<p><span style="color: #000000;"><strong>(ចិន)៖</strong> ពិតជាស្មានមិនដល់ថា ក្មេងស្រីវ័យជំទង់អាយុ១៦ឆ្នាំម្នាក់ បានរកប្រាក់បានដល់ទៅ ជាង៨៥.០០០ដុល្លារ តាមរយៈគេហទំព័ររបស់ខ្លួន ដែលជួយអ្នកជាឪពុកម្តាយ រស់នៅប្រទេសចិន អាចជ្រើសរើសឈ្មោះ ដាក់ឲ្យកូនរបស់ខ្លួនដែលទើបនឹងកើត។</span></p>
<p><span style="color: #000000;">Beau Jessup រស់នៅតំបន់ Cheltenham ប្រទេសអង់គ្លេស នាងបានបង្កើតវេបសាយមួយ ឈ្មោះថា «Special Name» ដើម្បីជួយដល់ឪពុកម្តាយទាំងឡាយ ណាដែលចង់រកឈ្មោះ ដាក់ឲ្យកូនទើបនឹងកើត ជាភាសាអង់គ្លេស ហើយរហូតមកដល់ពេលនេះ Jessup ធ្លាប់បានដាក់ឈ្មោះ ឲ្យទារកប្រមាណ២០០.០០០នាក់ហើយ។ Jessup គឺជានិស្សិត នៅឯមហាវិទ្យាល័យមួយ ដែលនាងចេះមានគំនិតរកប្រាក់ បានដោយងាយប្រកបដោយ ភាពវ័យឆ្លាតហើយក៏ជាការជួយ ដល់ឪពុកម្តាយជនជាតិចិន អាចរកឈ្មោះដាក់ឲ្យកូនជាភាសាអង់គ្លេស បានស្រួលដូចជា Rolex, Cinderella និង Pinocchio ។</span></p>
<p><span style="color: #000000;">ឪពុកម្តាយ នៅប្រទេសចិន ដែលចង់ដាក់ឈ្មោះកូន ជាភាសាអង់គ្លេស ដើម្បីងាយក្នុងការបញ្ជូនពួកគេ ទៅរៀននៅអង់គ្លេស ឬអាមេរិក ហើយតាមរយៈបង្កើតវេបសាយ ដាក់ឈ្មោះក្មេងនេះ Jessup រកប្រាក់បានជាង៨ ម៉ឺនដុល្លារ គ្រាន់តែរយៈពេល៦ខែប៉ុណ្ណោះ ដោយទារកម្នាក់ដែលនាង ដាក់ឈ្មោះឲ្យគឺ យកក្នុងតម្លៃ ១,៣០ដុល្លារប៉ុណ្ណោះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/13/13b-13-09-2016--11-29-06.jpg"><img src="/FileManager/Articles/mce/2016/9/13/13b-13-09-2016--11-29-06.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>