<p><span style="color: #000000;"><strong>ភ្នំពេញ</strong> : កម្លាំងអាវុធហត្ថ រាជធានីភ្នំពេញ និងអាវុធហត្ថ ខណ្ឌចំការមន នៅល្ងាចថ្ងៃទី៣១ ខែសីហា ឆ្នាំ២០១៥បានឃាត់ខ្លួន ស្រ្តីម្នាក់ ពីបទឆបោកលុយ របស់ជនរងគ្រោះ ៣ពាន់ដុល្លារ តាមរយ: បង្កើត Account Facebook បន្លំខ្លួនជាអ្នកនៅអាមេរិក ហើយធ្វើជាខ្ចីលុយ អ្នកនៅភ្នុំពេញ ដោយបន្លំជាបងប្អូន និងសាច់ញាតិ។</span></p>
<p><span style="color: #000000;">មន្រ្តីអាវុធហត្ថ បានអោយដឹងថា ស្រ្តីរូបនេះ មានឈ្មោះ គឹម សូលីដា អាយ២១ឆ្នាំ រស់នៅសង្កាត់ភ្នុំពេញថ្មី ខណ្ឌសែនសុខ រីឯនារីរងគ្រោះ មានឈ្មោះ យឹម ចាក់រិយា អាយុ២២ឆ្នាំ រស់នៅសង្កាត់ផ្សារដើមថ្កូវ ខណ្ឌចំការមន។</span></p>
<p><span style="color: #000000;">បើមន្រ្តី អាវុធហត្ថ ស្រ្តីឆបោករូបនេះ បានបង្កើត Account Facebook ដោយដាក់ឈ្មោះ ដូចសាច់ញាតិនារីរងគ្រោះ នៅអាមេរិក ហើយចាប់ផ្តើម Chat លេងជាមួយគ្នា រហូតសុំខ្ចីលុយ ជាបន្តបន្ទាប់ ដោយលើកទី១ ចំនួន៥០០ដុល្លារ លើកទី២ ចំនួន១៥០០ដុល្លារ និងលើកទី៣ ចំនួន១០០០ដុល្លារ ។</span></p>
<p><span style="color: #000000;">ដោយចេះតែឆ្ងល់ពេល ទើបនារីរងគ្រោះ បានទូរស័ព្ទ ទៅបងប្អូន នៅអាមេរិក ស្រាប់តែអ្នកនៅ អាមេរិក ប្រាប់ថា អត់ដឹងអីផង ទើបដឹងថា គេបោក ។</span></p>
<p><span style="color: #000000;">ក្រោយមកនារីរងគ្រោះ បានដាក់ពាក្យបណ្តឹង នៅអាវុធហត្ថ រហូតចាប់ខ្លួន ស្រ្តីរូបនេះ នៅកន្លែង ដកប្រាក់ Wing យីហោ MK នៅសង្កាត់បឹងត្របែក ខណ្ឌចំការមន នាល្ងាចថ្ងៃនេះតែម្តង។</span></p>
<p><span style="color: #000000;"><a class="thickbox" title="" href="/FileManager/Commons/2015/9/1/9-1-2015-3-26-08-pm-01-09-2015--15-32-45.png"><span style="color: #000000;"><img src="/FileManager/Articles/mce/2015/9/1/9-1-2015-3-26-08-pm-01-09-2015--15-32-45.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>