<div>
<p><span style="color: #000000;"><strong>(ភ្នំពេញ)៖</strong> តារាសម្តែងប្រុសលោក អ៊ុន សិទ្ធា ថ្មីៗនេះ បានធ្វើទស្សនិជនភ្ញាក់ផ្អើលយល់ច្រឡំ ស្មានថាលោកត្រូវស្លាប់ ក្រោយពីរូបថតបង្ហាញពីទិដ្ឋភាពគោរពបូជាសព របស់លោកជាច្រើនសន្លឹក ត្រូវបានបែកធ្លាយបង្ហោះ នៅលើបណ្តាញសង្គមហ្វេសប៊ុក កាលពីប៉ុន្មានថ្ងៃមុខនេះ ទន្ទឹមពេលជាមួយគ្នា ដែលតារាស្រីនាង ឌុច លីដា បង្ហោះសារខូចចិត្តប្រាប់ថា សង្សាស្លាប់ចោល។ ប៉ុន្តែយ៉ាងណាដំណឹងទាំងនេះ សុទ្ធតែផ្ទុយការពិត ព្រោះជាសកម្មភាពថតសម្តែងរឿង របស់ស្ថានីយទូរទស្សន៍ប៉ុណ្ណោះ។</span></p>
<p><span style="color: #000000;">តារារយៈរូបថត បង្ហាញពីការស្លាប់ជាច្រើនសន្លឹក ត្រូវបានអ្នកលេងហ្វេសប៊ុក បង្ហោះចែកចាយពាសពេញ បណ្តាញសង្គមហ្វេសប៊ុក កាលពីថ្មីៗ បានបង្កការចាប់អារម្មណ៍ និងភ្ញាក់ផ្អើលខ្លាំងដល់អ្នកគាំទ្រ ទាំងក្នុងនិងក្រៅស្រុក ដោយគេនឹកស្មានតែតារាប្រុសខ្មែរម្នាក់នេះ បានស្លាប់មែនទែន ដូចអតីតតារាចម្រៀង លោក វណ្ណ មករា។</span></p>
<p><span style="color: #000000;">ដើម្បីបញ្ជាក់ការពិត លោក អ៊ុន សុធា ភ្លាមៗនេះ បានចេញមុខបំភ្លឺប្រាប់មហាជនថា មិនមែនជាការពិតឡើយនេះ គ្រាន់តែការសម្តែងរឿងប៉ុណ្ណោះ។ លោកបានសរសេរលើហ្វេសប៊ុកថា «សួស្តីមិត្តៗទាំងអស់គ្នា! សូមកុំមានការយល់ច្រឡំអី នេះគ្រាន់តែជាការថត video ភាគរបស់ទូរទស្សន៍ CTN ទេ ។ ឃើញបងៗ ដែលជាអ្នកសារពត៌មាន និងមិត្តភកិ្ភ call សួរខ្ញុំច្រើន ដូច្នេះខ្ញុំសូមប្រាប់ថា ខ្ញុំមិនអីទេ អរគុណសំរាប់ការបារម្ភ របស់អ្នកទាំងអស់គ្នា..»។</span></p>
<p><span style="color: #000000;">ទោះបីជាមានការបកស្រាយបែបនេះក្តី គេសង្កេតឃើញមានការរិះគន់ផងដែរ ពីទស្សនិកជនជុំវិញ ការថតបង្ហោះរូបយ៉ាងដូច្នេះ ដែលបង្កឲ្យមានការយល់ច្រឡំ និងភ្ញាក់ផ្អើល ចំពោះទស្សនិកជន។ ក្នុងនោះមានមតិខ្លះ បានរិះគន់ចំពោះទង្វើនេះថា «ស្មានតែទៅ១ទៀតហើយ១ទើបទៅបាត់ លោក មករា ។ ផូសចង់ល្បីមិនបញ្ជាក់ឲ្យបានច្បាស់អ្នកណាទៅដឹង ។ ចំណែកខ្លះទៀតបានលើកឡើងថា ការថតលេងក្ដីមែនទែនក្ដី ក៏វាមិនសមដែរ លោកអ្នកដឹងទេថា បើជាជនបរទេសគេឃើញ គេមិនចេះអានអក្សរខ្មែរ តើគេអាចគិតថាខ្មែរ ទៅចូលរួមពិធីបុណ្យសព នាំគ្នាថតបែបសប្បាយៗ មានមនុស្សស្លាប់ គេនាំគ្នាធ្វើអីចឹងឬ ? ម៉្យាងទៀតបើក្មេងៗ វាឃើញវាយល់យ៉ាងណា យើងជាអ្នកសិល្បៈ មុននឹងធ្វើអ្វីគួរគិតឲ្យល្អិតល្អន់ផង ។ អ្នកសិល្ប: គឺជាអ្នកអប់រំ មិនមែនគ្រាន់តែលេងឲ្យសប្បាយនោះឡើយ៕</span></p>
<p><span style="color: #0000ff;"><a href="/News/Detail/40181/douch-lida" target="_blank"><span style="color: #0000ff;">-អាន ៖ ឌុច លីដា ចេញមុខបញ្ជាក់ការពិត ជុំវិញការបង្ហោះសារខូចចិត្ត ថា សង្សារស្លាប់ចោល</span></a></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12592541_224310187901491_7718923030582346889_n.jpg?oh=ee43a82df165de484586ec9d33937b18&oe=57233D89" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfa1/v/t1.0-9/12669618_224310207901489_9113383749406808263_n.jpg?oh=d11b686b209af10933f2e0931076e87e&oe=57238B22&__gda__=1462059028_97867aebaa6bea857760bf23b5ef8a4d" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12645098_224310174568159_5078673223764579568_n.jpg?oh=1ba02928510a65a18650034729471603&oe=572FD49D" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfa1/v/t1.0-9/1914421_224310171234826_7902602164731890398_n.jpg?oh=96e54b851243eac2cedee5e5cd4ad625&oe=57407C1E&__gda__=1463778382_8f1afa220218988a8326e7f78bfb0dd0" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12661940_224310197901490_7597720944345998275_n.jpg?oh=49d63d783b77fdbc5b919bb9369a337a&oe=57428A15" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>