<div class="article-content">
<div class="article-content">
<p><strong>ភ្នំពេញ</strong> ៖ យ៉ាងហោចណាស់មានយុវជន ស្ទាវចំនួន៤នាក់ ត្រូវបានឃាត់ខ្លួនដោយ កម្លាំងកងរាជ<br />អាវុធហត្ថខណ្ឌ បន្ទាប់ពីមាន ជម្លោះវាយតប់គ្នា ក្នុងក្លឹបឌីស្កូយីហោអាវ៉ា ឡន ដែលហេតុការណ៍<br />ទំនាស់នេះ ត្រូវបាន សាក្សីនិយាយថា ភាគីក្មេងស្ទាវចំនួន៤នាក់ បានព្យាយាមបង្ករឿងទៅលើ<br />ភាគីម្ខាងទៀត ដែលមានគ្នា៤នាក់ ។ ទោះជាយ៉ាងណាក៏ ដោយ គ្មានការបញ្ជាក់ពីអត្ដសញ្ញាណ<br />ជាក់ លាក់ណាមួយ ពីក្រុមស្ទាវបង្ករឿងក្នុងក្លឹប នេះទេ ។</p>
<p>ហេតុការណ៍ជម្លោះក្នុងក្លឹបរាំរែកពេល រាត្រីនេះ បានកើតឡើងកាលពីវេលាម៉ោង ១២និង២៥នា<br />ទី យប់ថ្ងៃទី១១ ខែសីហា ឆ្នាំ ២០១៣ ក្នុងក្លឹបអាវ៉ាឡន ស្ថិតក្នុងអគារ ពាណិជ្ជកម្មអ៊ែតវូត តាម<br />បណ្ដោយផ្លូវសហ ព័ន្ធរុស្សី ក្នុងសង្កាត់ទឹកថ្លា ខណ្ឌសែនសុខ បង្កឡើងដោយយុវជនស្ទាវចំនួន<br />៤នាក់ដែល ស្ថិតក្នុងអាការៈស្រវឹង ហើយទៅរករឿង បង្កជម្លោះជាមួយភាគីម្ខាងទៀត មានគ្នា៦<br /> នាក់ កំពុងអង្គុយក្បែរតុគ្នានោះ ។</p>
<p>សាក្សីជាសន្ដិសុខបញ្ជាក់ថា នៅពេល កើតជម្លោះពួកគេបានឃាត់ជនបង្កឱ្យចេញ មកខាងក្រៅ<br />ក្លឹប រួចបានប្ដឹងទៅកម្លាំងអាវុធ ហត្ថ ដើម្បីឃាត់ខ្លួនជនបង្ក យកមកចាត់ ការតាមច្បាប់ ។<br /><br />សេចក្ដីរាយការណ៍ចុងក្រោយបានបញ្ជាក់ ថា ក្រោយនាំខ្លួនយុវជនទំនើងបង្ក ទៅកាន់ ទីបញ្ជាការ<br />ដ្ឋានកងរាជអាវុធហត្ថខណ្ឌសែន សុខ មិនបានចំអិនកំពឹសផង ក្រុមនេះត្រូវ បានដោះលែងទៅវិញ<br />អស់ មិនដឹងជាយ៉ាងម៉េច ៕</p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>
</div>