<div class="article-content">
<p><strong>ភ្នំពេញ ៖</strong> បុរសជនជាតិ វៀតណាមម្នាក់ ត្រូវបាន ប្រជាពលរដ្ឋ ព្រួតគ្នាវាយ បណ្តាលឲ្យស្លាប់ ខណៈជនរងគ្រោះ រូបនេះ បានទៅមើល មិត្តភ័ក្រ ជួបគ្រោះថ្នាក់ ចរាចរណ៍ កាលពីវេលា ម៉ោងជាង៩យប់ថ្ងៃទី១៦ ខែកុម្ភៈ ឆ្នាំ២០១៤ ស្ថិតនៅតាម ផ្លូវជាតិលេខ២ ក្នុងភូមិព្រែកតានូ សង្កាត់ចាក់អង្រែលើ ខណ្ឌមានជ័យ ។</p>
<p>សេចក្តីរាយការណ៍ ពីសមត្ថកិច្ចមូលដ្ឋាន បានឲ្យដឹងថា មុនពេលកើតហេតុ ជនរងគ្រោះ មានឈ្មោះ ង្វៀង យ៉ាំងង៉ុក អាយុ២៨ឆ្នាំ រស់នៅ ភូមិទួលរកា សង្កាត់ចាក់អង្រែក្រោម ខណ្ឌមានជ័យ ជាជាង ជួសជុលតុទូ ត្រូវបានមិត្តភ័ក្រទូរស័ព្ទ ឲ្យទៅជួយមើល ដោយសារតែ ជិះម៉ូតូបុករថយន្តគេ។ ពេលនោះ ជនរងគ្រោះបាន ទៅមើល ស្រាប់តែត្រូវបាន ប្រជាពលរដ្ឋព្រួត វាយបណ្តាលឲ្យស្លាប់ តែម្តងទៅ ។</p>
<p>មូលហេតុ ដែលនាំឲ្យមានការព្រួតវាយ ជនរងគ្រោះ រហូតដល់ស្លាប់យ៉ាងដូច្នេះ បណ្តាលមកពីមាន ប្រជាពលរដ្ឋខ្លះស្រែកថា មានយួនវាយខ្មែរ ទើបបានជានាំគ្នា ព្រួតវាយ ជនរងគ្រោះតែម្តង។</p>
<p>យ៉ាងណាក៏ដោយ កម្លាំងសមត្ថកិច្ច ដែលចុះទៅជួយ អន្តរាគមន៍ បានចាប់ខ្លួន ជនសង្ស័យម្នាក់ មានឈ្មោះ វ៉ុន ចាន់វុត្ថា អាយុ៥០ឆ្នាំ រស់នៅផ្ទះលេខ១០១៥ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ ដែលជាជនបង្កម្នាក់ ដឹកនាំប្រជាពលរដ្ឋ ព្រួតវាយជនរងគ្រោះ។</p>
<p>បច្ចុប្បន្ន ជនបង្ករូបនេះត្រូវបានឃុំខ្លួន ជាបណ្តោះអាសន្ន នៅអធិការដ្ឋាន នគរបាល ខណ្ឌមានជ័យ ដើម្បីចាត់ការតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-010/chanroth014-feb-121.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-010/chanroth014-feb-120.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-010/chanroth014-feb-122.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-010/chanroth014-feb-123.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-010/chanroth014-feb-111.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80976-2014-02-16-07-20-44.html"><span style="color: #0000ff;">ដើមអំពិល</span></a></p>
</div>