<p><span style="font-size: 12px; color: #000000;">កាលពីខែមិថុនា ក្រុុុមហ៊ុន Huawei បង្ហើបឱ្យដឹងថា ទូរសព្ទម៉ូដែលទំនើប P20 និង P20 Pro លក់ដាច់យ៉ាងសំបើមរហូតដល់ ៦ លានគ្រឿង ចាប់តាំងពីក្រុមហ៊ុននេះ បានប្រកាសលក់នូវទូរសព្ទមូដែលថ្មីនេះលើទៅផ្សារ កាលពីខែមីនា។ ប៉ុន្ដែអ្វី ដែលគួរឱ្យភ្ញាក់ផ្អើល ក្រុមហ៊ុន Huawei បានបញ្ជាក់ថា ការបញ្ជាទិញ កើនឡើងខ្លាំងដល់កម្រិតមួយមិនគួរឱ្យនឹកស្មានដល់។</span></p>
<p><span style="color: #000000;">ដោយគ្រាន់តែប្រើរយៈពេល ៥ ខែក្នុងការលក់ដល់កម្រិតមួយគួរឱ្យភ្ញាក់ផ្អើលនោះ ក្រុមហ៊ុនចិនមួយនេះ បានអះអាងថា ឥឡូវនេះ ខ្លួនបាននិងកំពុងដឹកជញ្ជូន ទូរសព្ទម៉ូដែលទំនើប P20 និង P20 Pro ជាង ១០ លានគ្រឿង តាមការបញ្ជាទិញរបស់អតិថិជន។ ក្រុមហ៊ុន Huawei មិនបានលាតត្រដាងឱ្យដឹងថា តើចំនួនលក់ចុងក្រោយឡើងដល់កម្រិតណានោះទេ បើធៀបនឹងការលក់ម៉ូដែល P10 កាលពីឆ្នាំមុន។ ប៉ុន្ដែ បន្ទាប់ពីធ្វើបច្ចុប្បន្នភាពការលក់ នៅក្នុងខែមិថុនា តួលេខនេះ បានកើនឡើងដល់ ៨១% ទៅហើយ នៅពេលប្រៀបធៀប ទៅនឹងការលក់នៃម៉ូដែលជំនាន់មុនៗ។</span></p>
<p><span style="color: #000000;"><a class="thickbox" title="" href="/FileManager/Commons/2018/9/3/1-03-09-2018--15-38-39.PNG"><img src="/FileManager/Articles/mce/2018/9/3/1-03-09-2018--15-38-39.PNG" alt="" /></a><br /></span></p>
<p><span style="color: #000000;">ក្រៅពីព័ត៌មាននេះ ក្រុមហ៊ុនផលិតស្មាតហ្វូនលំដាប់ទី ២ មួយនេះ ក៏បានអះអាងផងដែរថា ការលក់ម៉ូដែល Huawei Mate 10 និង Mate 10 Pro ក៏បានឈានដល់ចំនួនជាង ១០ លានគ្រឿងផងដែរ ដោយប្រើរយៈពេលត្រឹម ១០ ខែប៉ុណ្ណោះ ដើម្បីឱ្យឈានដល់កម្រិតនេះ។ ប៉ុន្ដែការផ្ដោតសំខាន់របស់ទូរសព្ទម៉ដែលថ្មីនោះ គឺការបង្ហាញខ្លួនលើទីផ្សារនៃទូរសព្ទ Mate 20 និង Mate 20 Pro ដែលនឹងប្រកាសលក់លើទីផ្សារជាផ្លូវការ នៅថ្ងៃ ១៦ ខែតុលា នាទីក្រុងឡុងដ៍។</span></p>
<p><span style="color: #000000;">ទូរសព្ទម៉ូដែលថ្មី Mate 20 ត្រូវបានគេរំពឹងថា នឹងដើរតួនាទីយ៉ាងសំខាន់ ក្នុងការរក្សាជំហររបស់ក្រុមហ៊ុន Huawei ឱ្យឈរនៅលំដាប់ទី ២ ពេញមួយត្រីមាសទី៤ ក្នុងឆ្នាំនេះ ខណៈក្រុមហ៊ុន Apple ឈានមួយជំហានទៀត ក្នុងការដាក់ចេញលក់លើទីផ្សារនូវម៉ូដែល iPhone XS និង XS Plus និងម៉ូដែលតម្លៃធូរថ្លៃរបស់ខ្លួន ៕</span></p>
<p><span style="color: #000000;"><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2018/9/3/mekongnet-03-09-2018--15-38-53.PNG" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ phonearena</span></p>