<div class="body">
<div class="container">
<div class="row-fluid">
<div id="content" class="span9">
<div class="item-page">
<p><span style="color: #000000;"><strong>(ភ្នំពេញ)៖</strong> អគ្គនាយកកាំកុងត្រូល នៃក្រសួងពាណិជ្ជកម្ម លោក ម៉ក់ ពេជ្ជរិទ្ធ បានឲ្យដឹងថា ពេញមួយឆ្នាំ២០១៦កន្លងទៅនេះ មានទំនិញខូចគុណភាព ហួសកាលបរិច្ឆេទ និងទំនិញគ្មានសុវត្ថិភាពចំនួន ៣០តោន ត្រូវបានរកឃើញ និងដកហូតពីក្រុមអាជីវករយកទៅដុតកម្ទេចចោល។</span></p>
<p><span style="color: #000000;">លោក ម៉ក់ ពេជ្ជរិទ្ធ បានថ្លែងឲ្យដឹងបែបនេះ ក្នុងពេលរូបលោកអមដំណើររដ្ឋមន្រ្តីក្រសួងពាណិជ្ជកម្ម លោក ប៉ាន សូរស័ក្តិ ចុះពិនិត្យគុណភាពទំនិញនៅក្នុងផ្សារអូរឬស្សី នាព្រឹកថ្ងៃទី១២ ខែមករា ឆ្នាំ២០១៧។</span></p>
<p><span style="color: #000000;">លោក ម៉ក់ ពេជ្ជរិទ្ធ បានឲ្យដឹងដែរថា ទំនិញ ដែលរកឃើញនោះភាគច្រើនជាប្រភេទភេសជ្ជៈ និងម្ហូបអាហារ។ បើតាមលោក ម៉ក់ ពេជ្ជរិទ្ធ គ្រប់ទំនិញដែលបានកម្ទេចចោលសុទ្ធតែមានការព្រមព្រៀងពីក្រុមអាជីវករ។</span></p>
<p><span style="color: #000000;">បើទោះបីជាយ៉ាងណា លោក ម៉ក់ ពេជ្ជរិទ្ធ បានបញ្ជាក់ថា កាំកុងត្រូលនៅតែប្រឹងប្រែងធ្វើសកម្មភាពត្រួតពិនិត្យរាល់ទំនិញទាំងអស់ ដែលកំពុងលក់ដូរនៅលើទីផ្សារ ព្រោះមិនចង់ឲ្យទំនិញគ្មានគុណភាព និងខូចគុណភាពនេះ ទៅបំផ្លាញសុខភាពរបស់ប្រជាពលរដ្ឋនោះឡើយ។</span></p>
<p><span style="color: #000000;">ទោះបីទំនិញគ្មានគុណភាព និងខូចគុណភាពជាច្រើនត្រូវបានរកឃើញ និងដុតកម្ទេចចោលក្នុងឆ្នាំ២០១៦ ក៏ដោយក្តី តែលោក ម៉ក់ ពេជ្ជរិទ្ធ មិនបានសម្តែងក្តីរីករាយនោះឡើយ។ លោក ម៉ក់ ពេជ្ជរិទ្ធ បានលើកឡើងថា ការស្វែងរកឃើញទំនិញខូចគុណភាព និងគ្មានគុណភាពនេះ មិនមែនជាការចង់បានរបស់កាំកុងត្រូលកម្ពុជានោះឡើយ អ្វីដែលកាំកុងត្រូលចង់បាន គឺចង់ឲ្យអាជីវករ និងប្រជាពលរដ្ឋ កាន់តែយល់ច្បាស់ពីផលប៉ះពាល់នៃចំណីអាហារខូចគុណភាព និងគ្មានគុណភាព ហើយរួមគ្នាលុបបំបាត់ឲ្យបានទាំងស្រុង កុំឲ្យមាននៅលើទីផ្សារបន្តទៅទៀត។</span></p>
<p><span style="color: #000000;">លោកអគ្គនាយកកាំកុងត្រូល ក៏បានបង្ហាញពីវិធានការមួយចំនួន ក្នុងការទប់ស្កាត់ទំនិញខូចគុណភាព ទំនិញហួសកាលបរិច្ឆេទប្រើប្រាស់ និងទំនិញគ្មានសុវត្ថិភាពសម្រាប់អ្នកប្រើប្រាស់ផងដែរ។ លោកបានបញ្ជាក់ថា តាមរយៈរថយន្តពិសោធន៍ចល័ត ក៏ដូចជាមន្រ្តីកាំកុងត្រូលនៅទូទាំងប្រទេស នឹងបន្តសកម្មភាពឲ្យកាន់តែខ្លាំងក្លាក្នុងការទប់ស្កាត់ និងចុះទៅតាមទីផ្សារស្វែងរកទំនិញ និងពន្យល់ដល់អាជីវករឲ្យបានយល់ច្រើនពីផលប៉ះពាល់ នៃទំនិញគ្មានគុណភាព ហួសកាលបរិច្ឆេទកំណត់ និងទំនិញគ្មានសុវត្ថិភាព។</span></p>
<p><span style="color: #000000;">បើតាមលោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម ក៏បានឲ្យដឹងដែរថា ដើម្បីទប់ស្កាត់ការចរាចរណ៍នូវទំនិញ នាំឲ្យប៉ះពាល់សុខភាពអ្នកប្រើប្រាស់នេះ ក្រសួងក៏បាននិងកំពុងរៀបចំច្បាប់ចំនួនពីរ គឺច្បាប់ស្តីពីសុវត្ថិភាពម្ហូបអាហារ និងច្បាប់ការពារអ្នកប្រើប្រាស់។ លោករដ្ឋមន្រ្តីថា ច្បាប់នេះ ត្រូវបានក្រសួងរៀបចំរួចរាល់ហើយ និងកំពុងដាក់ឲ្យអន្តរក្រសួងត្រួតពិនិត្យ។</span></p>
<p><span style="color: #000000;">បើតាមលោក ប៉ាន់ សូរស័ក្តិ ច្បាប់នេះអាចនឹងរួចរាល់នៅក្នុងឆ្នាំ២០១៧។ លោករដ្ឋមន្រ្តីថា ក្នុងច្បាប់នេះ ក៏មានចែងពីការដាក់ទោសទណ្ឌរាល់អ្នក ដែលលក់ចំណីអាហារគ្មានសុវត្ថិភាពផងដែរ៕</span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-29-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-29-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-29-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-30-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-30-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-30-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-30-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-30-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-31-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-31-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-31-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-31-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-32-12.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-32-13.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-32-14.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-32-15.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-12-09-48-32-16.jpg" alt="" width="730" /></span></p>
</div>
<div id="system-message"></div>
<div style="text-align: right;"><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></div>
</div>
</div>
</div>
</div>