តង។ សម្ភារបរិក្ខាពេទ្យដែលផ្តល់ជូននៅពេលនេះមានជាង២០មុខដូចជា៖ អាវសំរាប់វះកាត់ ឧបករណ៍វះកាត់ធំ ឧបករណ៍ វះកាត់តូច ឧបករណ៍សំរាប់វះកាត់ក្នុងពោះ ឧបករណ៍ជំនួយផ្លូវដង្ហើម ម៉ាស៊ីនវាស់ឈាម Graphic Controls និងឧបករណ៍ សម្ភារប្រើប្រាស់ផ្សេងៗទៀតជាច្រើន ។</span></p>
<p><span style="color: #000000;">ជាមួយនិងការថ្លែងអំណរគុណចំពោះសណ្តានចិត្តមនុស្សធម៌របស់លោកឧកញ៉ាបណ្ឌិត ម៉ុង ឫទ្ធី លោក សេង ណុង ប្រធានមន្ទីរពេទ្យបង្អែកខេត្តព្រះសីហនុ និងលោកស្រី សម សាមាន ប្រធានមន្ទីរសុខាភិបាលខេត្តព្រះសីហនុ ក៏បានឲ្យដឹងដែរថា សព្វថ្ងៃនេះ មន្ទីរពេទ្យបង្អែកខេត្តព្រះសីហនុ មានអ្នកជំងឺចូលសម្រាកព្យាបាលជាង ១០០នាក់ជារៀងរាល់ថ្ងៃ។</span></p>
<p><span style="color: #000000;">ជាមួយគ្នានេះមន្ទីរពេទ្យបង្អែកខេត្តព្រះសីហនុ ក៏មានលទ្ធភាពព្យាបាលអ្នកជំងឺត្រូវពស់ចឹក រលាកស្រោមខួរក្បាល ជំងឺផ្លូវដង្ហើម វះកាត់ឆ្អឹងបាក់ដោយម៉ាស៊ីន ឧបករណ៍ ទំនើបផ្នែកសម្ភព និងជំងឺផ្សេងៗទៀតជាច្រើន ដែលធ្វើឲ្យកំណើនអ្នកជំងឺ មានការកើនឡើងជាលំដាប់ផងដែរ៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-49-48-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-49-48-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-49-48-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-49-48-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/112/fn-2017-01-23-18-49-48-4.jpg" alt="" width="730" /></span></p>
</div>
<div id="system-message-container">
<div id="system-message" style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></div>
</div>
<div class="custom"><br /><a href="http://ads.freshnewsasia.com/sreyrathtravel" target="_blank"></a></div>