<div class="item-page">
<p><span style="color: #000000;"><strong>(ពោធិ៍សាត)៖</strong> បុរសវ័យ៦៦ឆ្នាំម្នាក់ បានលង់ទឹកស្លាប់យ៉ាងអាណោចអាធ័ម ខណៈដែលជនរងគ្រោះរូបនេះ បានចុះទៅដោះត្រី ហើយត្រូវបានជាប់មងដែលដាក់រួច។</span></p>
<p><span style="color: #000000;">ហេតុការណ៍នេះកើតឡើងនៅថ្ងៃទី២៥ ខែកញ្ញា ឆ្នាំ២០១៦ នៅចំណុចអូរឈើទាលរូង ស្ថិតក្នុងភូមិព្រៃឱម៉ាល់ សង្កាត់រលាប ក្រុងពោធិ៍សាត់ ខេត្តពោធិ៍សាត់។</span></p>
<p><span style="color: #000000;">លោក ឈន រិទ្ធិ អធិការនគរបាលក្រុងពោធិ៍សាត់ បានប្រាប់អង្គភាព Fresh News ឲ្យដឹងមុននេះថា ជនរងគ្រោះដែលលង់ទឹកស្លាប់នោះ មានឈ្មោះ ទ្រិញ ទន ភេទប្រុស អាយុ៦៦ឆ្នាំ មុខរបរធ្វើស្រែ បច្ចុប្បន្នរស់នៅភូមិសង្កាត់កើតហេតុខាងលើ។</span></p>
<p><span style="color: #000000;">លោកអធិការបានបន្តថា មុនពេលកើតហេតុ ជនរងគ្រោះបានចុះទៅមើលត្រី នៅចំណុចកើតហេតុខាងលើ ពេលចុះទៅមិនដឹងជាមូលហេតុអ្វី បានជាជាប់មកដែលកំពុងតែដាក់ត្រីនោះ ទាក់ជាមួយមង លង់ទឹកដាច់ខ្យល់ស្លាប់តែម្តង។</span></p>
<p><span style="color: #000000;">ក្រោយពេលកើតហេតុ កម្លាំងរបស់យើងបានចុះស្រាវជ្រាវជុំវិញទីតាំងកន្លែងកើតហេតុ ឃើញថា ជនរងគ្រោះ ពិតជាវ័នមង លង់ទឹកស្លាប់ខ្លួងឯងពិតប្រាកដមែន។ បច្ចុប្បន្នកម្លាំងរបស់យើងបានប្រគល់សាកសពឲ្យក្រុមគ្រួសារ យកទៅចាត់ចែងធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-26-06-55-41-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-26-06-55-42-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-26-06-55-42-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-26-06-55-42-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>