<p>ខ្សែវីដែអូមួយ បានថតផ្តិតជាប់សកម្មភាពរបស់ស្រ្តីមានផ្ទៃពោះម្នាក់ រួមជាមួយក្មេងប្រុសម្នាក់ទៀត បានដើរសំដៅ និងឡើងជិះរថយន្ត Mercedes Benz ដ៏ទំនើបមួយគ្រឿង ដើម្បីរាប់លុយ បន្ទាប់ពីពួកគេ ឈរនៅតាមចិញ្ចើមផ្លូវ សុំទានអ្នកដំណើរ។</p>
<p style="text-align: center;"><a href="http://www.camnews.com.kh/News/Detail/20647/died-because-of-busy-taking-pictures-selfie"><em><span style="color: #3366ff;">...អាន៖ ស្រីស្អាតវ័យក្មេងម្នាក់ បាត់បង់ជីវិត ដោយសារតែរវល់ វក់នឹងការថតរូប Selfie រកមុំដែលស្អាត</span></em></a></p>
<p style="text-align: center;"><a class="thickbox" title="" href="/FileManager/Commons/2014/11/13/ba-bau-an-xin-xong-len-xe-mercedes-benz-dem-tien-13-11-2014--09-24-48.JPG"><img src="/FileManager/Articles/mce/2014/11/13/ba-bau-an-xin-xong-len-xe-mercedes-benz-dem-tien-13-11-2014--09-24-48.JPG" alt="" /></a></p>
<div>
<div>នារីម្នាក់ឈ្មោះ Melissa Smith មកពី San Diego រដ្ឋ California សហរដ្ឋអាមេរិច ស្ទើរតែក្អួតព្រួសឈាម នៅពេលដែលរូបគាត់បានឃើញផ្ទាល់ភ្នែកនូវទិដ្ឋភាពមួយ ដែលក្នុងនោះស្រ្តីពោះធំម្នាក់ រួមជា មួយ ក្មេងប្រុសម្នាក់ទៀត បានដើរចូលទៅក្នុងរថយន្ត Mercedes Benz ដ៏ទំនើបមួយគ្រឿងត្រលប់ទៅផ្ទះ វិញ បន្ទាប់ពីពួកគេទាំងពីរនាក់ បានឈរ និងលុតជង្គង់សុំទាន ពីអ្នកដំណើរ ធ្វើដំណើរឆ្លងកាត់ទី នោះ។</div>
<div><a href="http://www.camnews.com.kh/News/Detail/90361/new-york-woman-marks-100th-birthday-with-skydive"><br /></a></div>
<div style="text-align: center;"><a href="http://www.camnews.com.kh/News/Detail/90361/new-york-woman-marks-100th-birthday-with-skydive"><em><span style="color: #3366ff;">...អាន៖ អស្ចារ្យ! អាយុ ១០០ឆ្នាំហើយ នៅតែហ៊ានលោតឆ័ត្រយោង ប្រថុយគ្រោះថ្នាក់ទៀត</span></em></a></div>
<div></div>
<div style="text-align: center;"><a class="thickbox" title="" href="/FileManager/Commons/2014/11/13/ba-bau-an-xin-xong-len-xe-mercedes-benz-dem-tien1-13-11-2014--09-25-41.JPG"><img src="/FileManager/Articles/mce/2014/11/13/ba-bau-an-xin-xong-len-xe-mercedes-benz-dem-tien1-13-11-2014--09-25-41.JPG" alt="" /></a></div>
</div>
<div>
<div style="text-align: left;">
<div>នារីឈ្មោះ Smith បានឲ្យដឹងថា អស់រយះពេញ ២សប្តាហ៍កន្លងមកនេះ រាល់ពេលសុំទាន ពួកគេតែង តែកាន់មកជាមួយនូវផ្ទាំងក្រដាសមួយ ដោយមានសរសេរអក្សរថា "សូមមេត្តាជួយផង" ដើម្បីទាក់ទាញ ការអាណិតអាសូរ ពីអ្នកដំណើរដែលឆ្លងកាត់ទីនោះ។ "មនុស្សជាច្រើននាក់ បានឲ្យលុយពួកគេ។ រយះ ពេលតែ ៥នាទីប៉ុណ្ណោះ មានមនុស្សដល់ទៅ ៥នាក់ បានឲ្យលុយពួកគេ" នារីឈ្មោះ Smith និយាយ បញ្ជាក់ឲ្យដឹង។</div>
<div></div>
</div>
<div>ទង្វើដូច្នេះចេះតែបន្ត រហូតដល់ថ្ងៃចុងសប្តាហ៍កន្លងទៅថ្មីៗនេះ អ្នកនាង Smith បានឈប់រថយន្តនៅ ជិតនោះដើម្បីចាក់សាំង ក៏ស្រាប់តែបានឃើញពីរនាក់ម្តាយកូនដែលសុំទាននោះ បន្ទាប់ពីធ្វើការងារ រួចហើយ ស្រ្តីជាម្តាយក៏បានដើរទៅជួបបុរសជាសង្សារ ហើយនាំគ្នាឡើងរថយន្ត Mercedes Benz ពណ៌ខ្មៅមួយគ្រឿង ហើយក៏ជិះចេញពីកន្លែងសុំទានទៅ។ រថយន្តនោះមានម៉ាក Mercedes C320 ដែលមានតំលៃប្រហែល ៣៥០០០ ដុល្លារអាមេរិច។</div>
</div>
<div style="text-align: center;">
<div style="text-align: left;">
<div>បន្ទាប់ពីបានឃើញទិដ្ឋភាព ស្ទើរតែខ្យល់ចាប់នេះ ភ្លាមៗនោះអ្នកនាង Smith ក៏បានធ្វើការ ដេញតាម មើល និងថតរូបរថយន្ត រួមជាមួយនឹង ស្លាកលេខរថយន្តផងដែរ។ "ពួកគេអង្គុយក្នុងរថយន្ត រាប់លុយ បណ្តើរ និយាយគ្នាលេង សើចសប្បាយរីករាយបណ្តើរ"។ អ្នកនាង Smith ចែករំលែកបន្ថែម។</div>
<div></div>
<div>កំពុងតែធ្វើដំណើរលើដងផ្លូវ ស្រាប់តែឡាននោះបត់ចូលតំបន់ លក់ទំនិញមួយ នៅផ្លូវ Bonita ហើយ បន្ទាប់មក ស្រ្តីពោះធំ ក៏ចុះពីលើឡាន។ ក្រោយពីចុះពីឡានមក ស្រ្តីម្នាក់នេះ ក៏ឈរកាន់ផ្ទាំងក្រដាស និងសុំទានអ្នកដំណើរ ដូចរាល់លើក។ </div>
</div>
<br />
<div style="text-align: center;"><a href="http://www.camnews.com.kh/News/Detail/72039/watch-this-daredevil-complete-blindfolded-tightrope-walk-across-chicago-skyscrapers"><em><span style="color: #3366ff;">...អាន៖ វីដេអូបុរសខ្លាំង មិនញញើតស្លាប់ ធ្វើឲ្យអ្នកទាំងអស់គ្នា ព្រឺសម្បុរខ្ញាក សឹងតែមិនហ៊ានទស្សនា</span></em></a></div>
<div style="text-align: center;"></div>
<div style="text-align: center;"><a class="thickbox" title="" href="/FileManager/Commons/2014/11/13/ba-bau-an-xin-xong-len-xe-mercedes-benz-dem-tien2-13-11-2014--09-26-24.JPG"><img src="/FileManager/Articles/mce/2014/11/13/ba-bau-an-xin-xong-len-xe-mercedes-benz-dem-tien2-13-11-2014--09-26-24.JPG" alt="" /></a></div>
</div>
<div style="text-align: left;">យោងតាមស្លាកលេខឡាន អ្នកនាង Smith បានរកឃើញអ្នកដែលចុះឈ្មោះធ្វើស្លាកលេខនោះ គឺជា នារីម្នាក់ ដែលកំពុងរស់នៅ វីឡា Escondidio ជាមួយនឹងតំលៃជួល ២៥០០ ដុល្លារ ក្នុងមួយខែ។</div>
<div style="text-align: left;"></div>
<div style="text-align: left;">ដើម្បីធ្វើការប្តឹង ពីសកម្មភាពបោកប្រាស់របស់នារីសុំទានខាងលើ អ្នកនាង Smith ក៏បានផ្ញើនូវដំណើរ រឿង និងរូបភាពទៅដល់ប៉ុស្តិ៍ទូរទស្សន៍ KGTV។ ជាក់ស្តែងនៅពេលដែលបុគ្កលិកប៉ុស្តិ៍ទូរទស្សន៍ ចុះ ទៅដើម្បីធ្វើការបញ្ជាក់ អ្នកជិតខាងរស់នៅជិតវីឡាពួកគេ (អ្នកសុំទានបោកប្រាស់) បានឲ្យដឹងថា ម្ចាស់ វីឡានោះ បានរើចេញទៅកន្លែងផ្សេងបាត់ហើយ៕</div>
<div style="text-align: left;"></div>
<div style="text-align: right;"></div>
<div style="text-align: right;">ប្រែសម្រួល៖ សិលា<br />ប្រភព៖ Dailymail, kenh14</div>