<p><span style="color: #000000;"><strong>(បន្ទាយមានជ័យ)៖</strong> រយៈពេលប៉ុន្មានថ្ងៃមកនេះ មានការចាប់អារម្មណ៍យ៉ាងខ្លាំង ចំពោះ ប្រតិបត្តិការរបស់កម្លាំងនគរបាល ខេត្តបន្ទាយមានជ័យ ក្រោមការដឹកនាំបញ្ជាផ្ទាល់ពី ស្នងការនគរបាលខេត្ត លោកឧត្តមសេនីយ៍ អាត់ ខែម និងនគរបាលពាក់ព័ន្ធ លើការ បង្ក្រាបក្រុមចោរប្លន់ប្រដាប់អាវុធចំនួន៤នាក់ ជាបន្តបន្ទាប់ ក្នុងនោះមានម្នាក់ជា មេក្លោងធំឈ្មោះ លឹម ទ្រី ហៅទី ហៅឆាយ ក៏ត្រូវបានបង្ក្រាបផងដែរ ក្រោយពីពួកគេ បានធ្វើសកម្មភាពភ្ជង់ប្លន់យកគ្រឿងអលង្ការ ពីអាជីវករលក់មាស នៅក្រុងប៉ោយប៉ែត កាលពីថ្ងៃទី២៤ ខែកុម្ភៈ ឆ្នាំ២០១៦។</span></p>
<p><span style="color: #000000;">ជាមួយនឹងការបញ្ចប់ប្រតិបត្តិការ ដ៏ជោគជ័យ ខាងលើនេះមន្រ្តីនគរបាល ខេត្តបន្ទាយមានជ័យ បានលើកយកប្រវត្តិខ្លះៗ អំពីមេក្លោង ចោរប្លន់ឈ្មោះ លឹម ទ្រី ហៅទី ហៅឆាយ ក្រោយពីត្រូវបានចាប់ខ្លួននិងសួរ ចំឡើយ ដោយផ្ទាល់ពីស្នងការនគរបាលខេត្ត។ បើតាមមន្រ្តីនគរបាល <strong>មេក្លោងចោរ ប្លន់រួបនេះ បានដីកាចាប់ខ្លួនរបស់ តុលាការរាជធានីភ្នំពេញ ចំនួន៧មកហើយ ដែលរូបគេ និងបក្ខពួក បានធ្វើសកម្មភាពបាញ់ប្លន់នៅពោធិ៍ចិនតុង ខណ្ឌពោធិ៍សែនជ័យ ប្លន់បាញ់ត្រូវគ្នាឯង នៅម្តុំទួលទំពុង ខណ្ឌចំការមន នៅចំណុចគរគី ខេត្តបាត់ដំបង ជាដើម។ ប៉ុន្តែចំពោះការឆ្លើយសារភាពបែបនេះ ត្រូវបានមន្រ្តីនគរបាល មិនទាន់ជឿ ទាំងស្រុងនោះទេដោយគិតថា ការឆ្លើយនេះបានប្រមាណតែ៣៥ភាគរយប៉ុណ្ណោះ។</strong></span></p>
<p><span style="color: #000000;">សម្រាប់មេក្លោងចោរប្លន់រូបនេះ ត្រូវបាននគរបាលបញ្ជាក់ថា មិនដែលត្រូវបានចាប់ខ្លួន និងជាប់ពន្ធនាគារនោះទេ ពោលតែងតែបានរត់គេចខ្លួនក្រោយពេលធ្វើសកម្មភាព ដោយមន្រ្តីនគរបាលខ្លះ លើកឡើងថា ជននេះមានគ្រូមន្តអាគមន៍ទៀតផង ប៉ុន្តែពេលចូលធ្វើសកម្មភាពនៅខេត្តបន្ទាយមានជ័យ ក៏ត្រូវអស់ល័ក្ខរហូត កម្លាំងនគរបាលបង្ក្រាបតែម្តង។</span></p>
<p><span style="color: #000000;">ក្នុងចំណោមជនសង្ស័យទាំង៤នាក់នេះ មានជនសង្ស័យម្នាក់ទៀតឈ្មោះ យ៉េន ចាន់ធូ អាយុ៣៧ឆ្នាំ ក៏ជាមុខសញ្ញាសំខាន់ ផងដែរបន្ទាប់ពីឈ្មោះ លឹម ទ្រី ពីព្រោះ<strong>យ៉េន ចាន់ធូ នេះធ្លាប់ជាប់ពន្ធនាគារ ជាង៥ឆ្នាំ ហើយធ្លាប់រកស៊ីលក់ក្បាលអ្នកតាផងដែរ។និយាយរួម ជនសង្ស័យទាំងនេះ ជាប់ពាក់ព័ន្ធ និងការប្រើប្រាស់ថ្នាំញៀនទៀតផង។</strong> ជុំវិញការបង្ក្រាប ក្រុមចោរប្លន់ទាំង៤នាក់នេះ ស្នងការនគរបាល ខេត្តបន្ទាយមានជ័យ លោកឧត្តមសេនីយ៍ អាត់ ខែម បានចាត់ទុកថា គឺជោគជ័យយ៉ាងខ្លាំង ចំពោះកិច្ចខិតខំប្រឹងប្រែង នៃកងកម្លាំងនគរបាលទាំងអស់ សហការជាមួយ នគរបាលជំនាញក្រសួងមហាផ្ទៃ និងតាមបណ្តា ក្រោមការបញ្ជាផ្ទាល់ ពីអគ្គស្នងការនគរបាលជាតិ។</span></p>
<p><span style="color: #000000;">លោកបានបញ្ជាក់ថា អ្វីដែលជាមោទភាពមួយទៀតនោះ គឺរឹបអូសគ្រឿង អលង្ការរាប់សិបតម្លឹងពីក្រុមចោរជូនជនរងគ្រោះវិញ។ បើតាម លោកឧត្តមសេនីយ៍ស្នងការ ក្រោយបញ្ចប់ប្រតិបត្តិការ ដ៏ជោគជ័យនេះ ប្រជាពលរដ្ឋជាច្រើននាក់ នៅក្រុងប៉ោយប៉ែត ជាពិសេសបងប្អូន ក្រុមអាជីវករ រកស៊ីលក់មាសផ្សេងៗទៀត ក្រៅពីជនរងគ្រោះ បានចូលរួមឧបត្ថម្ភដល់ កងកម្លាំង នគរបាលរបស់យើងយ៉ាងច្រើន ចំពោះស្នាដៃមួយនេះ។ ទោះជាបែបនេះក្តី បងប្អូនអាជីវករមួយចំនួន នៅតែមានការព្រួយបារម្ភចំពោះ បញ្ហាសន្តិសុខដូច្នេះពួកគាត់ បានសំណូមពរ ឲ្យនគរបាលដាក់បន្ថែមកម្លាំងទៀតនៅតាមគោលដៅទាំងនេះ។</span></p>
<p><span style="color: #000000;">លោកស្នងការ ក៏បានយល់ព្រមហើយដាក់ផែនការឲ្យនគរបាលរបស់លោកបង្កើនកម្លាំង និងសហការជាមួយផ្សារអគ្គ ធ្វើប៉ុស្តិ៍ត្រួតពិនិត្យបន្ថែមទៀត សម្រាប់ពង្រឹងបញ្ហាសន្តិសុខ កាន់តែប្រសើរឡើង។ កាលពីរសៀលថ្ងៃទី២៦ ខែកុម្ភ: ឆ្នាំ២០១៦ លោក ឧត្តមសេនីយ៍ អាត់ ខែម បានប្រគល់ទ្រព្យសម្បតិ្តជាគ្រឿង អលង្ការ ទៅឲ្យជនរងគ្រោះ ក្នុងអំពើប្លន់ គឺអ្នកស្រី សយ សុផាន់ណា អាយុ៤៥ឆ្នាំ និងប្តីរបស់ខ្លួន។</span></p>
<p><span style="color: #000000;">ភ្នាក់ងារ Fresh News បានរាយការណ៍ថា គ្រឿងអលង្ការដែលលោកស្នងការ និងមន្រ្តីរបស់ខ្លួនប្រគល់ជូនជនរងគ្រោះវិញនោះរួមមាន៖ ក្រវិលផ្លាកទីនចំនួន៥៣គូ ខ្សែកផ្លាកទីនចំនួន៨៣ខ្សែ របស់បញ្ចាំចំនួន២០ថង់ ខ្សែដៃផ្លាកទីន ចំនួន៣៧ខ្សែ ខ្សែជើងផ្លាកទីន ចំនួន៤៩ខ្សែ កងដៃផ្លាកទីនចំនួន៨២គូ ចិញ្ជៀន ផ្លាកទីនចំនួន១៩០វង់។ នៅក្នុងឱកាសនោះដែរ លោកឧត្តមសេនីយ៍ក៏បានប្រគល់ ជូនថវិកាឧបត្ថម្ភ លើកទឹកចិត្តជូនមន្រ្តីនគរបាលរបស់ខ្លួនចំនួន១,០០០ដុល្លារផងដែរ។</span></p>
<p><span style="color: #000000;">សូមបញ្ជាក់ថា ក្រោយមានករណីភ្ជង់ប្លន់ស្រ្តីអាជីវករលក់មាស នៅផ្សារយួន ក្រុងប៉ោយប៉ែតនាព្រឹកថ្ងៃទី២៤ ខែកុម្ភៈ ឆ្នាំ២០១៦មកនោះ ស្នងការនគរបាលខេត្តបន្ទាយមានជ័យលោកឧត្តមសេនីយ៍ អាត់ ខែម បានដឹកនាំកម្លាំងនគរបាលជំនាញ សហការជាមួយនគរបាលជំនាញសន្តិសុខផ្ទៃ ក្នុងក្រសួងមហាផ្ទៃ បើការស្រាវជ្រាវរហូតតាមចាប់ក្រុមចោរប្លន់ចំនួន៤នាក់ ជាបន្តបន្ទាប់ ដោយ៣នាក់ចាប់ខ្លួននៅក្រុងប៉ោយប៉ែត និងម្នាក់ទៀតត្រូវបានចាប់ខ្លួននៅខេត្តបាត់ដំបង៕</span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xtl1/v/t1.0-9/s851x315/12802805_472276349641391_2382445002371626525_n.jpg?oh=4bef6778214b66c56cd0aa1591da7bc4&oe=576D3060" alt="" width="730" /></span></p>
<p style="text-align: center;"><span style="color: #000000;"><strong>លោកឧត្តមសេនីយ៍ អាត់ ខែម សួរចំឡើយផ្ទាល់ មេក្លោងលឹម ទ្រី ហៅទី ហៅឆាយ</strong></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xpf1/v/t1.0-9/12794470_472276339641392_7559739891503452377_n.jpg?oh=e49fdcc1a436dd23ea831c5eecc24337&oe=5767993D" alt="" width="730" /></span></p>
<p style="text-align: center;"><span style="color: #000000;"><strong>មេក្លោង លឹម ទ្រី</strong></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xpl1/v/t1.0-9/10626493_472276346308058_8433325155628188646_n.jpg?oh=cc0062223cf91397f07769ae8f64514d&oe=576909D0" alt="" width="730" /></span></p>
<p style="text-align: center;"><span style="color: #000000;"><strong>ជនសង្ស័យ យ៉េន ចាន់ធូ</strong></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xap1/v/t1.0-9/10981743_472276386308054_4835725312041486988_n.jpg?oh=ecb0edb1dfc2e51cff5ddd219e4ff4f3&oe=57568516" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xal1/v/t1.0-9/10394815_472276476308045_221431374570103258_n.jpg?oh=4170e4ce047c27b6cd785ad8a3570d3a&oe=57615613" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xpt1/v/t1.0-9/12801162_472276402974719_514407338875112136_n.jpg?oh=c8a8765709062bf68b15e3aaac43c3c9&oe=5758120E" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xat1/v/t1.0-9/10422585_472276479641378_5695978025036712757_n.jpg?oh=3eee412328750bb3a354f1124f899111&oe=5758EF18" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xlf1/v/t1.0-9/12799113_472276522974707_5989979146468372548_n.jpg?oh=7e665ef5132fa68ea0c62be96d149640&oe=576AF9F9" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xla1/v/t1.0-9/12670371_472276469641379_6967137387589667976_n.jpg?oh=76b1cfa02c06bcc15deb05f224c97eec&oe=5722AC55" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xft1/v/t1.0-9/12809650_472276532974706_6172613397996033937_n.jpg?oh=d5d58f10f1114d56aeca6d23242a429f&oe=574BC75F" alt="" width="730" /></span></p>
<p style="text-align: center;"><span style="color: #000000;"><img src="https://scontent-sit4-1.xx.fbcdn.net/hphotos-xlt1/v/t1.0-9/12717825_472276556308037_9093655618731802390_n.jpg?oh=1996d98ba8d409fe625b230ed25a21ee&oe=575C74BD" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/v/t1.0-9/12745503_1562770684037297_5501587701943509503_n.jpg?oh=7fc7bd83f40acd586ac7dc9cc8d1bb9c&oe=5751E903&__gda__=1465475720_ad66e1d02db99051b8ec05b2967fd7f6" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpf1/v/t1.0-9/12744515_1562770767370622_1778004729825698229_n.jpg?oh=a973518090a9332e752ad658d14e2717&oe=57527939&__gda__=1465419526_044056ace6c0c7d6a3db54083ce92fbc" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xft1/v/t1.0-9/12791093_1562770807370618_2008436871449138858_n.jpg?oh=1b93e7b28fb61788668ec1084b4205f8&oe=575FE1E4&__gda__=1465112453_ee5190153da5fd24992874436f215d2a" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>