<div class="article-content">
<p><strong>ភ្នំពេញ៖</strong> អង្គភាពប្រឆំាងអំពើពុករលួយ (ACU) បានបង្ហាញ ស្នាដៃរបស់ខ្លួន តាមរយៈការចាប់ខ្លួនក្រុមអ្នកប្រព្រឹត្ត អំពើពុករលួយ ដែលកឹបកេងទឹកប្រាក់រាប់រយលានរៀល រួមទំាងករណីរកឃើញក្រុមអាណាមឹក ដែលចូលវាយ លុយគេហទំព័ររបស់ខ្លួននាពេលកន្លងមក។</p>
<p>ការបង្ហាញពីកិច្ចខិតខំប្រឹងប្រែងក្នុងការកម្ចាត់ជនពុករលួយលើកស្ទួយយុត្តិធម៌ និងតម្លាភាពនៅក្នុងសង្គមនេះ បានធ្វើឡើងក្នុងសន្និសីទសារព័ត៌មាន កាលពីរសៀលថ្ងៃទី០៦ ខែឧសភា ឆ្នាំ២០១៤ នៅអង្គភាពប្រឆំាងអំពើពុក រលួយ ដោយមានការចូលរួមពីលោកទេសរដ្ឋមន្រ្តី ឱម យិនទៀង ប្រធានអង្គភាព ACU មន្រ្តីពាក់ព័ន្ធ រួមទំាងអ្នក សារព័ត៌មានជាច្រើនរូបទៀត។</p>
<p>ពាក់ព័ន្ធនឹងបេសកកម្មវែកមុខជនប្រព្រឹត្តិអំពើពុករលួយ គឺរួមមានករណីអតីតអធិការ និងអធិការរងស្រុកបន្ទាយ មាស ខេត្តកំពតចំនួនពីររូប ដែលអង្គភាពប្រឆំាងអំពើពុករលួយ (ACU) ឃាត់ខ្លួនកាលពីពេលកន្លងទៅ ពាក់ព័ន្ធ ការកេងបន្លំលុយរដ្ឋ និងលុយផ្សេងៗទៀតរហូតដល់ ៣០០លានរៀលផងដែរ។</p>
<p>លោក នួន បូផល អនុប្រធានអង្គភាពប្រឆំាងអំពើពុករលួយ បានលើកឡើងថា «ACU ចាប់ផ្តើមស៊ើបអង្កេត ករណីពុករលួយរបស់មន្រ្តីទំាងពីររូបខាងលើ ចាប់តំាងពីឆ្នាំ២០១៣មក ដោយរកឃើញបទល្មើសចំនួន ០៨ ក្នុង នោះមាន ០៥ ជាបទល្មើសពុករលួយ និង០៣ទៀត ជាបទល្មើសផ្សេងៗ»។</p>
<p>លោកបន្តថា «ចំណែកចំនួនទឹកប្រាក់ដែលអតីតអធិការ និងអធិការរងទំាងពីររួមខាងលើ ជាប់ពាក់ព័ន្ធនោះ គឺ មានចំនួន ២៥៧.៤៤១.២៣៥រៀល»។</p>
<p>បទល្មើសទំាង ០៨ ដែលអតីតអធិការស្រុកបន្ទាយមាសលោក ស្រ៊ុន ឡាំ និងអធិការរងម្នាក់ទៀត នោះ រួមមាន ទី១. កេងយកផលប្រយោជន៍ដោយខុសច្បាប់, ទី២. កេងយកផលប្រយោជន៍ពីមន្រ្តីអនុវត្តមាន ទី៣. កេងយក ប្រាក់ឧបត្ថម្ភកម្លំាងការពារយុទ្ធនាការណ៍បោះឆ្នោត, ទី៤. ទទួលសំណូកពីល្បែងស៊ីសង, ទី៥. តម្រូវឲ្យមន្រ្តីនគរ បាលក្រោមឱវាទចរាចរណ៍បង់ប្រាក់ឲ្យខ្លួនក្នុងមួយខែ ៦០ម៉ឺនរៀល, ទី៦. តម្រូវឲ្យអាជីវករទិញស្រូវបង់បា្រក់ឲ្យ គាត់, ទី៧. ប្រើប្រាស់អាវុធខុសច្បាប់ និងទី៨. រារំាង និងជ្រៀតជ្រែកចំណាត់ការស៊ើបអង្កេតរបស់ ACU។</p>
<p>ពាក់ព័ន្ធនឹងអំពើពុករលួយនេះដែរ ACU ក៏បានចាប់ខ្លួនអតីតប្រធាននាយកដ្ឋាន អធិការក្រសួងប្រៃសនីយ និង ទូរគមនាគមន៍ លោក ចែម សង្វា ដែលមានតួនាទីជាទីប្រឹក្សារាជរដ្ឋាភិបាលឋានៈស្មើអនុរដ្ឋលេខាធិការពីបទស៊ី ដាច់លុយកក់របស់ក្រុមហ៊ុនទូរស័ព្ទមួយ ដែលបានកក់មុនពេលចាប់ដំណើរការក្រុមហ៊ុន កាលពីឆ្នាំ២០០៨ នូវ ចំនួនទឹកប្រាក់ ១០ម៉ឺនដុល្លារអាម៉េរិក។ ចំណែកប្រធានមន្ទីរសង្គមកិច្ច អតីតយុទ្ធជន និងយុវនិតិសម្បទា ខេត្តតា កែវលោក សោម អ៊ំមុនីរ៉ា ត្រូវបានអង្គភាពប្រឆាំងអំពើពុករលួយ ក៏ត្រូវបានចាប់ខ្លួនផងដែរ កាលពីថ្ងៃទី២៩ ខែ មេសា ពាក់ព័ន្ធបទល្មើសចំនួន ០៥ ដែលមានទឹកប្រាក់ជាច្រើនរយលានរៀលផងដែរ។</p>
<p>ដោយឡែកក្រុម អាណាមិកកម្ពុជាវិញ ACU ដែលមានលោកទេសរដ្ឋមន្រ្តី ឱម យិនទៀង ជាប្រធាននោះ បាន អះអាងថា យុវជនពីនាក់ ដែល ACU ចាប់ខ្លួនបានពីបទចូលលុកលុយគេហទំព័រខ្លួននោះ ពិតជាជនដៃដល់ពិត ប្រាកដមែន តាមរយៈភស្តុតាងយ៉ាងរឹងមំា ដែល ACU ប្រមូលបាន។</p>
<p>លោកបន្តដោយក្រើនរំឭកថា យុវជនដែលមានសមត្ថភាពគួរតែយកចំណេះដឹងទៅប្រើប្រាស់ក្នុងផ្លូវល្អៗ មិនគួរ ប្រើប្រាស់ចំណេះខ្ពស់នេះ បង្កើតទៅជាមហន្តរាយនោះទេ ដោយលោកប្រៀបធៀបទៅនឹងចង្អុលដៃទិព្វរបស់អ្នក ព័ត៌មានវិទ្យា ហើយលោករំលឹកឲ្យក្រុមអាណាមិកទំាងពីរនាក់នោះ ចេះភ្ញាក់រលឹកឡើងវិញផងដែរ ដើម្បីបម្រើ ផលប្រយោជន៍សង្គម។</p>
<p> ពាក់ព័ន្ធនឹងក្រុមអាណាមិកនេះដែរ តំណាងអយ្យការអមសាលាដំបូងរាជធានីភ្នំពេញ កាលពីព្រឹកថ្ងៃទី០៥ ខែ ឧសភា ឆ្នាំ២០១៤ បានសម្រេចចោទប្រកាន់ពីបទល្មើសព័ត៌មានវិទ្យាតាមមាត្រា ៤២៧ និងមាត្រា ៤២៨ នៃ ក្រមព្រហ្មទណ្ឌកម្ពុជា៕</p>
<p style="text-align: center;"><img src="http://image.dap-news.com:81/dap-news/dap-images/2014/March/id-009/S-157.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/March/id-009/S-158.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>