<div class="item-page">
<p><span style="color: #000000;"><strong>(ព្រះសីហនុ)៖</strong> បុរសជនបរទេសម្នាក់ កំពុងអង្គុយផឹកស្រាក្រឡុកលើកៅអីផ្តៅ នៅលើឆ្នេរខ្សាច់មាត់សមុទ្រសុខៗ ស្រាប់តែប្រកាច់ផ្ងារមកក្រោយ ដាច់ខ្យល់ស្លាប់ភ្លាមមួយរំពេច។</span></p>
<p><span style="color: #000000;">ហេតុការណ៍នេះបង្កឲ្យភ្ញាក់ផ្អើលនៅល្ងាច ថ្ងៃទី៥ ខែមករា ឆ្នាំ២០១៧ នៅចំណុចឆ្នេរ អូរឈើទាល ស្ថិតក្នុងក្រុម១៤ ភូមិ០៤ សង្កាត់៤ ក្រុងព្រះសីហនុ ខេត្តព្រះសីហនុ។</span></p>
<p><span style="color: #000000;">មន្ដ្រីនគរបាលមូលដ្ឋានបានឲ្យដឹងថា បុរសជនរងគ្រោះឈ្មោះ DAVID COOK អាយុ៧១ឆ្នាំ សញ្ជាតិអង់គ្លេស កាន់លិខិតឆ្លងដែន លេខ542945063 ទិដ្ឋាការលេខ TI12010060។</span></p>
<p><span style="color: #000000;">នគរបាលបញ្ជាក់ថា ជនបរទេសរូបនេះ ចូលស្នាក់នៅ ផ្ទះសំណាក់ GBT2 បន្ទប់៥៦៣ កាលពីរសៀលថ្ងៃកើតហេតុ ក្រោយមកជនរងគ្រោះបានដើរលេងតាមឆ្នេរ រួចហើយក៏បានចូលផឹក ស្រាក្រឡុក១កែវ និងស្រាបៀរ១កែវ លុះផឹកបានមួយសន្ទុះក៏មានអាការៈ ដង្ហក់បញ្ឈរភ្នែករួចក៏ប្រកាច់បះជើងទៅក្រោយស្លាប់ភ្លាមៗ នៅកន្លែងកើតហេតុ។</span></p>
<p><span style="color: #000000;">យោងតាមការត្រួតពិនិត្យ និងធ្វើកោសល្យវិច័យរបស់លោកវេជ្ជបណ្ឌិត សែ ជូសិទ្ធិជោតិ អនុប្រធានមន្ទីរសុខាភិបាល ខេត្តព្រះសីហនុ បានឲ្យដឹងថាជនរងគ្រោះ សាកសព ស្លាប់ដោយ ជម្ងឺ(គាំងបេះដូង)។</span></p>
<p><span style="color: #000000;">បច្ចុប្បន្នសពជនរងគ្រោះ ត្រូវបានសមត្ថកិច្ចហៅរថយន្តដឹកទៅរក្សារទុក នៅមន្ទីពេទ្យបង្អែកខេត្តព្រះសីហនុ រងចាំក្រុមគ្រួសារ និងស្ថានទូតមកទទួលយកទៅស្រុកកំណើតវិញ៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-06-13-43-44-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-06-13-43-44-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-06-13-43-44-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>