<p><span style="line-height: 1.8; color: #000000;"><strong>(កំពត)៖</strong> សពប្រជានេសាទខ្មែរឥស្លាមម្នាក់ទៀត ឈ្មោះ ត្មាត ឌុលឡោះ អាយុ៣០ឆ្នាំ រស់នៅភូមិដូនតោក សង្កាត់ត្រើយកោះ ក្រុងកំពត ខេត្តកំពត ត្រូវបានអ្នកនេសាទជនជាតិវៀតណាម ប្រទះឃើញអណ្តែតលើទឹកសមុទ្រ នៅវេលាថ្ងៃត្រង់ថ្ងៃទី១៤ ខែកុម្ភៈ ឆ្នាំ២០១៦ ស្ថិតនៅចំណុចខាងត្បូងកោះភូកុក ឬ កោះត្រល់ ចម្ងាយប្រហែល៥គីឡូម៉ែត្រ ស្ថិតក្នុងស្រុកភូកុក ខេត្តគៀងយ៉ាង ប្រទេសវៀតណាម ក្រោយពីបានលិចទូក កាលពីប៉ុន្មានថ្ងៃមុន។</span></p>
<p><span style="color: #000000;">លោកឧត្តមសេនីយ៍ត្រី ទូច ពលះ អនុប្រធាននាយយកដ្ឋាននគរបាលព្រំដែនទឹក នៃក្រសួងមហាផ្ទៃ និងជាប្រធានបង្ក្រាបបទល្មើសលើផ្ទៃទឹកសមុទ្រខេត្តកំពត-កែប បានឲ្យដឹងនៅព្រឹកមិញនេះថា សពជនរងគ្រោះ ឈ្មោះ ត្មាត ឌុលឡោះ បានរកឃើញហើយ នៅខាងត្បូងកោះត្រល់ ប្រទេសវៀតណាម ហើយបច្ចុប្បន្នកម្លាំងនគរបាលក្រោមឱវាទរបស់លោក និងក្រុមគ្រួសារជនរងគ្រោះ កំពុងចេញទូកទៅទទួលយកសពមកវិញហើយ។</span></p>
<p><span style="color: #000000;">សូមបញ្ជាក់ថា ជនរងគ្រោះទាំង២នាក់ បានចេញទៅនេសាទកណ្តាលសមុទ្រ តាំងពីមុនថ្ងៃចូលឆ្នាំចិន លុះដល់យប់ថ្ងៃទី០៧ ខែកុម្ភៈ ឆ្នាំ២០១៦ ស្រាប់តែជួបគ្រោះថ្នាក់ ដោយសារមានរលក និងខ្យល់បក់បោកខ្លាំងបណ្តាលឲ្យទូកលិច ស្លាប់ទាំង២នាក់តែម្តង។ សពជនរងគ្រោះទី១ ត្រូវបានរកឃើញ នៅរសៀលថ្ងៃទី១០ ខែកុម្ភៈ កន្លងទៅនេះ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12717774_229947800671063_4803245971535878319_n.jpg?oh=50f69cb6cbd2e20088018d48352fb0c8&oe=57241DDB" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpl1/v/t1.0-9/12718166_229947817337728_6154629307488721050_n.jpg?oh=3ede34e53c16cfeb46642e4aee09ff76&oe=575CF8D8" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlt1/v/t1.0-9/12742171_229947830671060_9079018227162159669_n.jpg?oh=da8363cee3ad3f9821c75feb98b73655&oe=576C40F7" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12744704_229947814004395_8600262935168357783_n.jpg?oh=eef5654cb7761cc9c408dd8dc15c5ca3&oe=57329D0C" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>