<p><span style="color: #000000;"><strong>ភ្នំពេញ ៖</strong> រថយន្ដកាមរី គូទហើម១ គ្រឿងពាក់ស្លាកលេខភ្នំពេញ 2A-7825 ពណ៌សំបកឪឡឹកត្រូវ បានប្រជាពលរដ្ឋ ប្រទះឃើញ នៅក្នុងដីឡូតិ៍មួយកន្លែងបង្ក ឱ្យភ្ញាក់ផ្អើលទាំងព្រឹក ។ ការភ្ញាក់ផ្អើល ដោយប្រជាពលរដ្ឋ ប្រទះឃើញរថយន្ដកាមរីគូទហើមត្រូវ គេយកទៅផ្លុងចោលនេះ បានកើតឡើងនៅ វេលាម៉ោង៥និង៣០នាទី ព្រឹកថ្ងៃទី២៨ ខែមេសា ឆ្នាំ២០១៥ នៅក្នុងដីឡូមួយ កន្លែង ស្ថិតក្នុងភូមិអន្លង់ក្ងាន សង្កាត់ ឃ្មួញ ខណ្ឌសែនសុខ ។</span></p>
<p><span style="color: #000000;">មន្ដ្រីនគរបាលប៉ុស្ដិ៍ឃ្មួញបានឱ្យដឹងថា នៅវេលាម៉ោង៥និង៣០នាទី ព្រឹកថ្ងៃទី២៨ ខែមេសា ឆ្នាំ២០១៥ មានប្រជា ពលរដ្ឋរស់នៅ ភូមិអន្លង់ក្ងានបានរាយការណ៍ ប្រាប់នគរបាលប៉ុស្ដិ៍ឃ្មួញ បន្ទាប់ពីពួកគាត់បានប្រទះឃើញ រថយន្ដកាមរី គូទហើមខាងលើ ត្រូវបានជនមិនស្គាល់ មុខជិះយកទៅប្លុងចោលនៅក្នុងដីឡូតិ៍ ហើយមិនដឹងម្ចាស់ទៅណាបាត់នោះទេ។</span></p>
<p><span style="color: #000000;">បន្ទាប់ពីទទួលសេចក្ដីរាយការណ៍ពីប្រជាពលរដ្ឋភ្លាម នគរបាលប៉ុស្ដិ៍ឃ្មួញបានចុះ ទៅដល់កន្លែងកើតហេតុ ហើយពិនិត្យ ឃើញថា ពិតជាមានរថយន្ដកាមរីគូទ ហើមស្ថិតនៅក្នុងឡូតិ៍ មួយកន្លែងនោះមែន។ ដោយឃើញបែបនេះសមត្ថកិច្ចបានត្រួត ពិនិត្យមើលក្នុង រថយន្ដពុំឃើញមានអ្វី គួរឱ្យកត់សម្គាល់នោះទេ ក្រៅពីឃើញ រថយន្ដនេះក្រពឹតមួយ ចំហៀងស្ដាំខាង មុខដែលធ្វើឱ្យមានការសង្ស័យជំហាន ដំបូងថា រថយន្ដមួយគ្រឿងនេះ អាចជួបគ្រោះថ្នាក់ ចរាចរណ៍ដោយបុកគេរួចគេច ខ្លួនមកសំងំក្នុងដីឡូតិ៍នេះ ហើយម្ចាស់ក៏ គេចខ្លួនបាត់ដែរ ។</span></p>
<p><span style="color: #000000;">មន្ដ្រីនគរបាលដដែល បានឱ្យដឹងទៀតថា បន្ទាប់ពីឃើញរថយន្ដកាមរីគូទហើម ត្រូវបានគេយកមកប្លុងចោលក្នុងដីឡូតិ៍ ដោយមិនឃើញម្ចាស់យ៉ាងដូច្នេះ សមត្ថកិច្ចបានសម្រេចអូស យករថយន្ដទៅរក្សា ទុកនៅអធិការដ្ឋាននគរបាលខណ្ឌសែន សុខដើម្បីស្រាវជ្រាវ រកម្ចាស់ឱ្យឃើញ និងឱ្យមកទទួលយកទៅប្រើប្រាស់វិញ ខណៈដែលសមត្ថកិច្ច សង្ស័យថា ម្ចាស់រថយន្ដមិនទៅណាឆ្ងាយនោះ ។</span></p>
<p><span style="color: #000000;">ប្រភពចុងក្រោយបានឱ្យដឹងថា ម្ចាស់រថយន្ដបានចេញមុខមកបំភ្លឺឱ្យដឹងថា រូបគាត់បានឈប់រថយន្ដនៅមុខផ្ទះ ដោយសារតែ ស្ទះម៉ូតូច្រើនពេក ទើប គាត់ទុករថយន្ដចោលនៅមុខផ្ទះ ហើយ ឡើងទៅដេកបាត់ទៅ ។ លុះព្រឹកឡើង ស្រាប់តែបាត់រថយន្ដរបស់គាត់តែម្ដង។</span></p>
<p><span style="color: #000000;">បន្ទាប់ពីរថយន្ដ ហើយរូបគាត់បាន ទៅដាក់ពាក្យបណ្ដឹងនៅប៉ុស្ដិ៍រដ្ឋបាលផ្សារ ដេប៉ូទី១ ។ លុះដល់រសៀលបន្ដិច ទើប គាត់ដឹងដំណឹងថា មានរថយន្ដដែលមាន ភិនភាគដូចរថយន្ដរបស់គាត់ប្លុងចោល នៅដីឡូមួយកន្លែង ទើបគាត់ស្វែងរក រថយន្ដនោះ ពិតជារថយន្ដរបស់គាត់៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/29/4-29-2015-1-50-57-pm-29-04-2015--14-00-55.png"><img src="/FileManager/Articles/mce/2015/4/29/4-29-2015-1-50-57-pm-29-04-2015--14-00-55.png" alt="" /></a></span></p>
<p><a class="thickbox" title="" href="/FileManager/Commons/2015/4/29/4-29-2015-1-51-08-pm-29-04-2015--14-01-12.png"><img src="/FileManager/Articles/mce/2015/4/29/4-29-2015-1-51-08-pm-29-04-2015--14-01-12.png" alt="" /></a></p>
<p><a class="thickbox" title="" href="/FileManager/Commons/2015/4/29/4-29-2015-1-51-19-pm-29-04-2015--14-01-23.png"><img src="/FileManager/Articles/mce/2015/4/29/4-29-2015-1-51-19-pm-29-04-2015--14-01-23.png" alt="" /></a></p>
<p><a class="thickbox" title="" href="/FileManager/Commons/2015/4/29/4-29-2015-1-51-30-pm-29-04-2015--14-01-41.png"><img src="/FileManager/Articles/mce/2015/4/29/4-29-2015-1-51-30-pm-29-04-2015--14-01-41.png" alt="" /></a></p>
<p style="text-align: right;"><span>ផ្ដល់សិទ្ធដោយ៖ ដើមអម្ពិល</span><span style="color: #000000;"><br /></span></p>