<p><span style="color: #000000;"><strong>ព័ត៌មានអន្តរជាតិ ៖</strong> រដ្ឋាភិបាល ប្រទេស ប៉ាគីស្ថាន បានចេញបញ្ជាឲ្យ អង្គការសប្បុរសធម៌ ជួយ សង្គ្រោះ កុមារ ឬ " Save the Children " ដែល ជា អង្គការ ក្រៅ រដ្ឋាភិបាលមួយ ឲ្យចាកចេញពី ប្រទេស នេះ ជាបន្ទាន់ ដោយចោទប្រកាន់ថា ជាអង្គការប្រឆាំងនឹងសកម្មភាពរបស់ប៉ាគីស្ថាន។</span></p>
<p><span style="color: #000000;">សារព័ត៌មាន ប៊ីប៊ីស៊ី ចេញ ផ្សាយ ថ្ងៃទី១២ ខែមិថុនា ឆ្នាំ២០១៥ នេះបន្ដទៀតថា ប៉ូលិស បាន បិទ ទ្វារការិយាល័យ របស់អង្គការខាងលើនៅក្នុងទីក្រុងអ៊ីស្លាម៉ាបាតនិងបុគ្គលិកបរទេសត្រូវបានបញ្ជា ឲ្យចាកចេញពី ប្រទេសនេះ ក្នុងរយៈពេល ១៥ថ្ងៃ។</span></p>
<p><span style="color: #000000;"><a class="thickbox" title="" href="/FileManager/Commons/2015/6/12/80-12-06-2015--15-39-11.jpg"><img src="/FileManager/Articles/mce/2015/6/12/80-12-06-2015--15-39-11.jpg" alt="" /></a><br /></span></p>
<p><span style="color: #000000;">អង្គការសង្គ្រោះកុមារ បានឲ្យដឹងថាខ្លួន “សូមជំទាស់យ៉ាងខ្លាំង” ចំពោះ សកម្មភាពនេះ។ ពាក់ ព័ន្ធ នឹង រឿងដូចគ្នានេះដែរ កាលពីពេលកន្លងមក ប្រទេសប៉ាគីស្ថាន ត្រូវបានគេចោទ ប្រកាន់ ថាបាន រួមដៃគ្នា ជាមួយនឹងអង្គការសប្បុរសធម៌ នៅក្នុងកម្មវិធីវ៉ាក់សាំង ក្លែងក្លាយមួយ ដែលត្រូវ បានប្រើ ប្រាស់ ដោយក្រុម CIA ដើម្បីសម្លាប់លោក អូសាម៉ា ប៊ីនឡាដិន។</span></p>
<p><span style="color: #000000;">អង្គការសប្បុរសធម៌ខាងលើនេះ ដែល តែងតែ បដិសេធថា មិន បានពាក់ព័ន្ធជាមួយក្រុម CIA ឬ វេជ្ជបណ្ឌិត ប៉ាគីស្ថានលោក សាគីល អាហ្វ្រីឌី ដែលជាអ្នកអនុវត្តកម្មវិធីនេះឡើយ។ រដ្ឋាភិបាលប៉ា គីស្ថាន មិនដែលបាន ផ្តល់ ការប្រកាស ជា ផ្លូវការ ពីការពន្យល់ណាមួយ ពាក់ព័ន្ធ នឹងសេចក្ដី សម្រេច ចិត្តនេះទេ។ ក៏ប៉ុន្តែមន្រ្តីម្នាក់ បានប្រាប់ទីភ្នាក់ងារព័ត៌មាន AFP ថា “សកម្មភាពរបស់ ពួក គេ ត្រូវបានត្រួតពិនិត្យតាំងពីយូរយារណាស់ មកហើយ ដោយពួកគេមិនបានធ្វើអ្វី ដែលជាការប្រ ឆាំង នឹងរដ្ឋាភិបាលប៉ាគីស្ថាននោះទេ៕</span></p>
<p style="text-align: right;"><span style="color: #000000;">ប្រភព ៖ ស៊ីអិនអេ និង ប៊ីប៊ីស៊ី</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>