<p><span style="color: #000000;"><strong>ភ្នំពេញ៖</strong> អ្នកនាង ចន ច័ន្ទលក្ខិណា ជាតារាសម្តែង ជើងចាស់មួយដួង ដែលមានប្រជាប្រិយភាព និងកេរ្តិ៍ឈ្មោះល្បីរន្ទឺ ហើយជាញឹកញាប់ តែងតែចេញទៅ ចូលរួមកម្មវិធី លក្ខណៈអន្តរជាតិ នៅបណ្តាល ប្រទេសជាច្រើន ។ ទស្សនិកជន ប្រហែលជាគិតថា នាងបានទទួលការយល់ដឹង ពីបណ្តាប្រទេសអន្តរជាតិ និងចេះភាសាបរទេសច្រើន ប៉ុន្តែអ្វីដែលនឹក ស្មានមិនដល់នោះ គឺរូបនាងខ្លួនឯង បែរជាត្អូញត្អែរថា ខ្លួនមិនចេះភាសាបរទេស បានទូលំទូលាយនោះទេ ធ្វើឲ្យនាង ជួបប្រទះ ការលំបាកច្រើន ពេលចូលរួម ក្នុងវេទិកាលំដាប់អន្តរជាតិម្ដងៗ។</span></p>
<p><span style="color: #000000;">ថ្មីៗនេះ គេឃើញវត្តមាន អ្នកមេម៉ាយចាយសម្រស់ អ្នកនាង ចន ច័ន្ទលក្ខិណា បានជិះយន្តហោះ ទៅប្រទេសម៉ាឡេស៊ី តំណាងឲ្យអ្នកសិល្បៈ ក្នុងស្រុកខ្មែរ ទៅចូលរួមកម្មវិធី និងកិច្ចសម្ភាសន៍ នៅទូរទស្សន៍ម៉ាឡេស៊ី នៅឯប្រទេសម៉ាឡេស៊ី ។ អ្វីដែលធ្វើឲ្យ ទស្សនិកជន មានការចាប់អារម្មណ៍នោះ គឺក្រោយពីពិធីការិនី ប្រចាំស្ថានីយទូរទស្សន៍បាយ័នរូបនេះ បានបង្ហាញសារខ្លីមួយ រៀបរាប់ពីអារម្មណ៍ពិត របស់ខ្លួនថា « ហ៊ឹ...តូចចិត្តណាស់ដែល កើតមកអត់ចេះអង់គ្លេស ទៅ ណាត្រូវរកជំនួយការ បកប្រែរហូត មានអីចុះយន្តហោះភ្លាម គឺប្រើភ្លែត កុំឲ្យខាត ព្រោះស្អែកត្រូវចូលសម្ភាសន៍ នៅស្ថានីយ ទូរទស្សន៍ម៉ាឡេស៊ី បើមិនត្រៀមចម្លើយមុនទេ គឺយ៉ាប់ហើយព្រោះអង់គ្លេសខ្ញុំ គឺអង់គ្លេស អក្ខរកម្ម..»។</span></p>
<p><span style="color: #000000;">តាមរយៈការបង្ហាញសារនេះ បានសរបញ្ជាក់ឲ្យឃើញថា តារាសម្តែងស្រី អ្នកនាង ចន ច័ន្ទលក្ខិណា ហាក់មានការ អាក់អន់ស្រពន់ចិត្ត ចំពោះខ្លួនឯង ដែលមិនសូវចេះភាសាបរទេស ពិបាកក្នុងការប្រាស្រ័យទាក់ទង ជាមួយជនជាតិ បរទេស ។ តែទោះជាយ៉ាងណា តារារូបនេះ ក៏មានគូស្នេហ៍រូបសង្ហា លោក ហេង ឡុង តាមជួយនាងគ្រប់ពេល ដោយ នាងបានបង្ហាញសារ ផ្អែមល្ហែម ផ្ញើរអរគុណគូស្នេហ៍ថា «thank honey for help Heng Loong បើមិនជួយទេ អូនពិតជាឆ្លើយមិនចេញទេ...!» ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/14/40-14-09-2015--14-32-50.jpg"><img src="/FileManager/Articles/mce/2015/9/14/40-14-09-2015--14-32-50.jpg" alt="" /></a></span></p>
<p><a class="thickbox" title="" href="/FileManager/Commons/2015/9/14/41-14-09-2015--14-33-00.jpg"><img src="/FileManager/Articles/mce/2015/9/14/41-14-09-2015--14-33-00.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/9/14/40-14-09-2015--14-32-50.jpg"></a></span></p>
<p><a class="thickbox" title="" href="/FileManager/Commons/2015/9/14/42-14-09-2015--14-33-07.jpg"><img src="/FileManager/Articles/mce/2015/9/14/42-14-09-2015--14-33-07.jpg" alt="" /></a></p>
<p><a class="thickbox" title="" href="/FileManager/Commons/2015/9/14/43-14-09-2015--14-33-14.jpg"><img src="/FileManager/Articles/mce/2015/9/14/43-14-09-2015--14-33-14.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>