<p><span style="color: #000000;"><strong>(សេអ៊ូល)៖</strong> សារព័ត៌មានយ៉ុនហាប់ របស់កូរ៉េខាងត្បូង បានចេញផ្សាយនៅមុននេះបន្តិចថា ប្រទេសកូរ៉េខាងជើង បានបាញ់គ្រាប់មីស៊ីលចំនួន ៣គ្រាប់នៅព្រឹកថ្ងៃចន្ទនេះ អំឡុងពេល ដែលមេដឹកនាំពិភពលោកនានា ដូចអាមេរិក ជប៉ុន កូរ៉េខាងត្បូង រុស្ស៊ី បារាំង អង់គ្លេស និង ចិន ព្រមទាំងអង្គការ សហប្រជាជាតិជាដើម កំពុងចូលរួមកិច្ចប្រជុំ G20 នៅទីក្រុងហាងចូវ ភាគខាងកើត ប្រទេសចិន។</span></p>
<p><br /><a class="thickbox" title="" href="/FileManager/Commons/2016/9/5/11a-05-09-2016--14-16-06.jpg"><img src="/FileManager/Articles/mce/2016/9/5/11a-05-09-2016--14-16-06.jpg" alt="" /></a></p>
<p><span style="color: #000000;">សារព័ត៌មានបានចេញផ្សាយ បន្តទៀតថា ប្រទេសកូរ៉េខាងជើងបាន បាញ់គ្រាប់មីស៊ីលផ្លោង ធ្លាក់ចូលទៅក្នុងដែនទឹកភាគខាងកើតរបស់ខ្លួន កាលពីវេលាម៉ោង ១២៖១៤នាទីថ្ងៃត្រង់ ម៉ោងនៅទីក្រុងសេអ៊ូល នាថ្ងៃចន្ទ ទី០៥ ខែកញ្ញា ឆ្នាំ២០១៦នេះ។ តាមការចាប់សញ្ញាពី ផ្កាយរណបកូរ៉េខាងត្បូង គ្រាប់មីស៊ីល ទាំងបីគ្រាប់ខាងលើនេះ ត្រូវបានបាញ់ចេញពី តំបន់ Hwangju ភាគខាងលិចនៃ ខេត្ត North Hwanghae របស់ប្រទេសកូរ៉េខាងជើង។</span></p>
<p><span style="color: #000000;">គួរបញ្ជាក់ថា ការបង្កហេតុថ្មីបំផុតនេះ មិនត្រឹមតែជាការរំលោភ ទៅនឹងទណ្ឌកម្មរបស់ UN ប៉ុណ្ណោះទេ ប៉ុន្តែវាក៏ជាទង្វើមិនសមរម្យខ្លាំងណាស់ដែរ នៅអំឡុងពេលដែលបណ្តាមេដឹកនាំ ស្ថានប័ន និងបណ្តាប្រទេសធំៗ នៅលើសកលលោក កំពុងតែចូលរួមកិច្ចប្រជុំ នៅទីក្រុងហាងចូវ ប្រទេស ដែលស្ថិតនៅមិនឆ្ងាយប៉ុន្មាននោះឡើយ ពីប្រទេសកូរ៉េខាងជើង។</span></p>
<p><br /><a class="thickbox" title="" href="/FileManager/Commons/2016/9/5/11b-05-09-2016--14-16-15.jpg"><img src="/FileManager/Articles/mce/2016/9/5/11b-05-09-2016--14-16-15.jpg" alt="" /></a></p>
<p><span style="color: #000000;">វាបានកើតឡើង បន្ទាប់ពីលោក ស៊ី ជីនពីង បញ្ចប់កិច្ចពិភាក្សាទ្វេភាគី ជាមួយលោកស្រី ផាក គឺនហេ ដោយក្នុងនោះប្រទេសចិន បានជំទាស់ការដាក់ពង្រាយប្រព័ន្ធ THAAD ដែលមាន អាមេរិកនៅពីក្រោយខ្នង ខណៈកូរ៉េខាងត្បូងបានបកស្រាយវិញថា អ្វីៗគ្រប់យ៉ាងគឺអាស្រ័យលើ កូរ៉េខាងជើង ដែលនឹងធ្វើឲ្យស្ថានការណ៍ ក្នុងតំបន់ធូរស្រាលបាន ឬក៏អត់នោះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/5/10a-05-09-2016--13-50-19.jpg"><img src="/FileManager/Articles/mce/2016/9/5/10a-05-09-2016--13-50-19.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/9/5/11c-05-09-2016--14-16-25.jpg"><img src="/FileManager/Articles/mce/2016/9/5/11c-05-09-2016--14-16-25.jpg" alt="" /></a></p>
<p><br /><a class="thickbox" title="" href="/FileManager/Commons/2016/9/5/11d-05-09-2016--14-16-34.jpg"><img src="/FileManager/Articles/mce/2016/9/5/11d-05-09-2016--14-16-34.jpg" alt="" /></a></p>
<p style="text-align: right;"><br /><span style="color: #000000;">ប្រភព ៖ យ៉ុនហាប់/ប៊ីប៊ីស៊ី</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>