<p><span style="color: #000000;"><strong>(ភ្នំពេញ)៖</strong> លោក សុះ ម៉ាច ប្រធានសមាគមសិល្បករកម្ពុជា បានថ្លែងប្រាប់គេហទំព័រ Khmertalking ទាំងក្តីអាណិតអាសូរ និងហួសចិត្តចំពោះអ្នកចម្រៀងចាប៉ីដងវែង គឺលោកតា សួន សាន និងភរិយារបស់គាត់ថា មិនគួរណាកូនៗរបស់គាត់ ដាច់ចិត្តហ៊ានបណ្តេញពួកគាត់ ចេញពីផ្ទះសោះឡើយ បន្ទាប់ប្តី-ប្រពន្ធរបស់ពួកគាត់ សុទ្ធតែធ្លាក់ខ្លួនឈឺស្វិតដៃស្វិត ជើងទៅហើយនោះ។</span></p>
<p><span style="color: #000000;">លោក សុះ ម៉ាច បាននិយាយឲ្យដឹងទៀតថា បច្ចុប្បន្នលោក សួន សាន និងភរិយារបស់គាត់កំពុងស្នាក់នៅ ជិតភោជនីយដ្ឋាន «ពិភពរាត្រីថ្មី» ក្នុងសង្កាត់ទួលស្វាយព្រៃ ហើយម្សិលមិញ លោកតា សួន សាន បានទូរស័ព្ទមកប្រាប់លោកថា កូនចៅមិនឲ្យរស់នៅផ្ទះ ជាមួយគេឡើយ។ ម្យ៉ាងទៀតល្ងាចនេះ លោកក៏នាំយកថវិកាចំនួន១០០ដុល្លារ បានមកពីមិត្តទៅឧបត្ថម្ភជូនដល់គាត់ និងភរិយា ខណៈកាលពីប៉ុន្មានថ្ងៃមុននេះ លោកក៏បានចំណាយថវិកាផ្ទាល់ខ្លួន បន្តិចបន្តូចជួយគាត់ម្ដងមកហើយដែរ។</span></p>
<p><span style="color: #000000;">តារាចម្រៀង និងជាប្រធានសមាគមសិល្បករកម្ពុជា លោក សុះ ម៉ាច បានបន្តទៀតថា ក្រោយពីកូនៗរបស់គាត់ មិនឲ្យនៅផ្ទះជាមួយនោះ ឥឡូវលោកតា សួន សាន បានសម្រេចថា នឹងរើបង្វេចចេញ និងដើររកជួលផ្ទះគេរស់នៅ ពីរនាក់យាយតា។ ក្នុងនោះដែរ មិត្តភ័ក្តិរបស់លោក ក៏ធានាថានឹងជួយចេញថ្លៃជួយផ្ទះនេះ រាល់ខែឲ្យលោកតា សួន សាន ផងដែរ។</span></p>
<p><span style="color: #000000;">ក្រៅពីថ្លែងដូច្នេះ លោក សុះ ម៉ាច ក៏បានអំពាវនាវដល់សប្បុរសជនទាំងក្នុង និងក្រៅស្រុកមេត្តាជួយដល់ លោកតា សួន សាន ផង ពិសេសសង្ឃឹមថា សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហម ដែលជានិច្ចកាលសម្តេច តែងតែមានទឹកព្រះទ័យ សណ្តោសប្រណី មេត្តាដល់ពលរដ្ឋខ្មែរគ្រប់រូប ដោយមិនប្រកាន់និន្នាការ នយោបាយឡើយនោះ នឹងផ្តល់នូវក្តីអាណិតមេត្តា ដល់លោកតាមិនខានឡើយ។</span></p>
<p><span style="color: #000000;">បើសិនជាសប្បុរសជន ចង់ឧបត្ថមដល់លោកតាផ្ទាល់ ឬតាមរយៈប្រធានសមាគមនសិល្បករកម្ពុជា លោក សុះ ម៉ាច អាចទំនាក់ទំនង លេខទូរស័ព្ទ ០១២ ៣៣ ៥០ ៣៤ ឬ ០១៧ ៤៨ ០១ ៧៧៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Fsos.machii%2Fvideos%2F1794187204191683%2F&show_text=0&width=400" frameborder="0" width="480" height="380"></iframe></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xal1/v/t1.0-9/14292273_1794186654191738_3670356405836813831_n.jpg?oh=22b8e545a446fef7909af963d280f88f&oe=5839E5EE&__gda__=1480470466_42fa5898c05b7ae0be25a8e2ee37fa17" alt="" width="730" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>