<p><span style="color: #000000;"><strong>(ម៉ានីល)៖</strong> អធិរាជប្រដាល់សកលប្រចាំទ្វីបអាស៊ី Manny Pacquiao ត្រៀមឡើងការពារខ្សែក្រវាត់ទម្ងន់មធ្យម WBO ជាលើកទី១ របស់ខ្លួននាពេលដ៏ខ្លីខាងមុខនេះ ដោយត្រូវជួបកីឡាករជនជាតិអង់គ្លេស Amir Khan នេះបើយោងតាមសារព័ត៌មាន BBC ចេញផ្សាយឲ្យដឹងនៅថ្ងៃព្រហស្បតិ៍ ទី២៣ ខែកុម្ភៈ ឆ្នាំ២០១៧។</span></p>
<p><span style="color: #000000;">ទាំងម្ចាស់ខ្សែក្រវាត់ WBO វ័យ៣៨ឆ្នាំ Pacquiao និងគូប្រជែងវ័យ ៣០ឆ្នាំ Amir Khan សុទ្ធតែបានព្រមព្រៀងគ្នារួច អស់ហើយ នៅរង់ចាំតែគណៈកម្មការផ្គូផ្គង និងរៀបចំការប្រកួតតែប៉ុណ្ណោះ ដើម្បីធ្វើឲ្យជំនួបជាលើកទី១ប្រវត្តិរបស់អ្នក ទាំងពីរកើតមានឡើង ខណៈដែល Pacquiao បានសរសេរនៅលើ Facebook ផ្ទាល់ខ្លួនថា <strong>«ក្រុមការងារ រួមទាំងខ្ញុំ កំពុងតែចរចាគ្នាពីការឡើងវាយទល់នឹង Amir Khan ដែលអាចនឹងកើតមានឡើងឆាប់ៗនេះ»</strong>។</span></p>
<p><span style="color: #000000;">ទន្ទឹមគ្នានោះ នៅថ្ងៃដដែល Amir Khan ក៏បានលើកឡើងដូចម្ចាស់ខ្សែក្រវាត់ខាងលើដែរ ហើយនឹងមកដល់នាពេល ឆាប់ៗនេះ សូមចូលរួមទស្សនាឲ្យបានច្រើនកុះករ។</span></p>
<p><span style="color: #000000;">សូមបញ្ជាក់ផងដែរថា ប្រសិនបើអាចកើតឡើងមែននោះ នេះជាការប្រកួតលើកឡើងទី២ របស់ស្តេចប្រដាល់សកល ពិភពលោក ជនជាតិហ្វីលីពីន បន្ទាប់ពីលើកទី១ បានផ្តួលជើងខ្លាំងអាមេរិក Jessie Vargas ដណ្តើមបានខ្សែក្រវាត់ WBO កាលពីដើមខែវិច្ឆិកា ឆ្នាំ២០១៦ ក្រោយពេលសម្រេចឡើងសង្វៀនវិញ ពីការប្រកាសចូលនិវត្តន៍កាលពីខែមេសា ដោយមានប្រវតិ្តប្រកួតបាន ៦៧ដង ឈ្នះ៥៩ដង ស្មើ២ដង និងចាញ់៦ដង ដោយធ្លាប់ផ្តួលដៃគូឲ្យសន្លប់នៅលើសង្វៀនបាន ៣៨ដង។</span></p>
<p><span style="color: #000000;">ចំណែកកីឡាកររបស់ចក្រភពអង់គ្លេស Amir Khan ក៏មិនធម្មតាដែរ ដោយធ្លាប់ផ្តួលដៃគូឲ្យសន្លប់នៅលើសង្វៀនបាន ១៩ដង ក្នុងចំណោមជ័យជំនះសរុប៣១ដងរបស់គេ និងចាញ់តែ៤ដងគត់ ពីប្រវត្តិឡើងវាយសរុបបានចំនួន ៣៥ប្រកួត នាពេលកន្លងមក ដែលមានវ័យទើបតែ៣០ឆ្នាំប៉ុណ្ណោះ៕</span></p>
<p><span style="color: #000000;"><img class="spotlight" src="https://fb-s-d-a.akamaihd.net/h-ak-xlp1/v/t1.0-9/16681482_1853123858260464_1969344699330691205_n.png?oh=daabd20fa7b86bebaec6d84b7b04b450&oe=5942E7FE&__gda__=1497003004_2af5e37b82853c7eadd6d7d5a2800e87" alt="Image may contain: 2 people" /></span></p>
<p><span style="color: #000000;"><img class="spotlight" src="https://fb-s-c-a.akamaihd.net/h-ak-xtf1/v/t1.0-9/16681540_1853123851593798_2688622592249557043_n.png?oh=5763264d960a8132ace4b5b6b6ef8765&oe=5928E931&__gda__=1497147790_e8d619372163b50274d955d6a4aa2081" alt="No automatic alt text available." /></span></p>
<p><span style="color: #000000;"><img class="spotlight" src="https://fb-s-a-a.akamaihd.net/h-ak-xtf1/v/t1.0-9/16832387_1853123871593796_2553760644454907942_n.jpg?oh=b47011d52a50a4bc18930af823afcaf3&oe=594113D9&__gda__=1495679078_c4ff92f08f8dc3844b3520294ee5fed2" alt="Image may contain: 4 people, people standing" /></span></p>
<p><span style="color: #000000;"><img class="spotlight" src="https://scontent-kut2-1.xx.fbcdn.net/v/t1.0-9/16939216_1853123888260461_1686938944754790252_n.jpg?oh=e450e5872a4360898f5062adc521d2a0&oe=593D34AF" alt="Image may contain: 1 person" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>