<p><span style="color: #000000;"><strong>(បន្ទាយមានជ័យ)៖</strong> ស្ត្រីម្នាក់ត្រូវបានគេរាយការណ៍ថា បានស្លាប់បន្ទាប់ពីបញ្ជូនទៅ ដល់មន្ទីរពេទ្យបង្អែកមិត្តភាពកម្ពុជា-ជប៉ុន ខណៈត្រូវប្តីកំហូចបត់រថយន្តបុកផ្ទប់ ទៅនឹងតូបលក់ដូរមួយ ក្នុងផ្សាររាត្រី នៅពេលដែលតាមទាន់ប្តីរូបនោះ កំពុងតែដឹកស្រីស្នេហ៍ដើរលេង។</span></p>
<p><span style="color: #000000;">ហេតុការណ៍ដ៏រន្ធត់នេះ បានកើតឡើងនៅម៉ោង១៩៖២០នាទី យប់ថ្ងៃទី១៨ ខែកុម្ភៈ ឆ្នាំ២០១៦នេះ នៅចំនុចជិតផ្សាររាត្រី ស្ថិតក្នុងភូមិព្រះពន្លា សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។</span></p>
<p><span style="color: #000000;">មន្ត្រីនគរបាលបានបញ្ជាក់ថា ករណីនេះគឺមកពីប្រពន្ធតាមទាន់ប្តី កំពុងដឹកស្រីស្នេហ៍ដើរលេង ហើយប្តីភ័យក៏បត់រថយន្តត្រឡប់ក្រោយ ឃើញដូច្នេះប្រពន្ធ ក៏រត់កាត់ពីមុខរថយន្តបំណង ទៅបើកទ្វារខាងស្រីស្នេហ៍ តែចៃដន្យក៏ត្រូវរថយន្តរបស់ប្តី បុកគៀបជាប់នឹងតូបលក់ដូរតែម្តង។</span></p>
<p><span style="color: #000000;">ក្រោយកើតហេតុបុរសជាប្តី ក៏ស្ទុះចុះមកបីត្រកងសពប្រពន្ធ និងស្រែកយំយ៉ាងខ្លាំង ប៉ុន្តែវាហួសពេលបាត់ទៅហើយ មិនអាចសងអ្វីដែលខ្លួនបានធ្វើនោះឡើយ។ ដោយឡែកស្រីស្នេហ៍វិញ ក្រោយកើតហេតុបានចុះពីរថយន្ត គេចខ្លួនបាត់ស្រមោល៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/19/10-19-02-2016--09-06-03.jpg"><img src="/FileManager/Articles/mce/2016/2/19/10-19-02-2016--09-06-03.jpg" alt="" /></a></span></p>
<p><a class="thickbox" title="" href="/FileManager/Commons/2016/2/19/10a-19-02-2016--09-06-10.jpg"><img src="/FileManager/Articles/mce/2016/2/19/10a-19-02-2016--09-06-10.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/2/19/10-19-02-2016--09-06-03.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>