<p><span style="color: #000000;"><strong>(ភ្នំពេញ)៖</strong> ប្រជាពលរដ្ឋខ្មែរអាចទៅប្តូរប័ណ្ណបើកបរនៅផ្សារទំនើបអ៉ីអន នៅដើមខែមិថុនា ឆ្នាំ២០១៦នេះហើយ។ ដំណឹងនៃការដាក់ឲ្យដំណើរការទីតាំងប្តូរប័ណ្ណបើកបរនៅផ្សារទំនើបអ៉ីអននេះ ត្រូវបានបញ្ជាក់ឲ្យដឹងនៅក្នុងកិច្ចប្រជុំប្រចាំសប្តាហ៍របស់ក្រសួង សាធារណការ និងដឹកជញ្ជូន ដឹកនាំដោយលោកទេសរដ្ឋមន្រ្តី ស៊ុន ចាន់ថុល នាព្រឹកថ្ងៃទី០៤ ខែឧសភា ឆ្នាំ២០១៦។</span></p>
<p><span style="color: #000000;">លោកទេសរដ្ឋមន្រ្តី ស៊ុន ចាន់ថុល ធ្លាប់បានបញ្ជាក់ថា ការបង្កើតកន្លែងប្តូរប័ណ្ណបើកបរនៅផ្សារទំនើបអ៉ីអននេះ ដើម្បីផ្តល់សេវាជូនប្រជាពលរដ្ឋឲ្យកាន់តែងាយស្រួល។ ជាពិសេសការបង្កើតទីតាំងប្តូរប័ណ្ណបើកបរនៅអ៉ីអន ជាកិច្ចខិតខំបង្ខិតសេវាឲ្យទៅកាន់តែជិតប្រជាពលរដ្ឋ ដែលជាផែនការកំណែទម្រង់ ១០០ថ្ងៃរបស់ក្រសួងសាធារណការ។</span></p>
<p><span style="color: #000000;">ឆ្លើយតបសំណើបង្កើតទីតាំងប្តូរប័ណ្ណបើកបរនេះ ផ្សារអ៉ីអនម៉ល បានផ្តល់ទីធ្លាសាធារណៈទំហំ ៤០ម៉ែត្រការ៉េ ដោយប្រើប្រាស់បច្ចេកវិទ្យាទំនាក់ទំនងជាមួយប្រព័ន្ធទិន្នន័យក្រសួងពីចម្ងាយជាលើកដំបូង។ ទីតាំងផ្តល់សេវាសាធារណៈថ្មីនេះ នឹងជួយសម្រួលដល់ការផ្តល់ប័ណ្ណបើកបរ កាន់តែលឿន និងងាយស្រួលសម្រាប់ប្រជាពលរដ្ឋកម្ពុជា។</span></p>
<p><span style="color: #000000;">ក្នុងកិច្ចប្រជុំប្រចាំសប្តាហ៍របស់ក្រសួងសាធារណការ និងដឹកជញ្ជូននាព្រឹកមិញនេះ ក៏បានពិភាក្សាទៅលើការរៀបចំប្រព័ន្ធស័្វយប្រវត្តិកម្ម ក្នុងការចុះបញ្ជីប័ណ្ណបើកបរ, ការចុះបញ្ជីយានយន្ត និង ការត្រួតពិនិត្យបច្ចេកទេសយានយន្ត ដើម្បីធ្វើឲ្យប្រសើរឡើងដល់សេវាសាធារណៈជូនប្រជាពលរដ្ឋ។ ប្រព័ន្ធនេះ នឹងក្លាយជាទៅជាគន្លឹះដោះស្រាយបញ្ហា ក្នុងការជំរុញឲ្យមានតម្លាភាព សន្សំពេលវេលា និងកាត់បន្ថយការចំណាយរបស់ប្រជាពលរដ្ឋចំពោះសេវាសាធារណៈ ដែលផ្តល់ដោយក្រសួងសាធារណការ និងដឹកជញ្ជូន។</span></p>
<p><span style="color: #000000;">លោកទេសរដ្ឋមន្រ្តី បានជំរុញក្រុមការងារ ដែលទទួលបន្ទុកឲ្យដាក់បន្ថែមសេវាត្រួតពិនិត្យបច្ចេកទេសយានយន្ត ដល់ថ្នាក់ខេត្តបន្ថែមទៀត ដើម្បីបង្ខិតសេវាឱ្យទៅជិតប្រជាពលរដ្ឋ។ គំនិតផ្តួចផ្តើមនេះ នឹងជួយសម្រួលដល់ម្ចាស់យានយន្តទាំងអស់ ក្នុងការស្នើសុំសេវាត្រួតពិនិត្យបច្ចេកទេសយានយន្ត នៅទីតាំងក្នុងខេត្តរបស់ខ្លួន ឬនៅខេត្តជិតៗ។</span></p>
<p><span style="color: #000000;">លោកទេសរដ្ឋមន្រ្តីបានបន្ថែមថា សកម្មភាពទាំងនេះ គឺជាផ្នែកមួយនៃផែនការ ១០០ថ្ងៃ របស់ក្រសួងសាធារណការ និងដឹកជញ្ជូន។</span></p>
<p><span style="color: #000000;">កិច្ចប្រជុំ ក៏បានពិភាក្សាដំណើរការកសាងច្រកព្រំដែនស្ទឹងបត់ផងដែរ។ រថយន្តដឹកទំនិញ នឹងតម្រូវឱ្យឆ្លងកាត់ច្រកថ្មីនេះ ដើម្បីពិនិត្យបំពេញសំណុំបែបបទផ្លូវការ និងបង់ពន្ធគយ។ ច្រកនេះ នឹងជួយកាត់បន្ថយការកកស្ទះនៅច្រកព្រំដែនប៉ោយប៉ែត។</span></p>
<p><span style="color: #000000;">លោក ស៊ុន ចាន់ថុល បានស្នើឱ្យនាយកដ្ឋានទាំងអស់ពិនិត្យឡើងវិញ និង រៀបចំនីតិវិធីការងារក្នុងនាយកដ្ឋានរបស់ខ្លួន ដើម្បីកាត់បន្ថយពេលវេលា និងការរាំងស្ទះនានា។</span></p>
<p><span style="color: #000000;">លោកទេសរដ្ឋមន្រ្តី ក៏បានប្រកាសពីគម្រោងចុះពិនិត្យផ្លូវជាតិលេខ១១ ពីអ្នកលឿង ខេត្តព្រៃវែង ដល់ស្រុកថ្នល់ទទឹង ខេត្តត្បូងឃ្មុំ និងផ្លូវជាតិលេខ៧១C ពីស្រុកស្រឡប់ ខេត្តត្បូងឃ្មុំ ដល់ស្រុកចំការលើ ខេត្តកំពង់ចាម នៅថៃ្ងទី១៦ ខែឧសភា ឆ្នាំ២០១៦៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13177680_518908824960129_671832530636649425_n.jpg?oh=f078f3eb37c58009253a7dbe26e2365b&oe=57AD2D09" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/v/t1.0-9/13173984_518908558293489_5666474050721165061_n.jpg?oh=19a14af7d87ac85aa561936e699d5a15&oe=579AD170&__gda__=1470270714_d47deea4e8b80ca7c97f0f12ccc43b15" alt="" width="730" /></span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xfp1/v/t1.0-9/13178606_518908668293478_8849570840071164478_n.jpg?oh=4897ab63e95dd28f6be51dfbd3cdea69&oe=57AB903E&__gda__=1471047607_ed00932b32c4a8757f0fdcfef1107c1b" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xlt1/v/t1.0-9/13124778_518915071626171_4260132169672820452_n.jpg?oh=92a90dda678d012a0f75368814051046&oe=579D3B75&__gda__=1470582116_cb0f3aa58c1a8a55c963d35ae71eeee5" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtf1/v/t1.0-9/13151651_518908598293485_4099890537124935043_n.jpg?oh=c6b64f7355b2ee22a0a5643c5e344be2&oe=57E2521B&__gda__=1474415424_ad07c3ca12b52cd4bd7f8444ac1efd3b" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xpf1/v/t1.0-9/13139082_518908551626823_993997127858699707_n.jpg?oh=a0f5e9d5afc94fef128f8e01d9b5680d&oe=57A473E4&__gda__=1470069541_24b1cd0b0ca860ab3a958724061d2f66" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13139288_518908968293448_7421157613889328020_n.jpg?oh=a2b8bb9efc3590af741f1ef8a2d688eb&oe=57A3468C" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>