<p><span style="color: #000000;"><strong style="font-size: 12px;">ភ្នំពេញ៖</strong><span style="font-size: 12px;"> អ្នកនំាពាក្យក្រសួងអប់រំ យុវជននិងកីឡា លោក រស់ សាលីន បានឲ្យដឹងថា «កីឡាករជម្រើសជាតិ U-19 ដែលជាប់បំពេញបេសកកម្ម ចូលរួមប្រកួតនៅក្រៅប្រទេស តែជាប់កាតព្វកិច្ចត្រូវប្រឡងបាក់ឌុប ហើយមិនមកប្រឡង ដោយមិនបានជូនដំណឹង មកក្រសួងអប់រំជាមុននោះទេ ត្រូវធ្លាក់ដោយស្វ័យប្រវត្តិ»។</span></span></p>
<p><span style="color: #000000;">ការលើកឡើងរបស់អ្នកនំាពាក្យក្រសួងអប់រំ នៅព្រឹកថ្ងៃទី២៧ ខែសីហា ឆ្នាំ២០១៥នេះ បានធ្វើឡើងបន្ទាប់ពីមានព័ត៌មានថា កីឡាករបាល់ទាត់ជម្រើសជាតិកម្ពុជាអាយុក្រោម១៩ឆ្នាំ (U19) ចំនួន៥នាក់ ដែលកំពុងជាប់បេសកកម្ម ប្រកួតក្នុងពានរង្វាន់ AFF U19 Championship នៅក្នុងទីក្រុងវៀងច័ន្ទ ប្រទេសឡាវនោះ អត់បានប្រឡងបាក់ឌុប ។</span></p>
<p><span style="color: #000000;">កីឡាករ U19 ទំាង៥នាក់ ដែលគេអះអាងថា ត្រូវប្រឡងបាក់ឌុប កាលពីថ្ងៃទី២៤-២៥ ខែសីហានាកន្លងទៅថ្មីៗនេះ ហើយកំពុងជាប់លេង ឲ្យក្រុមជម្រើសជាតិនៅប្រទេសឡាវ ពីថ្ងៃទី២២ ខែសីហា ដល់ ថ្ងៃទី០៤ ខែកញ្ញា ឆ្នាំ២០១៥ នោះរួមមាន៖ កីឡាករ ម៉ែន មុន្នីរ៉ា, គីម ហាប់, ទូច រ៉ូម៉ា, ជាម រតនា និងកីឡាករ ចិន វណ្ណៈ ។</span></p>
<p><span style="color: #000000;">យ៉ាងណាក៍ដោយបើតាមលោក រស់ សាលីន មកដល់ព្រឹកថ្ងៃព្រហស្បតិ៍នេះ ក្រសួងអប់រំមិនទាន់ បានទទួលឈ្មោះកីឡាករខាងលើដែលថា ត្រូវប្រឡងបាក់ឌុបនោះ នៅឡើយទេ ហើយថាគោលការណ៍ ការប្រឡងថ្នាក់ជាតិមួយឆ្នាំម្តង បេក្ខជនត្រូវគោរពតាមពេលវេលា។</span></p>
<p><span style="color: #000000;">រដ្ឋមន្រ្តីក្រសួងអប់រំ យុវជននិងកីឡា លោកបណ្ឌិត្យ ហង់ ជួនណារ៉ុន មិនអាចទាក់ទងដើម្បីសុំ ការបញ្ជាក់បន្ថែមបានទេ នៅវេលាថ្ងៃត្រង់នេះ។ ចំណែក លោកនាយឧត្តមសេនីយ៍ សៅ សុខា ប្រធានសហព័ន្ឋកីឡាបាល់ទាត់ជាតិកម្ពុជា ក៏មិនអាចទាក់ទង ដើម្បីសុំការអត្ថាធិប្បាយបានដែរ។</span></p>
<p><span style="color: #000000;">គួរបញ្ជាក់ដែរថា ក្រុមយុវជន U-19 កម្ពុជាទាំងនេះ បានបំពេញការប្រកួត បានយ៉ាងល្អនៅទឹកដីឡាវ ដោយបានឆ្លងកាត់ ២ប្រកួតឈ្នះ U-19 ប្រ៊ុយណេ ៥-១ និងលេងស្មើទល់នឹងម្ចាស់ផ្ទះ U-19 ឡាវ ០-០ និងកំពុងឈរនៅលេខ២ បណ្តោះអាសន្នប្រពូល A គ្រាដែលថៃឈរនៅលេខ១ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/27/8-27-2015-1-01-09-pm-27-08-2015--13-07-52.png"><span style="color: #000000;"><img src="/FileManager/Articles/mce/2015/8/27/8-27-2015-1-01-09-pm-27-08-2015--13-07-52.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/8/27/8-27-2015-1-01-22-pm-27-08-2015--13-08-20.png"><span style="color: #000000;"><img src="/FileManager/Articles/mce/2015/8/27/8-27-2015-1-01-22-pm-27-08-2015--13-08-20.png" alt="" /></span></a></span></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span></p>