<p><strong>ភ្នំពេញៈ</strong> បន្ទាប់ពីសាលាដំបូងរាជធានីភ្នំពេញ បានសម្រេចកាត់ទោស តារាកំប្លែងនាង ជួន <br />ចាន់រតនា ហៅ ក្អយ ពីបទឆបោករថយន្តជាច្រើនគ្រឿង និងចេញមូលប្បទានប័ត្រ អត់សាច់<br />ប្រាក់ឲ្យជាប់ពន្ធនាគាររយៈពេល៣ឆ្នាំកន្លះ និងបង្គាប់ឲ្យសងប្រាក់មួយចំនួន ទៅដើមបណ្តឹង<br />វិញនោះ នៅរសៀលថ្ងៃទី១៩ ខែកក្កដា ឆ្នាំ២០១៣នេះ នាង ក្អយ បានធ្វើដំណើរមកកាន់មជ្ឈ<br />មណ្ឌលព័ត៌មានដើមអម្ពិល និងបានមក បកស្រាយទទួលស្គាល់ កំហុសដែលនាងបាន ប្រព្រឹត្ត<br />និងស្នើសុំ ឲ្យម្ចាស់បណ្តឹងសុំពន្យាពេល ដើម្បី ឲ្យនាង រកប្រាក់សងរំលោះជាបន្តបន្ទាប់។</p>
<p>នៅចំពោះមុខអ្នកសារព័ត៌មាន តារាកំប្លែងដែលធ្លាប់ តែមានវោហារស័ព្ទមិនចេះ រីកស្ងួតនាង<br />ក្អយ បានបរិយាយទទួលស្គាល់កំហុសថា នាងពិតជាបានប្រព្រឹត្តិករណី ឆបោកពិតមែនក៏ប៉ុន្តែ<br />នាងក៏ជាជនរងគ្រោះដែរ ខណៈរថយន្តដែលនាងបានជួល យកទៅនោះ ហើយមានគេជួល<br />បន្តពីនាងទៀត គេក៏ស៊ីដាច់បោកប្រាសបន្តពីនាង ធ្វើឲ្យនាងត្រូវវ័ន្តករពីមួយទៅ មួយរហូត<br />មកដល់ពេលនេះ។</p>
<p>ក្អយនិយាយថា “ខ្ញុំក៏ជាជនរងគ្រោះដែរ ពេលខ្ញុំជួលរថយន្តមកខ្ញុំបានជួលបន្តទៅឲ្យអ្នកផ្សេង<br />ទៀត ស្រាប់តែពេលមានបញ្ហា បែរជាគេយករួចខ្លួន ខ្ញុំមិនដែលគេចវេសក្នុងការទទួលខុស<br />ត្រូវទេ គ្រាន់តែលទ្ធភាពរបស់ខ្ញុំ មិនទាន់អាចសងបានទាំងអស់ ក្នុងពេលតែមួយ....។ ប៉ុន្តែខ្ញុំ<br />កំពុងតែស្វែងរកឱកាស ចេញទៅរកស៊ីសងដើមបណ្តឹងទាំងអស់ ដែលបានប្តឹងខ្ញុំ”។</p>
<p>ក្អយបានបន្តទៀតថា “អ្វីដែលជាឆន្ទៈក៏ដូចជាការទទូចរបស់ខ្ញុំ ដល់ដើមបណ្តឹងទាំងអស់គឺសុំ<br />ជួយ សម្រួលក្នុងការសងលុយ និងទុកពេលវេលាសម្រាប់ខ្ញុំសង ខ្ញុំមិនដែលគេចវេសថាខ្ញុំមិន<br />សងគាត់នោះទេ និងសុំបញ្ឈប់ការគុំគួនប្តឹងផ្តល់គ្នាតទៅទៀត យើងគួររិះរកមធ្យោបាយក្នុង<br />ការសង ខ្ញុំដឹងថាអាចមានការប៉ះពាល់ អារម្មណ៍ខ្លះៗដល់ម្ចាស់បណ្តឹង ដែលគាត់បាត់បង់របស់<br />ទ្រព្យ បែរជាត្រូវមកយកការរំលោះ បន្តិចម្តងៗរាល់ខែបែបនេះ.... ”។</p>
<p>ទោះបីជាយ៉ាងណា កន្លងមកនាងបានធ្លាប់បកស្រាយ ម្តងជាពីដងរួចមកហើយ ប៉ុន្តែហាក់គ្មាន<br />ប្រសិទ្ធភាពព្រោះអ្នកផ្សេង ដែលពាក់ព័ន្ធជាមួយក្នុងរឿងនេះ តែងតែយករួចខ្លួនធ្វើឲ្យបន្ទុកនេះ<br />នៅលើនាងម្នាក់ឯងជាអ្នករែកពន់ ។</p>
<p>ខណៈដែលនាង ក្អយ ត្រូវបានសាលក្រមសម្រេចផ្តន្ទាទោស និងកំពុងស្វែងរកចាប់ខ្លួន គ្រប់<br />ជ្រកល្ហកនៅពេលនេះ នាងក៏បានទទូចអង្វរ ដល់តុលាការក៏ដូចជាម្ចាស់ បណ្តឹងមេត្តាយល់ <br />អធ្យាស្រ័យខ្ពស់ដល់នាង ។ ជាមួយគ្នានេះរូប នាងកំពុងតែរកមេធាវីថ្មី ដើម្បីដាក់ពាក្យបណ្តឹង<br />ទៅសាលាឧទ្ធរណ៍ដោះស្រាយបន្តទៀត ។</p>
<p>យ៉ាងណាមិញ នាង ក្អយ បានបដិសេធថា នាងមិនបានជាប់ពាក់ព័ន្ធនិងការលេងល្បែង ស៊ី<br />សងរហូតដល់ថ្នាក់យក រថយន្តគេទៅលក់មួយគ្រឿង ហើយគ្រឿងទៀតនោះទេ។ មួយវិញ<br />ទៀតពាក់ព័ន្ធជាមួយ នឹងការចេញមូលប្បទានប័ត្រអត់សាច់ប្រាក់ គឺដោយសារតែរូបនាងបាន<br />ចាញ់ កលអ្នកជួលរថយន្តបន្ត ដែលបង្ខំឲ្យនាងធ្វើបែបនេះក្នុង រូបភាពមួយឲ្យមានទំនុកចិត្ត តែ<br />ទោះបីជានាងប្រាប់គេថាគ្មាន លុយតម្កល់ក្នុងធនាគារ ក៏ភាគីម្ខាងទៀតនៅតែទាមទារ ឲ្យនាងចេញសែកឥតសាច់ប្រាក់ក្នុងន័យយកទៅបន្លំភ្នែកអ្នកដទៃ។</p>
<p>ទោះជាយ៉ាងណារហូតមកដល់ពេលនេះ បើសរុបពីខ្ទង់ថវិកាដែលនាងនៅ ជំពាក់ក្នុងបទ ឆ<br />បោក នេះគឺប្រហាក់ប្រហែលពី៣ទៅ៤ម៉ឺនដុល្លារ និងនៅម្ចាស់បណ្តឹងចំនួន៤ នាក់ផ្សេងទៀត<br />ដែល ត្រូវចរចាក្រៅប្រព័ន្ធតុលាការ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0799.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0800.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0801.jpg" alt="Looking Today" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>