<p><span style="color: #000000;"><strong>(ភ្នំពេញ)៖</strong> នៅថ្ងៃទី២៩ ខែកញ្ញា ឆ្នាំ២០១៦នេះ ក្រសួងទេសចរណ៍បានប្រកាសអំពីម្ចាស់ជ័យលាភី ៣នាក់ ក្នុងការប្រកួតប្រជែងថតរូប Selfie ក្នុងព្រឹត្តិការណ៍ព្រះអាទិត្យរះចំកំពូលប្រសាទអង្គរវត្ត កាលពីថ្ងៃទី២៣ ខែកញ្ញា ឆ្នាំ២០១៦។</span></p>
<p><span style="color: #000000;">យុវជន យុវតី ទាំង៣នាក់ ដែលជាម្ចាស់ជ័យលាភីនោះ រួមមាន លេខ១: រូបភាពរបស់ លោក ហ៊ូ សុខរ័ត្ននា (ទទួលបាន Like ចំនួន 14 380), លេខ២: រូបភាពរបស់ កញ្ញា ផា ច័ន្ទវិច្ឆិកា (ទទួលបាន Like ចំនួន 14 148) និងលេខ៣: រូបភាពរបស់ កញ្ញា លុច ពេជ្រលីតា (ទទួលបាន Like ចំនួន 9715)។</span></p>
<p><span style="color: #000000;">ពិធីបានប្រគល់វិញ្ញាបនបត្រ និងប្រាក់រង្វាន់លើកទឹកចិត្ត ដល់យុវជនទាំង៣នេះ ត្រូវបានធ្វើឡើងនៅឱកាសពិធីអបអរសាទរទិវាទេសចរណ៍ពិភពលោក ឆ្នាំ២០១៦ នៅមជ្ឍមណ្ឌលសហប្រតិបត្តិការកម្ពុជា-កូរ៉េ ដោយក្នុងនោះ លេខ ០១ ប្រាក់រង្វាន់លើកទឹកចិត្ត ២០០ ដុល្លារអាមេរិក លេខ ០២ ទទួលបាន ប្រាក់រង្វាន់លើកទឹកចិត្ត ១៥០ ដុល្លារអាមេរិក ជ័យលាភី លេខ០៣ ទទួលបានប្រាក់រង្វាន់លើកទឹកចិត្ត ១០០ ដុល្លារអាមេរិក ។</span></p>
<p><span style="color: #000000;">សូមបញ្ជាក់ថា ដើម្បីចូលរួមផ្សព្វផ្សាយព្រឹត្តិការណ៍ដ៏មហស្ចារ្យនៃបាតុភូតព្រះអាទិត្យរះចំកណ្តាលកំពូលប្រាសាទអង្គរវត្ត (EQUINOX) ដែលបានលកើតឡើង កាលពីថ្ងៃទី២៣ ខែកញ្ញា ឆ្នាំ២០១៦ កន្លងទៅនៅខេត្តសៀមរាប ក្រសួងទេសចរណ៍បានរៀបចំកម្មវិធីប្រកួតប្រជែងថតរូបស៊ែលហ្វីអច្ឆរិយ:អង្គរ (Selfie Photo Contest) ដោយអនុញ្ញាតឱ្យភ្ញៀវទេសចរជាតិ និងអន្តរជាតិផ្ញើរូប Selfie របស់ខ្លួនមកចូលរួមប្រកួតប្រជែង។</span></p>
<p><span style="color: #000000;">បាតុភូតព្រះអាទិត្យរះចំកណ្តាលកំពូលប្រាសាទអង្គរវត្ត (EQUINOX) នៅកម្ពុជាឆ្នាំនេះ បានទាក់ទាញភ្ញៀវទេសចរជាតិ និងអន្តរជាតិ ប្រមាណ១,៥ម៉ឺននាក់ ទៅទស្សនា និងឈរថតរូប នៅមុខប្រាសាទអង្គរវត្ត៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-29-13-56-56-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-29-13-56-57-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-29-13-56-57-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-29-13-57-04-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-29-13-57-04-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-09-29-13-57-04-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>