<p><span style="color: #000000;"><strong>(ភ្នំពេញ)៖</strong> ស្ត្រីម្នាក់ អតីតប្រធានគណនេយ្យនៅក្រុមហ៊ុនបុរីពិភពថ្មីគ្រុប និងប្តី នៅព្រឹកថ្ងៃទី២២ ខែកុម្ភៈ ឆ្នាំ២០១៦ ត្រូវបានកម្លាំង កងរាជអាវុធហត្ថលើផ្ទៃប្រទេស បញ្ជូនទៅ អយ្យការអមសាលាដំបូងរាជធានីភ្នំពេញ ដើម្បីសាកសួរករណីឆបោកប្រាក់ជាង ៣៧ម៉ឺន ដុល្លារអាមេរិក។ បច្ចុប្បន្នជនសង្ស័យទាំងពីរនាក់ កំពុងស្ថិតក្រោមការសាកសួររបស់លោកព្រះរាជអាជ្ញារង តុប ឈុនឡុង។</span></p>
<p><span style="color: #000000;">ជនសង្ស័យមានឈ្មោះ ផាត ចរិយា អាយុ ៣៨ឆ្នាំ អតីតប្រធានគណនេយ្យក្រុមហ៊ុនបុរីពិភពថ្មីគ្រុប និង ប្តីឈ្មោះ ហ៊ កុសល អាយុ ៣៨ឆ្នាំ មានទីលំនៅផ្ទះលេខ ៣បេ ផ្លូវលេខ៦០ ភូមិមានជ័យ សង្កាត់មានជ័យ ខណ្ឌមានជ័យ ត្រូវបានកម្លាំងកងរាជអាវុធហត្ថលើផ្ទៃ ប្រទេស ឃាត់ខ្លួនកាលពីថ្ងៃទី១៩ ខែកុម្ភៈ ឆ្នាំ២០១៦ តាមពាក្យបណ្ដឹងរបស់លោកមេធាវីឈ្មោះ ប៉ិ វណ្ណៈ តំណាងស្របច្បាប់របស់ ក្រុមហ៊ុនពិភពថ្មី ចោទប្រកាន់ពីបទឆបោកប្រាក់ជាង ៣៧ម៉ឺនដុល្លារអាមេរិក ។</span></p>
<p><span style="color: #000000;">ស្ត្រីឈ្មោះ ផាត ចរិយា បានសារភាពថា លុយទាំងនេះ ខ្លួនបានយកឲ្យប្តីលេងល្បែងចាញ់អស់៕</span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>