<p><strong>ភ្នំពេញ៖</strong> ក្រសួងសុខាភិបាលកម្ពុជា នៅរសៀលថ្ងៃទី១១ ខែសីហា ឆ្នាំ២០១៣ នេះ បានច្រានចោល នូវព័ត៌មានដែលថា ជំងឺអេបូឡា ឬហៅម្យ៉ាងទៀតថា ជំងឺគ្រុនឈាម នៅអាហ្រ្វិក នោះ បានឆ្លងចូលមក ក្នុងទឹកដី នៃព្រះរាជាណាចក្រកម្ពុជា ។</p>
<p>លោកវេជ្ជបណ្ឌិត លី សុវណ្ណ អនុប្រធាននាយកដ្ឋាន តាមដានជំងឺឆ្លង នៃក្រសួងសុខាភិបាល បាន ប្រាប់ LookingTODAY នៅល្ងាចថ្ងៃចន្ទ ទី១១ ខែសីហា ឆ្នាំ២០១៤ នេះ ថា រហូតមក ទល់ពេលនេះ ប្រជាជនកម្ពុជានៅមិនទាន់មានអ្នកឆ្លងជំងឺ អេបូឡានេះនៅឡើយទេ ។</p>
<p>លោកវេជ្ជបណ្ឌិត បានបន្តទៀតថា “ជំងឺនេះមានហានិភ័យទាបទេ សម្រាប់ប្រទេសកម្ពុជា ដោយសារ ហេតុផលទីមួយ ទំនាក់ទំនងប្រទេសយើង ជាមួយប្រទេសលោកខាងលិច គឺមានតិចតួចណាស់ ទី២ ជំងឺនេះ ជាជំងឺមួយដែលប៉ះពាល់សាច់ផ្ទាល់ជាមួយអ្នកជំងឺ ឬ មួយក៏សត្វជ្រឹង ឬស្វាឪ ដែលមានផ្ទុកនូវ មេរោគ ក្នុងប្រទេសអាហ្វិក”។</p>
<p>លោកក៏បានបញ្ជាក់ទៀតថា “ជំងឺអេបូទ្បា រហូតមកដល់ពេលនេះ មិនទាន់មានវ៉ាក់សាំង ឬ ថ្នាំ សម្រាប់ ព្យាបាលជំងឺនៅទ្បើយនោះទេ តែយើងអាចព្យាលបាលវាបានតាមរបៀបសង្គ្រោះ ព្យាបាលតាមរក សញ្ញាវិជ្ជាពេទ្យ បើសិនជាគាត់ខ្វះជាតិទឹក យើងនឹងផ្ដល់ទឹក ហើយបើខ្វះឈាមយើង នឹងផ្ដល់ឈាមឲ្យ ផងដែរ”។</p>
<p>សូមបញ្ជាក់ថា ជំងឺអេបូទ្បានេះ ជាជំងឺមួយប្រភេទ ដែលកើតនៅលើមនុស្ស និងសត្វ ដូចជា សត្វស្វា ស្វាឪ និងសត្វជ្រឹង ជាដើម។ ជំងឺនេះ ចាប់ផ្តើមរាតត្បាតដំបូងនៅឆ្នាំ១៩៧៦ នៅក្នុងភូមិមួយក្បែរទន្លេ អេបូទ្បា ប្រទេសកុងហ្គូ និងតំបន់ដាច់ស្រយាល ក្នុងប្រទេសស៊ូដង់។ ហើយជំងឺនេះ ឆ្លងមកមនុស្ស តាមរយៈការប៉ះពាល់ផ្ទាល់ ជាមួយឈាមមនុស្ស ទឹក សរីរាង្គ និងសរីរាង្គសត្វ ជាពិសេស តាមរយៈ សត្វដែលស្លាប់ក្នុងព្រៃកា្រស់ ដែលផ្ទុកវីរុសអេបូទ្បា នេះ ៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-015/T-0265.jpg" alt="" width="500" /></p>
<p style="text-align: left;"><a href="/News/Detail/84327/cambodia-health-minister-warns-over-ebola-spread" target="_blank"><span style="color: #0000ff;">- អាន ៖ ក្រសួងសុខាភិបាល ប្រកាសឱ្យប្រជាពលរដ្ឋការពារខ្លួន ពីជំងឺកាចសាហាវថ្មីមួយ ឈ្មោះ Ebola</span></a></p>
<p><a href="/News/Detail/67541/ebola-outbreak-and-its-background" target="_blank"><span style="color: #0000ff;">- អាន ៖ បទវិភាគ និង យល់ដឹង ៖ ជម្ងឺអាសន្នរោគ កំពុងរាតត្បាត ពិភពលោក Ebola ឬ ជម្ងឺស៊ីសាច់មនុស្ស</span></a></p>
<p style="text-align: left;"><span><a href="/News/Detail/87205/liberia-declares-state-of-emergency-over-ebola-virus" target="_blank"><span style="color: #0000ff;">- អាន ៖ ប្រកាសរដ្ឋក្នុងភាពអាសន្ន ខណៈជម្ងឺអាសន្នរោគ ដ៏សាហាវ កំពុងតែវាយប្រហារ ពិភពលោក</span></a></span></p>
<p style="text-align: right;"><a href="http://lookingtoday.com/index.php/entertainment-general-news/33143-2014-08-11-11-04-18.html" target="_blank">ផ្តល់សិទ្ធដោយ ៖ ដើមអម្ពិល</a></p>