<div class="item-page">
<p><span style="color: #000000;"><strong>(ពោធិ៍សាត់)៖</strong> កម្លាំងនគរបាលខេត្តពោធិ៍សាត់ និងកម្លាំងនគរបាលក្រុងពោធិ៍សាត់ បានឃាត់ខ្លួនជនសង្ស័យ២នាក់ឪពុក និងកូន២នាក់ យកទៅសួរនាំសង្ស័យពាក់ព័ន្ធក្នុងករណីបាញ់សម្លាប់ បុរសជនជាតិខ្មែរឥស្លាមម្នាក់ ដែលកំពុងបិទទ្វារបង ដើម្បីកុំឲ្យគោក្របី ទៅស៊ីដំណាំគេនៅថ្ងៃទី១៩ ខែវិច្ឆិកា ឆ្នាំ២០១៦ នៅចំណុចក្រោលគោក្បែរផ្ទះជនរងគ្រោះ ខាងត្បូងផ្លូវរថភ្លើង ៣គីឡូម៉ែត្រ ស្ថិតក្នុងភូមិព្រៃឱម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់។</span></p>
<p><span style="color: #000000;">ជនសង្ស័យទាំង២នាក់ ឪពុក និងកូនត្រូវបានសមត្ថកិច្ច ហៅទៅសួរនាំតាំងពីថ្ងៃម្សិលមិញ រហូតមកដល់រសៀលថ្ងៃទី២១ ខែវិច្ឆិកា ឆ្នាំ២០១៦នេះ តែមិនទាន់ធ្វើការចោទប្រកាន់ និងសម្រេចយ៉ាងណានោះទេ។</span></p>
<p><span style="color: #000000;">មន្ដ្រីនគរបាលបានឲ្យដឹងថា ជនរងគ្រោះ ដែលត្រូវឃាតកបាញ់នឹងកាំភ្លើង AK-47 ចំនួន ៤គ្រាប់ ខុស១គ្រាប់ និងត្រូវ៣គ្រាប់ចំត្រចៀកធ្លាយខួរ និងក្រោមក្លៀកខាងស្តាំនោះ មានឈ្មោះ សុះ ទា អាយុ៦៤ឆ្នាំ ជនជាតិខ្មែរឥស្លាម រស់នៅភូមិសង្កាត់កើតហេតុខាងលើ។</span></p>
<p><span style="color: #000000;">ក្រោយកម្លាំងជំនាញការិយាល័យព្រហ្មទណ្ឌកំរិតធ្ងន់ នៃស្នងការនគរបាលខេត្តពោធិ៍សាត់ បានទៅដល់កន្លែងកើតហេតុ និងពិនិត្យស្រាវជ្រាវបន្តបន្ទាប់ ពីកន្លែងមួយទៅកន្លែងមួយរួចមក ទើបឈានដល់ឃាត់ខ្លួនជនសង្ស័យ ២នាក់ ឪពុក និងកូន ដែលប៉ុន្មានថ្ងៃកន្លងមក ធ្លាប់ទាស់ពាក្យសម្តីជាមួយជនរងគ្រោះ ទី១-ឈ្មោះ ឡុង ឈឺន អាយុ៥៧ឆ្នាំ ជាអតីតយុទ្ធជន (ជាឪពុក) និងទី២-ឈ្មោះ ឡុង ប៊ុនធឿន អាយុ២៣ឆ្នាំ ជាកសិករ (ជាកូន) រស់នៅភូមិសង្កាត់ជាមួយជនរងគ្រោះ។</span></p>
<p><span style="color: #000000;">ប្រជាពលរដ្ឋនៅតំបន់នោះ បានឲ្យដឹងផងដែរថា ជនរងគ្រោះមានគោក្របីជាច្រើន ហើយធ្លាប់លែងគោក្របីស៊ីដំណាំរបស់ពួកគេ។ ជាមួយគ្នានេះ ជនរងគ្រោះក៏ធ្លាប់កាងដីព្រៃនៅចំណុចជន្ទល់កូន មិនឲ្យនរណាវាទទីយកផងដែរ ពោលគឺសម្រាប់តែម្នាក់ឯង។</span></p>
<p><span style="color: #000000;">គួរបញ្ជាក់ផងដែរថា នាល្ងាចថ្ងៃទី២១ ខែវិច្ឆិកា ឆ្នាំ២០១៦ មានប្រជាពលរដ្ឋប្រមាណជាង ៧០នាក់ មកប្តឹងតវ៉ាសុំដោះលែងជនសង្ស័យទាំង ២នាក់ ឪពុក និងកូន ជាការឆ្លើយតបសមត្ថកិច្ចនឹងបន្តសួរចម្លើយ តាមនីតិវិធីបន្តទៀត ខណៈដែលមិនទាន់មានភស្តុងតាងជាក់ស្តែង ដើម្បីចោទប្រកាន់ជនល្មើស៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-05-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-05-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-05-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-06-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-06-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-06-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-06-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-11-21-16-03-06-8.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>