<p><span style="color: #000000;"><strong>ភ្នំពេញ៖</strong> ភាពភ្ញាក់ផ្អើលមួយបានកើតឡើង កាលពីពេលថ្មីនេះ ខណៈដែលរូបភាពអាក្រាតកាយ របស់ កំពូលតារាសម្ដែងល្បីឈ្មោះរាប់ឆ្នាំ លោក ទេព រិន្ទដារ៉ូ បានបែកធ្លាយជាសាធារណៈ ក្នុងបណ្ដាញ សង្គម ហើយត្រូវបានគេបញ្ជូនតៗគ្នា បង្កឲ្យមានការសួរដេញដោលគ្នា ពីមួយទៅមួយថា តើរូបនេះជា ការពិត ឬជារូបកាត់ត?</span></p>
<p><span style="color: #000000;">រូបភាពរបស់តារាសម្ដែងចាស់វស្សា លោក ទេព រិន្ទដារ៉ូ មានសណ្ឋានជារូបអាក្រាត ល្វែងលើមួយកំណាត់ខ្លួន ហើយត្រូវបានចែកចាយថ្មីៗនេះ ដោយជនអនាមិក ហើយត្រូវបានទស្សនិកជនគិតថា នេះជាលើកទី១ ហើយសម្រាប់លោក ទេព រិន្ទដារ៉ូ ដែលទទួលរងនូវព័ត៌មានអាស្រូវ ខណៈដែលកន្លងមក លោកពុំធ្លាប់ជួបរឿងរ៉ាវបែបនេះឡើយ។</span></p>
<p><span style="color: #000000;">ជុំវិញរឿងរ៉ាវ បែកធ្លាយរូបភាពអាក្រាតកាយ ធ្វើឲ្យភ្ញាក់ផ្អើលនេះ LookingTODAY បានធ្វើការទំនាក់ទំនង ទៅកាន់លោក ដើម្បីឲ្យបំភ្លឺរឿងដ៏រសើបនេះ ដោយលោកបានអះអាងថា រូបនេះជារូបមិនពិតទេ ពោលគឺត្រូវ ជនខិលខូច កាត់តជាង១ឆ្នាំមកហើយ និងមិនមែនមានតែ១ ឬ២សន្លឹកទេ គឺមានច្រើន ប៉ុន្តែលោកមានបាន ខ្វល់ ឬឈឺក្បាលវិលមុខចំពោះរឿងនេះទេ ព្រោះជារឿងឥតប្រយោជន៍ លោកគ្មានពេលច្រើន ទៅគិតរឿងអី ចឹងៗនោះឡើយ។</span></p>
<p><span style="color: #000000;">លោក ទេព រិន្ទដារ៉ូ និយាយថា« អូ.. អូន.! អារូបហ្នឹងមានម៉ាគគោកហ្នឹង ..! អាក្មេងៗណាទេ វាចេះតែធ្វើទៅ មិនមែនជាការពិតទេ ។ អូន ដឹងអត់គេធ្វើហើយ គេបង្ហោះពេញទឹកពេញដីហ្នឹង ពេលខ្លះមិត្តភក្តិបងផ្ញើ ឲ្យមើលតែញឹកហ្នឹង..! តែបងគិតថាវាអត់ប្រយោជន៍ បងមិនដែលខ្វល់ទេ ធ្វើអីធ្វើទៅ..!»។</span></p>
<p><span style="color: #000000;">លើសពីនេះ តារាសម្ដែងនៅតែរក្សាបានទីផ្សារខ្ពស់ លោក ទេព រិន្ទដារ៉ូ ក៏បានបន្ថែមទៀតថា មានជន អនាមិកខ្លះ ពេលកាត់តរូបលោកហើយ ថែមទាំងខលទូរស័ព្ទមក សម្លុតគម្រាមទារលុយរាប់ពាន់ដុល្លារទៀតផង ជាថ្នូរនឹងការមិនបញ្ចេញរូបនោះ ជាសាធារណៈ ប៉ុន្តែលោកបាន ថតសម្លេងពួកគេនោះទុក ហើយប្រុងនឹងស៊ើបរកមុខ ស្រាប់តែស្ងាត់ទៅវិញក៏មានដែរ។</span></p>
<p><span style="color: #000000;">«ពេលខ្លះ គេកាត់តហើយ មិនដឹងបានលេខខ្ញុំមកពីណាទេ Call មកសម្លុកគំរាមខ្ញុំ ទារលុយ២ ទៅ៣ពាន់ដុល្លារក៏មានដែរ តែបងថតសម្លេងពួកហ្នឹងបាន បង្ហោះវិញម្ដង ក៏ខ្លាចបាត់លែងឃើញខលមក..! អាពួកធ្វើចឹងៗច្រើនតែក្រុមខ្ទើយ ឃើញរូបខ្ញុំនៅអាមេរិក នៅឯណាឯណី យកមកកាត់តបង្ហោះផ្ដេសផ្ដាស ខ្ញុំខ្ជិលណាស់ ព្រោះវាអត់ប្រយោជន៍..!» ។ លោក ទេព រិន្ទដារ៉ូ បញ្ជាក់បន្ថែមយ៉ាងដូច្នេះ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/3/30-03-10-2015--11-37-10.jpg"><img src="/FileManager/Articles/mce/2015/10/3/30-03-10-2015--11-37-10.jpg" alt="" /></a></span></p>
<p><a class="thickbox" title="" href="/FileManager/Commons/2015/10/3/31-03-10-2015--11-37-19.jpg"><img src="/FileManager/Articles/mce/2015/10/3/31-03-10-2015--11-37-19.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/10/3/30-03-10-2015--11-37-10.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>