<p><span style="color: #000000;"><strong>(ភ្នំពេញ)៖</strong> ស្ត្រីជាប្រពន្ធមន្ត្រីយោធាម្នាក់ បាននាំសាហាយទៅដេកដល់ក្នុងបន្ទប់របស់ខ្លួន ត្រូវបានប្តីតាមទាន់ចាក់សោរទុកក្នុងបន្ទប់ រួចប្តឹងនគរបាលប៉ុស្តិ៍ចោមចៅ ខណ្ឌពោធិ៍សែនជ័យ ឲ្យចុះមកឃាត់ខ្លួនទាំងប្រពន្ធផិតក្បត់ និងសាហាយស្មន់ចាត់ការតាមផ្លូវច្បាប់។</span></p>
<p><span style="color: #000000;">ហេតុការណ៍ដ៏គួរអាម៉ាសនេះ បានកើតឡើងនៅយប់ថ្ងៃទី២១ ខែកុម្ភៈ ឆ្នាំ២០១៧ នៅចំណុចបន្ទប់ជួល ភូមិព្រៃល្វា សង្កាត់ចោមចៅ ខណ្ឌពោធិ៍សែនជ័យ។</span></p>
<p><span style="color: #000000;">សមត្ថកិច្ចបានឲ្យដឹងថា បុរសជាសាហាយស្មន់ ឈ្មោះ កែវ ហៃ អាយុ២៩ឆ្នាំ មុខរបរកម្មកររោងចក្រ មានទីលំនៅភូមិជ្រៃកោង សង្កាត់ចោមចៅ ស្រុកកំណើត នៅស្រុកកំពង់ត្របែក ខេត្តព្រៃវែង មានកូនពីរនាក់។</span></p>
<p><span style="color: #000000;">ចំណែកស្រ្តីផិតប្តីឈ្មោះ ម.ច.ន អាយុ២៥ឆ្នាំ មានប្តីជាមន្ត្រីយោធាឈ្មោះ ន.ស.ល អាយុជិត៣០ឆ្នាំ និងមានកូនម្នាក់។</span></p>
<p><span style="color: #000000;">សមត្ថកិច្ចបានឲ្យដឹងថា តាមដំណើររឿងហេតុ ស្ត្រីផិតប្តីខាងលើ បានលួចទាក់ទង និងបុរសជាប្រុសសាហាយស្មន់នោះ អស់រយៈពេលជាង១ឆ្នាំ កន្លងមកហើយ។ ពេលដែលប្តីមិននៅផ្ទះ នាងតែងតែហៅប្រុសសាហាយ ចូលដេកដល់ក្នុងបន្ទប់របស់ខ្លួន សឹងរាល់ថ្ងៃអស់រយៈពេលជា១ឆ្នាំ ជួនកាលប្រុសសាហាយស្មន់ ជិះម៉ូតូរបស់ខ្លួនមក ជួនកាលជិះម៉ូតូឌុបមករកនាងហើយពេលខ្លះនាងបានឲ្យសាហាយឌុបពីកន្លែងធ្វើការទៀតផង ដោយកុហកប្តីថា ជាបងប្អូនជូនមក។</span></p>
<p><span style="color: #000000;">សមត្ថកិច្ចបានបន្តទៀតថា មានប្រជាពលរដ្ឋបានលួចខ្សឹបប្រាប់បុរសជាប្តីថា គេឃើញប្រពន្ធរបស់ខ្លួននាំប្រុសចូលបន្ទប់ស្ទើររាល់ថ្ងៃ ពេលដែលគេជាប្តីមិននៅផ្ទះ។ ឮដូចច្នេះ ប្តីក៏មានកាសង្ស័យតាម ដានជាច្រើនថ្ងៃ ខណៈមកដល់ម៉ោងកើតហេតុខាងលើ តាមទាន់ក៏ឃើញនាងនាំសាហាយចូលក្នុងបន្ទប់បិទទ្វារ ជិតបង្កការភ្ញាក់ផ្អើលឆោឡោ ដល់អ្នកជិតខាងប្តី ប្តឹងសមត្ថកិច្ចឃាត់ខ្លួន សាហាយ និងស្រ្តីផិតប្តីមកប៉ុស្តិ៍ចាត់ការផ្លូវច្បាប់តែម្តង៕</span></p>
<p><span style="color: #000000;"><img src="http://image.freshnewsasia.com/2017/fn-2017-02-22-13-34-38-0.png" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-22-13-34-38-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/fn-2017-02-22-13-34-39-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>