<p><span style="color: #000000;"><strong>(បាសេឡូណា)៖</strong> តារាបាល់ទាត់ឆ្នើមរបស់អាហ្សង់ទីន Lionel Messi រួមជាមួយឪពុកបង្កើតរបស់គេលោក Jorg Messi បានបដិសេធ និងត្រៀមប្តឹងវាយបកចំពោះតុលាការនៅទីក្រុង Barcelona ដែលបានកាត់ក្តីឲ្យពួកគេទាំងពីរ ជាប់ពន្ធនាគារចំនួន២១ខែដូចគ្នា នេះបើយោងតាមមេធាវីការពារក្តីរបស់ Messi ថ្លែងប្រាប់ BBC។</span></p>
<p><span style="color: #000000;">តែយ៉ាងណាក៏ដោយ ដោយស្ថិតក្នុងប្រព័ន្ធច្បាប់នៃប្រទេសអេស្ប៉ាញ ការជាប់ពន្ធនាគារក្រោម២ឆ្នាំ ត្រូវបានព្យួរ និងតម្រូវឲ្យកីឡាករវ័យ២៩ឆ្នាំ របស់ក្លឹប FC Barcelona និងឪពុករបស់គេ បង់ប្រាក់ ២,២លានដុល្លារ ដើម្បីនៅក្រៅឃុំ និងទុកឱកាសប្តឹងជំទាស់បន្តទៀត ពីបទកេងបន្លំប្រាក់បង់ពន្ធជូនប្រទេសអេស្ប៉ាញ នៅចន្លោះឆ្នាំ២០០៧ និងឆ្នាំ២០០៩ ក្នុងនាមជាកីឡាករដែលមកប្រកប អាជីពក្នុងប្រទេសមួយនេះ។</span></p>
<p><span style="color: #000000;">សូមរំលឹកផងដែរថា ករណីបន្លំប្រាក់បង់ពន្ធ (tax fraud) របស់ Messi ត្រូវបានគេរកឃើញដំបូង តាំងពីដើមឆ្នាំ២០១៥ ក្រោយពីសង្ស័យចាប់តាំងពីចុងឆ្នាំ២០១២មក ហើយតុលាការប្រទេសអេស្ប៉ាញ ក៏បានធ្វើការកោះហៅ Messi ចូលបំភ្លឺ៣ដងមកហើយដែរ ជុំវិញការប្រើប្រាស់គណនីក្លែងក្លាយដល់ទៅ៣ ក្នុងការបន្លំបង់ពន្ធ ចំពោះប្រាក់ចំណូលដែលបាន ពីការលក់សិទ្ធិរូបភាពទៅឲ្យក្រុមហ៊ុន Balize និងប្រទេសអ៊ុយរ៉ាហ្គាយនោះ។</span></p>
<p><span style="color: #000000;">មេធាវី Messi បានបញ្ជាក់យ៉ាងខ្លី <strong>«ក្រោយបិទសវនការល្ងាចម្សិលមិញថា ការកាត់ក្តីនេះ មិនយុត្តិធម៌នោះទេ ហើយពួកយើងមានសិទ្ធិក្នុងការប្តឹងជំទាស់ ដើម្បីការពារនូវភាពស្អាតស្អំរបស់ពួកយើង»</strong>។</span></p>
<p><span style="color: #000000;">ស្របគ្នានោះដែរ ក្លឹបបាល់ទាត់ Barcelona ក៏បានចេញសេចក្តីថ្លែងការណ៍គាំទ្រ Messi និងឪពុករបស់គេដែរ ថាគ្មានផ្លូវ Messi ធ្វើរឿងបែបនេះឡើយ និងបានដើរលើផ្លូវត្រឹមត្រូវ ចាប់តាំងពីបានមករស់នៅក្នុងប្រទេសអេស្ប៉ាញ ពីឆ្នាំ១៩៩៥ មក ក្នុងនាមជាកីឡាករយុវជនក្នុងក្លឹប Barcelona៕</span></p>
<p><span style="color: #0000ff;"><a href="/News/Detail/14557/lionel-messi-sentenced-to-21-months-in-jail-for-tax-fraud" target="_blank"><span style="color: #0000ff;">-អាន ៖ Messi និងឪពុក ត្រូវបានតុលាការអេស្ប៉ាញ កាត់ទោសឲ្យជាប់គុក ២១ខែដោយសារបន្លំប្រាក់បង់ពន្ធ</span></a></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-07-06-55-34-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-07-06-55-34-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-07-06-55-34-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-07-06-55-34-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/07-2016/fn-2016-07-07-06-55-34-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>