<p><span style="color: #000000;"><span style="font-size: 12px;"><strong>កំសាន្ត ៖ </strong>គួរបញ្ជាក់ថា វេលាល្ងាចថ្ងៃទី១៤ ខែធ្នូ ឆ្នាំ២០១៦នេះ នៅរោងភាពយន្ត Major Cineplex ផ្សារទំនើប អេអនម៉ល </span><span style="font-size: 12px;">តារាសម្ដែង តារាចម្រៀង តារាកំប្លែង ល្បីៗជាច្រើនដួង បានមូលមកជុំគ្នាយ៉ាងកកកុញ ក្នុងថ្ងៃបើកសម្ពោធ ដាក់បញ្ចាំងរឿង «កំពូលល្ងង់នៅអាស៊ី» ដែលជាស្នាដៃបែបកំប្លែង លើកដំបូងរបស់ផលិតកម្ម «Galaxy» ខណៈដែលផលិតករ ក្នុងផលិតកម្មថ្មីមួយនេះ បានបង្ហាញពីក្ដីរំពឹងខ្ពស់ ថានឹងទទួលបានជោគជ័យ លើស្នាដៃទី១របស់ខ្លួន។ </span><span style="font-size: 12px;">ឡេង ណាវ៉ាត់ត្រា ម្ចាស់ផលិតកម្ម «Galaxy» បានថ្លែងប្រាប់ឲ្យបណ្ដាញអ្នកសារព័ត៌មានដឹងថា លោកពិតជាមានក្តីរំភើប នឹងវត្តមានរបស់សិល្បករ-សិល្បការិនី ក្មេងចាស់ប្រុសស្រីជាច្រើននាក់ ក្នុងឱកាសនេះ ដែលពួកគេបានមកចូលរួម បញ្ជាក់ពីការលើកទឹកចិត្ត និងគាំទ្រស្នាដៃរបស់កូនខ្មែរ។ វាគឺជាកម្លាំងចិត្តសម្រាប់លោក និងក្រុមការងារបន្តការខិតខំ ប្រឹងប្រែងទៀត សម្រាប់ខ្សែភាពយន្ត និងស្នាដៃសិល្បៈ បន្តបន្ទាប់ទៀត។ </span><span style="font-size: 12px;">ចាងហ្វាងផលិតកម្មវ័យក្មេង និងធ្លាប់ឆ្លងកាត់ជីវិតជាពលករធ្វើការនៅប្រទេសកូរ៉េ រូបនេះ បានបន្តទៀតថា ចាប់ពីថ្ងៃទី១៥ធ្នូ នេះតទៅខ្សែរឿង «កំពូលល្ងង់នៅអាស៊ី» នឹងត្រូវបានចាក់បញ្ចាំង នៅគ្រប់រោងភាពយន្តទំនើបទាំងអស់។ ក្រៅពីការប្រកាសនេះ លោកក៏បង្ហាញពីក្តីរំពឹងខ្ពស់ ក្នុងការទទួលបានអ្នកគាំទ្រច្រើន ចូលទស្សនាខ្សែភាពយន្ត ជាស្នាដៃដំបូងរបស់ផលិតកម្ម ព្រោះតែខ្សែភាពយន្តនេះ ប្រមូលផ្តុំដោយសិល្បករ ផលិតករ ដែលមានបទពិសោធន៍ និងប្រជាប្រិយភាពខ្ពស់។ ជាពិសេសទាំងបច្ចេកទេសថត និងខ្លឹមសារនៃសាច់រឿង ពិតជាធ្វើឲ្យអ្នកទស្សនា ទទួលបានភាពសប្បាយរីករាយ និងកម្សត់ រន្ធត់ជាក់ជាមិនខាន។</span></span></p>
<p><br /><img src="http://image.freshnewsasia.com/2016/019/05/fn-2016-12-15-12-04-39-1.jpg" alt="" width="730" /></p>
<p><span style="color: #000000;">សូមបញ្ជាក់ថា ព្រឹត្តិការណ៍សម្ពោធទ្រង់ទ្រាយធំ ត្រូវបានធ្វើឡើងមុនពេលខ្សែភាពយន្តនេះ ត្រូវបានចាក់បញ្ចាំងជាផ្លូវការ នៅថ្ងៃទី១៥ ខែធ្នូ ឆ្នាំ២០១៦។ ក្នុងថ្ងៃសម្ពោធ គេបានឃើញ ការបង្ហាញឈុតឆាកខ្លីៗ វត្តមានតារាសម្តែង ក្នុងខ្សែភាពយន្តខាងលើ ការបង្ហាញវត្តមានក្រុមការងារផលិត និងសម្តែងសមត្ថភាពសិល្បៈ ត្រូវបានធ្វើឡើង ដើម្បីបង្កើនការចាប់អារម្មណ៍ ពីមហាជន។ ក្នុងនោះ តារាល្បីៗលំដាប់ប្រទេស ត្រូវបានអញ្ជើញចូលរួមយ៉ាងច្រើនកុះករ ដើម្បីជាការលើកទឹកចិត្ត និងចូលទស្សនា ទាំងអស់គ្នា។ <span style="font-size: 12px;">រឿង «កំពូលល្ងង់នៅអាស៊ី» ជាប្រភេទរឿងមនោសញ្ចេតនា បែបកំប្លែងទំនើប ប្រជុំទៅដោយតារាល្បីៗជាច្រើន មានដូចជា នាយ ពែកមី នាយ គ្រឿន នាយកណ្ដុរ លោក ម៉ារ៉ា ប៊ុណ្ណា កញ្ញា រីយ៉ា ជាដើម។ ខ្សែភាពយន្តនេះត្រូវបានចំណាយដើមទុន ក្នុងការផលិតប្រមាណ៦ម៉ឺន ដុល្លារអាមេរិក។ </span></span></p>
<p><span style="font-size: 12px; color: #000000;">អ្វីដែលគួរឲ្យកត់សម្គាល់ និងជាដំណឹងល្អនោះគឺថា បងប្អូន កម្មករ-កម្មការិនីរោងចក្រ ២០០នាក់ ដំបូងនឹងមានឱកាសចូលទស្សនាខ្សែភាពយន្តដោយឥតគិតថ្លៃ ៦ថ្ងៃក្រោយ បន្ទាប់ពីភាពយន្តសម្ភោធចាក់បញ្ជាំងជាផ្លូវការ ពោល កម្មករ-កម្មការិនីរោងចក្រទាំងអស់ ប្រសិនបើចង់ទៅទស្សនាភាពយន្តនេះ ដោយមិនអស់ប្រាក់ ត្រូវមកទស្សនានៅថ្ងៃ ២១ ខែធ្នូ ឆ្នាំ២០១៦តទៅ ដោយគ្រាន់តែបង្ហាញកាតបញ្ជាក់អត្តសញ្ញាណទៅកាន់ក្រុមការងាររោងភាពយន្តទំនើបៗជាការស្រេច ៕<br /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-12-15-12-04-39-0.jpg" alt="" width="730" /></span></p>
<p> </p>
<p><span style="color: #000000;"><img src="http://image.freshnewsasia.com/2016/019/05/fn-2016-12-15-12-04-40-2.jpg" alt="" width="730" /></span></p>
<p> </p>
<p> </p>
<p><span style="color: #000000;"><img src="https://fb-s-d-a.akamaihd.net/h-ak-xpl1/v/t34.0-12/15571134_1269354946468413_645908353_n.jpg?oh=619792cb27c0293ec29187b88d6579d8&oe=58541478&__gda__=1481973079_9b01afc1ec56e62bf166fa4f391fc6f2" alt="" width="730" /></span></p>
<p><span style="color: #000000;"><img src="https://fb-s-c-a.akamaihd.net/h-ak-xpa1/v/t34.0-12/15592113_1269355133135061_552418693_n.jpg?oh=1cb578ae2fc4eb28eadaaab872919289&oe=5854E533&__gda__=1481912845_e5cf05baa5068ceb2acc919e1c5557ca" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/15556016_1269354999801741_1729422547_n.jpg?oh=fb2d38ed4d23277ba0d6360c965a931d&oe=58550C05" alt="" width="730" /></span></p>
<p><span style="color: #000000;"><img src="https://fb-s-c-a.akamaihd.net/h-ak-xpa1/v/t34.0-12/15577803_1269355066468401_2066747812_n.jpg?oh=be322fcae032cf3c6f4e06d97be1af14&oe=5853F7D8&__gda__=1481911871_6d99bcdec923163ec0803659512cb1b7" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/15592129_1269355183135056_1714819272_n.jpg?oh=c38d770bb7dda20d26a9d7cc2ea9d887&oe=58542304" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t34.0-12/15555718_1269355233135051_1924813771_n.jpg?oh=a40b04cfef0d85ca2878b336ad57c04a&oe=5853FD3D" alt="" width="730" /></span></p>
<p><span style="color: #000000;"><img src="https://fb-s-c-a.akamaihd.net/h-ak-xla1/v/t34.0-12/15591855_1269355173135057_386331224_n.jpg?oh=65b8b9f57a2d45f32d8f4c885a566e72&oe=5853F3A4&__gda__=1481890319_cd373b7f85c53829363e2ec8e64e1ceb" alt="" width="730" /></span></p>
<p><span style="color: #000000;"><img src="https://fb-s-c-a.akamaihd.net/h-ak-xaf1/v/t34.0-12/15554678_1269355336468374_1637692173_n.jpg?oh=5049465b32009a7e7c7352b218351750&oe=58540678&__gda__=1481894751_d228f5044cd343ea3b8df71a593a96fa" alt="" width="730" /></span></p>
<p> </p>