<p><span style="color: #000000;">ព័ត៌មានជាតិ និងអន្តរជាតិ ៖ ប៉ូលីស ពីទីក្រុង Long Beach ភាគខាងត្បូង រដ្ឋ Carlifornia សហរដ្ឋ អាមេរិក បានប្រកាសស្វែងរកជំនួយ ពីសាធារណជន ក្នុង បេសកម្ម ស្វែងរក ជនបាត់ខ្លួន ដែល ជាបុរសវ័យកណ្តាលម្នាក់ ជនជាតិកម្ពុជា បាត់ខ្លួនកាលពីពេលកន្លងទៅនោះ អំឡុងខែ សីហា ថ្ងៃ ទី ១២ ផ្ទាល់តែម្តង ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/2/15-02-09-2015--09-47-35.jpg"><img src="/FileManager/Articles/mce/2015/9/2/15-02-09-2015--09-47-35.jpg" alt="" /></a><br /></span></p>
<p><span style="color: #000000;">យោងតាមសម្តីមន្រ្តី ប៉ូលីសក្នុងស្រុកអោយដឹងថា លោក គីម ឃីម(Kim Khim)វត្តមានរបស់លោក ត្រូវបានគេមើលឃើញចុងក្រោយ នៅថ្ងៃទី ១២ សីហាបន្ទាប់ពីលោកបានចាកចេញពីផ្ទះផ្ទាល់ខ្លួន នៅប្លក់ 1400 block វិថី Gundry ទីក្រុង Long Beach សហរដ្ឋអាមេរិក អម ជាមួយ នឹងកង់មួយ គ្រឿងពណ៌ខ្មៅ មានជាបាញ់ពណ៌បៃតង នៅនឹងខ្នងកង កាលពីមួយសប្តាហ៍កន្លងទៅនេះ ។ </span></p>
<p><span style="color: #000000;">ភិនភាគ ជនរងគ្រោះ ត្រូវបានគេពណ៌នា អោយដឹងថា ជាបុរសវ័យកណ្តាល វ័យ ៤៧ ឆ្នាំ ជនជាតិ ខ្មែរ មានកំពស់ប្រមាណ ១,៦០ និងមានទម្ងន់ ៥៧ គ.ក ។ លោកចេះនិយាយភាសាអង់គ្លេសបាន តិចតួចបំផុត ។ ប្រសិនករណីរកឃើញ ជនបាត់ខ្លួនណាមួយ មានភិនភាគស្រដៀងខ្លាំងឬដូចទៅ នឹងការពណ៌នាខាងដើម អាធ្យាស្រ័យ ទាក់ទងទៅកាន់ នាយក ដ្ឋាន ប៉ូលីស ក្រុង Long Beach តាមរយៈលេខទូរស័ព្ទ 562.570.5720 ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ បរទេស </span></p>