<p><span style="color: #000000;">តាកែវ ៖ រថភ្លើងដឹកទំនិញមួយបានសម្លាប់បុរសពីរនាក់ បន្ទាប់ពីពួកគេបានបើកបុកគ្នានៅផ្លូវដែក ដែលពួកគេបានឆ្លងកាត់ កាលពីថ្ងៃអាទិត្យនៅក្នុងស្រុក ត្រាំកក់ ខេត្តតាកែវ ។</span></p>
<p><span style="color: #000000;">លោក សុខ ខន អនុប្រធានស្នងការរងនគរបាលស្រុកបានថ្លែងថា បុរសទាំងនេះបានស្លាប់បន្ទាប់ពីម៉ូតូរបស់ពួកគេត្រូវបាន គាបជាប់នៅក្រោមរថភ្លើងនិងអូសរយៈចម្ងាយយ៉ាងវែងទៀតផង ។ ជនរងគ្រោះត្រូវបានគេស្គាល់អត្តសញ្ញាណថា ជាបុរសវ័យកណ្តាល ដោយម្នាក់មានឈ្មោះថា ប៉ាង ភក្តី មានអាយុ ២៧ ឆ្នាំ រីឯម្នាក់ទៀតមានឈ្មោះថា កែវ រុន អាយុ ២៥ ឆ្នាំ ។ </span></p>
<p><a class="thickbox" title="" href="/FileManager/Commons/2018/1/16/1-16-01-2018--10-44-26.png"><img src="/FileManager/Articles/mce/2018/1/16/1-16-01-2018--10-44-26.png" alt="" /></a></p>
<p><span style="color: #000000;">អនុប្រធានស្នងការរងនគរបាលស្រុកបានបន្ថែមទៀតថា រថភ្លើងនេះបានធ្វើដំណើរពីក្រុងព្រះសីហនុ ទៅកាន់ទីក្រុងភ្នំពេញ ហើយហេតុការណ៍នេះបានកើតឡើងនៅវេលាម៉ោង ២ ទាលភ្លឺ នៅថ្ងៃអាទិត្យ ។ </span></p>
<p><span style="color: #000000;">ប្រភពដដែលបានបន្តទៀតថា <span style="font-size: 12px;">រថភ្លើងបានបន្តអូសម៉ូតូ និងជនរងគ្រោះពីរនាក់ ព្រោះឈប់មិនទាន់ ហើយពួកគេបានស្លាប់នៅកន្លែងកើតហេតុតែម្តង ។ ចំណែកឯអ្នកបើកបររថភ្លើងបាននិយាយថា ក្រុមហ៊ុនធានារ៉ាប់រងនឹងធ្វើការដោះស្រាយដល់ជនរងគ្រោះ ចំពោះបញ្ហានេះ ៕</span></span></p>
<p><a class="c_tab" href="http://www.khmertimeskh.com/50102239/motorcyclists-killed-at-railway-crossing/" target="_blank"><img src="/FileManager/Articles/mce/2018/1/16/khmertimes-16-01-2018--10-44-42.png" alt="" /></a></p>
<p style="text-align: right;"><span style="font-size: 12px; color: #000000;">ប្រែសម្រួល ៖ គន្ធា</span></p>
<p style="text-align: right;"><span style="font-size: 12px; color: #000000;">ប្រភព ៖ khmertimes</span></p>