<p><span style="color: #000000;"><strong>(ភ្នំពេញ)៖</strong> គិតត្រឹមថ្ងៃទី២៨ ខែកញ្ញានេះ ជាលទ្ធផលបណ្ដោះអាសន្ន ក្រុមអត្តពលិកកម្ពុជា ដណ្ដើមបានមេដាយសរុប ៥គ្រឿងហើយ នៅក្នុងព្រឹត្តិការណ៍កីឡាឆ្នេរខ្សាច់អាស៊ី Asian Beach Games ឆ្នាំ២០១៦ នៅប្រទេសវៀតណាម ដែលមានជាង ៣០ប្រទេសចូលរួម។ នេះបើយោងតាមការឲ្យដឹងពីលោក វ៉ាត់ ចំរើន អនុប្រធានប្រតិភូដឹកនាំអត្តពលិកកម្ពុជាចូលរួមប្រកួតក្នុងព្រឹត្តិការណ៍រៀបចំដោយក្រុមប្រឹក្សាអូឡាំពិកអាស៊ីនេះ។</span></p>
<p><span style="color: #000000;">លោក វ៉ាត់ ចំរើន បានបញ្ជាក់ថា មេដាយ ៥គ្រឿងពេលនេះ គឺដណ្ដើមបានដោយក្រុមកីឡាប៉េតង់ឆ្នេរខ្សាច់ រួមមានមេដាយមាស១ ប្រាក់១ និងសំរឹទ្ធ៣។ សម្រាប់មេដាយមាស រកបានដោយកីឡាករ សុខ ច័ន្ធមាន លើវិញ្ញាសាវាយយកពិន្ទុបុរស, មេដាយប្រាក់ រកបានដោយកីឡាការិនី កែ ឡេង តាមរយៈវិញ្ញាសាវាយយកពិន្ទុនារី។ ចំណែកមេដាយសំរឹទ្ធ ៣គ្រឿង គឺទទួលបានលើវិញ្ញាសាវាយឯកត្ដជនបុរស វាយគូបុរស និងវាយគូនារី។</span></p>
<p><span style="color: #000000;">លោកបានបញ្ជាក់ថា នេះជាលើកទី១ហើយ ដែលកម្ពុជា ដណ្ដើមបានមេដាយមាស និងមេដាយប្រាក់ ក្នុងព្រឹត្តិការណ៍កីឡាឆ្នេរខ្សាច់កម្រិតអាស៊ីនេះ។ ប៉ុន្ដែកម្ពុជា នៅមានសង្ឃឹមស្វែងរកមេដាយមាស ប្រាក់ និងសំរឹទ្ធបន្ថែមទៀត ព្រោះកម្ពុជា នៅសល់កីឡាមានសក្ដានុពល ៣ប្រភេទទៀត ដែលទើបធ្វើដំណើរទៅដល់ទីក្រុងដាណាំង ដើម្បីត្រៀមប្រកួតក្នុងពេលឆាប់ៗខាងមុខ រួមមានកីឡាល្បុក្កតោ ចំបាប់ និងកីឡាវ៉ូវីណាម។</span></p>
<p><span style="color: #000000;">អគ្គលេខាធិការ NOCC ដដែលរូបនេះ បានបន្ថែមថា នៅថ្ងៃទី២៩ ខែកញ្ញាស្អែកនេះ គុនបុរាណខ្មែរល្បុក្កតោ នឹងធ្វើការប្រកួត ហើយលោកមានជំនឿចិត្តទទួលបានមេដាយជាក់ជាមិនខាន ព្រោះកីឡាករ-កីឡាការិនីភាគច្រើនធ្លាប់ហាត់ប្រដាល់សេរី។ ជាងនេះទៅទៀត កីឡាវ៉ូវីណាម ដែលធ្លាប់ដណ្ដើមបានមេដាយកម្រិតពិភពលោក ក៏ជាក្ដីសង្ឃឹមដណ្ដើមបានមេដាយមាស ឬប្រាក់បន្ថែមជូនប្រទេសកម្ពុជា រួមទាំងកីឡាចំបាប់ទៀតសោត គឺសុទ្ធតែជាក្ដីរំពឹងដណ្ដើមបានមេដាយពីព្រឹត្តិការណ៍នេះ៕</span></p>
<p><span style="color: #000000;"><img src="http://image.freshnewsasia.com/2016/fn-2016-09-28-21-19-48-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-28-21-20-02-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-28-21-20-03-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-28-21-20-03-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-28-21-20-03-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-09-28-21-20-03-4.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>